Անջելինա Ջոլիի և Բրեդ Փիթի հերթական ընտանեկան սկանդալը․ այս անգամ էլ Սելենա Գոմեսի պատճառով

Lady.am-ը գրում է.

40֊ամյա Անջելինա Ջոլիի համար խանդի մի նոր պատճառ է հայտնվել․ նա տեսել է 52-ամյա Բրեդ Փիթի՝ իր ամուսնու և 23-ամյա Սելենա Գոմեսի լուսանկարը, որում նրանք մտերմիկ զրուցում են։ Այս լուսանկարն արվել էր “Ոսկե գլոբուս” մրցանակաբաշխության արարողությունից հետո կազմակերպված երեկույթի ժամանակ։ Այս ամենին գումարվել է նաև Անջելինայի ծանոթների հաղորդած տեղեկություններն այն մասին, որ Բրեդը գործնական հարցերով բավականին հաճախ զանգահարում է երգչուհուն, և սա էլ ավելի բարդացրեց իրավիճակը։

Համացանցում ակտիվ քննարկում են այն, որ Բրեդ Փիթը, ընտանեկան դժվարությունները մոռացության մատնելու համար, սիրահետում է երիտասարդ աստղերին։ Մոտ մեկ ամիս առաջ Սելենան համացանցում հրապարակել է մի լուսանկար, որում նա և Բրեդը ջերմ զրուցում են։ Սակայն սա դեռ ամենը չէ։ Ամերիկյան The National Enquirer ամսագրի տարածած տեղեկությունների համաձայն՝ Ջոլիի և Սելենայի ընդհանուր ծանոթները հայտնել են դերասանուհուն, որ Սելենան Բրեդին անգամ կատակով անվանում է “իր ապագա ամուսին”։

Շատերը, ով դիտել են “Խաղ անկման վրա” ֆիլմը, տեսել են Սելենայի կատարմամբ կարճ, բայց շատ հետաքրքիր հատվածը։ Եվ ահա պարզվում է, որ Բրեդն ուղղակի հիացած է Սելենայի խաղով և անգամ պատրաստվում է իր հետագա պրոդյուսերական պրոեկտներից մեկում դեր առաջարկել նրան։ Դե իհարկե՝ շատ բաներ կարող է և չափազանցված են, սակայն փաստը մնում է փաստ, որ հոլիվուդի ամենագեղեցիկ և ամուր զույգերի թիվը մոտ ապագայում է կարող է մեկով պակասել։