ԱՄՆ-ը 38 տարվա մեջ առաջին անգամ տախտակամածային թնդանոթներ է կիրառել Իրանի դեմ. The War Zone

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին 

Ամերիկացի զինվորականները իրանական Touska առևտրային նավի գնդակոծման և գրավման ժամանակ կիրառել են տախտակամածային թնդանոթ. դա վերջին 38 տարվա ընթացքում ծովային թիրախների դեմ ԱՄՆ տախտակամածային հրետանու կիրառման առաջին դեպքն է, գրում է The War Zone-ը՝ հղում անելով ԱՄՆ ռազմածովային ուժերի պաշտոնյային:

Arleigh Burke դասի USS Spruance կառավարվող հրթիռային զենքով ականակիր նավն ապրիլի 19-ին կրակ է բացել իրանական Touska բեռնատար նավի ուղղությամբ Mk 45 5-դյույմանոց կայանքից: Նախորդ նմանատիպ միջադեպը տեղի էր ունեցել գրեթե ուղիղ 38 տարի առաջ՝ նույն տարածաշրջանում և նույն հակառակորդի դեմ:

Ինչպես հայտնել է ԱՄՆ ռազմածովային ուժերի ներկայացուցիչը, տախտակամածային հրետանու՝ մեկ այլ նավի դեմ կիրառման վերջին հավաստի արձանագրված դեպքը վերաբերում է 1988 թվականի ապրիլի 18-ին, երբ Պարսից ծոցում ընթանում էր Praying Mantis գործողությունը՝ ԱՄՆ-ի և Իրանի ռազմածովային ուժերի միջև մարտական բախումը:

Այն ժամանակ ամերիկյան նավերը՝ USS Wainwright հրթիռային հածանավը, USS Bagley ուղեկցող ականակիրը և USS Simpson հետախուզանավը, կրակ էին բացել իրանական IRIS Joshan արագընթաց հարվածային նավի ուղղությամբ: Բացի հականավային հրթիռներից, կիրառվել էին նաև տախտակամածային թնդանոթներ. Wainwright-ը և Bagley-ն կրակել էին 5-դյույմանոց կայանքներից, իսկ Simpson-ը՝ 3-դյույմանոց թնդանոթից:

Praying Mantis գործողությունը 1987 թվականին սկսված ավելի լայնածավալ Ernest Will առաքելության մասն էր, որը ձեռնարկվել էր Իրան-իրաքյան պատերազմի վերջում Պարսից ծոցում առևտրային նավերի վրա հարձակումների ուժգնացման ֆոնին: ԱՄՆ-ն այն ժամանակ ուղեկցում էր ամերիկյան դրոշի տակ անցած քուվեյթյան նավթային նավթատար լցանավերը:

Praying Mantis-ի ընթացքում ոչնչացվել էին իրանական երկու դիտարկման հարթակներ, խորտակվել էին երկու նավ և լրջորեն վնասվել ևս մեկը: Դա Երկրորդ համաշխարհային պատերազմից ի վեր դարձավ ԱՄՆ ռազմածովային ուժերի մասնակցությամբ խոշորագույն ծովամարտը և հակառակորդի հետ հականավային հրթիռային հարվածների փոխանակման միակ դեպքը: 

Մարտի ընթացքում իրանական Joshan նավը, արհամարհելով նախազգուշացումները, Harpoon հրթիռ էր արձակել, որն անցել էր թիրախի կողքով: Ամերիկյան ուժերը պատասխանել էին SM-1 և Harpoon հրթիռներով, որից հետո վնասված նավը վերջնականապես շարքից հանվել էր հրետանային կրակով:

Touska նավին առնչվող ժամանակակից միջադեպը տարբերվում է 1988 թվականի իրադարձություններից: Իրանական նավը քաղաքացիական էր և սպառազինություն չուներ: Այն փորձել էր շրջանցել ծովային շրջափակումը, ինչից հետո Spruance-ը թնդանոթի կրակով վնասել էր դրա շարժիչը: Նավը չի խորտակվել. այն վերցրել են աբորդաժի և կալանավորել:

Ի տարբերություն 1988 թվականի գործողության, ներկայիս միջադեպը, դատելով ամեն ինչից, նմանատիպ զսպող ազդեցություն չի ունեցել: Ավելին՝ Իրանում այն անվանել են ծովահենության ակտ, պահանջել են վերադարձնել նավն ու անձնակազմը և սպառնացել են պատասխան միջոցներով, որոնք, սակայն, առայժմ քայլեր չեն ձեռնարկվել:

Այսպիսով, Spruance-ի դրվագը դարձավ 38 տարվա մեջ առաջին դեպքը, երբ ԱՄՆ ռազմածովային ուժերը մեկ այլ նավի դեմ մարտական իրավիճակում տախտակամածային հրետանային սպառազինություն են կիրառել:

Տախտակամածային թնդանոթները հրետանային համակարգեր են, որոնք տեղադրված են բաց կերպով մարտական նավի կամ սուզանավի տախտակամածի վրա և թաքնված չեն աշտարակների ներսում:

Հետևեք մեզ՝ այստեղ