ՊԱՏՄՈՒԹՅԱՆ ԱՅՍ ՕՐԸ (1 օգոստոսի). Երևանում շահագործման է հանձնվել հերթական տրանսպորտային հանգույցը. «Փաստ»

«Փաստ» օրաթերթը գրում է.

ՏՈՆԵՐ ԵՎ ՀԻՇԱՐԺԱՆ ՕՐԵՐ

Անգոլա՝ Զինված ուժերի օր, Բենին՝ Անկախության օր, Չինաստան՝ Ազգային – ազատագրական բանակի կազմավորման օր, Լեհաստան՝ Վարշավյան ապստամբության զոհերի հիշատակի օր, Ռուսաստան՝ Բանակի թիկունքի աշխատողների օր, Շվեյցարիա՝ Կոնֆեդերացիայի օր, Բարբադոս, Բերմուդներ, Գայանա, Տրինիդադ և Տոբագո, Յամայկա՝ Էմանսիպացիայի օր:

ՀԱՅ-ՀԱՅԱՍՏԱՆ

1903 – ծնվել է գրող Գուրգեն Մահարին:

1905 – Ռուսաստանում ցարի հրամանագրով չեղյալ է հայտարարվել 1903 թվականի հունիսի 12-ի օրենքը, որով պետությանն էր անցնում հայկական հոգևոր հաստատություններին պատկանող ամբողջ շարժական և անշարժ գույքը։

1918 – Երևանի քաղաքային ակումբի դահլիճում տեղի է ունեցել Հայաստանի խորհրդի անդրանիկ նիստի հանդիսավոր բացումը հյուրերի և 46 պատգամավորների մասնակցությամբ:

1921 – ծնվել է ծագումով հայ, ամերիկացի հայտնի օպերային երգչուհի (կոնտրալտո) Լիլի Չուգասզյանը:

1917 – ծնվել է պատմաբան Լևոն Բաբայանը:

1933 – ծնվել է գրող, արձակագիր և դրամատուրգ Զորայր Խալափյանը:

1934 – Երևանում սկսվել է Հայաստանի գրողների միության առաջին համագումարը։

1938 – վախճանվել է խորհրդային դիվանագետ Ալեքսանդր Բեկզադյանը:

1943 – ծնվել է ռազմական գործիչ, գեներալ–լեյտենանտ Մուրազ Սարգսյանը:

1946 – ծնվել է օպերային երգչուհի, սոպրանո Արաքս Մանսուրյանը:

2003 – ուժի մեջ է մտել նոր Քրեական օրենսգիրքը, և առաջին իսկ օրը հրապարակվել է նախագահ Ռոբերտ Քոչարյանի հրամանագիրը, որով մահվան դատապարտված 42 անձի ներում է շնորհվել, ու նրանց նկատմամբ սահմանված պատիժը փոխարինվել է նոր օրենսգրքում սահմանված առավելագույն պատժաչափով՝ ցմահ բանտարկությամբ:

2008 – Երևանում կայացել է ճանապարհաշինական հերթական խոշոր՝ «Այրարատ» կինոթատրոնի հարևանությամբ գտնվող տրանսպորտային նոր հանգույցի շահագործման հանձնելու հանդիսավոր արարողությունը:

2008 – Մատենադարանի մոտ անցկացված հանրահավաքում ՀՀՇ առաջնորդ Լևոն Տեր-Պետրոսյանը հայտարարել է ընդդիմադիր դաշինքի՝ ՀԱԿ–ի ստեղծման մասին:

2014 – սահմանին ադրբեջանցիների հարձակումը հետ մղելու արդյունքում սպանվել է 9 ադրբեջանցի զինծառայող, վիրավորվել՝ 5-ը:

2017 – առավոտյան միջին տարիքի մի տղամարդ մտել է եզդիաբնակ Շամիրամ գյուղի գերեզմանների հարևանությամբ գտնվող սրահ, որտեղ նշում էին հանգուցյալների հիշատակի օրը, ու կրակ բացել ներկաների ուղղությամբ։ Զոհվել է 4 եզդի, վիրավորվել՝ 7-ը։

2024 – վախճանվել է «Գոյ» թատրոնի հիմնադիր Մկրտիչ Մկրտչյանը:

ԱՇԽԱՐՀ

մ.թ.ա. 30 – Օկտավիանոս Օգոստոսը մտել է Եգիպտոսի մայրաքաղաք Ալեքսանդրիա և այն ենթարկել Հռոմի կայսրությանը: Զոհվել է հռոմեացի ռազմական գործիչ և տրիումֆատոր Մարկ Անտոնիոն: մ.թ.ա. 10 – ծնվել է Հռոմի կայսր Կլավդիոսը:

527 – Հուստինիանոս Ա–ն դարձել է Բյուզանդիայի միակ կառավարողը:

1137– վախճանվել է Ֆրանսիայի թագավոր Լուի VI-ը:

1192 – Ռիչարդ Առյուծասիրտը վերադարձել է Յաֆայ և հաղթել Սալահ ադ Դինի բանակին:

1291 – Շվեյցարիան հռչակել է իր անկախությունը։

1619 – առաջին աֆրիկացի ստրուկները հասցվել են Վիրջինիայի Ջեյմսթաուն քաղաք:

1774 – անգլիացի գիտնական Ջոզեֆ Պրիստլին հայտնաբերել է թթվածինը։

1780 – Շվեդիան հայտարարել է իր մշտական չեզոքության մասին:

1831– բացվել է Լոնդոնի կամուրջը:

1834 – Բրիտանական Կայսրությունում վերացվել է ստրկությունը:

1876 – Կոլորադոն դարձել է ԱՄՆ–ի 38–րդ նահանգը:

1914 – Առաջին համաշխարհային պատերազմի ժամանակ Գերմանիան պատերազմ է հայտարարել Ռուսական Կայսրությանը։

1939 – Մոսկվայում բացվել է Ժողովրդական տնտեսության նվաճումների ցուցահանդեսը (ВДНХ), ներկայում՝ Համառուսաստանյան ցուցադրությունների կենտրոն:

1946 –մահապատժի է ենթարկվել խորհրդային զորահրամանատար, դավաճան հռչակված գեներալ Անդրեյ Վլասովը:

1946 – Հունգարիայում մտցվել է ֆորինթ դրամական միավորը:

1954 – ուժի մեջ է մտել Վիետնամում, Լաոսում և Կամբոջայում կրակի դադարեցման պայմանագիրը, Ֆրանսիան ավարտել է իր գաղութային պատերազմը Հնդկաչինաստանում:

1960 – Իսլամաբադը հայտարարվել է Պակիստանի կառավարության դաշնային մայրաքաղաք:

1964 – բելգիական Կոնգոն ստացել է Կոնգոյի Դեմոկրատական Հանրապետություն անունը:

1976 – Տրինիդադ և Տոբագոն հայտարարել է իր անկախությունը:

2004 – Պարագվայի Ասունսյոն քաղաքի սուպերմարկետում ծագած հրդեհի զոհ է դարձել 396 մարդ:

2009 – վախճանվել է Ֆիլիպինների Հանրապետության 11-րդ նախագահը՝ ասիական երկրների առաջին կին նախագահ Կորասոն Ակինոն:

2020 – ԱՄԷ-ում գործարկել են արաբական աշխարհում առաջին ատոմակայանը:

2022 – Ուկրաինայում Հատուկ ռազմական գործողության ժամանակ սկսվել է ճակատամարտը Բախմուտի համար:

Մանրամասները՝ «Փաստ» օրաթերթի այսօրվա համարում