Ինչպիսի՞ն պետք է լինի հղիների հագուստը. «Փաստ»

«Փաստ» օրաթերթը գրում է.

Կանանց մեծ մասը հղիության ընթացքում շարունակում է սովորական ապրելակերպով ապրել։ Տրամաբանական է։ Իմաստ չկա թողնել աշխատանքդ, եթե քեզ լավ ես զգում և կարող ես ամբողջ օրն անցկացնել աշխատավայրում: Կան շատ քիչ սահմանափակումներ, որոնք պետք է հիշել ապագա երեխային չվնասելու համար: Օրինակ` հղիության ընթացքում և՛ համակարգիչը, և՛ դրա մոտ երկար նստելը կարող են ազդել պտղի զարգացման վրա։ Հետևաբար, ավելի լավ է ժամանակավորապես հրաժարվել նման աշխատանքից:

Ինչ վերաբերում է հագուստին, ապա ավելի լավ է ընտրել այնպիսի հագուստ, որն առավել հարմարավետ է։ Միևնույն, ժամանակ, իհարկե, դա չի նշանակում, որ երեխային սպասելու ժամանակահատվածում պետք է հրաժարվել գեղեցիկ ու ոճային իրերից և հագնել տձև զգեստներ։

Ի՞նչ է առաջարկվում հղի կանանց.

- Հագուստը պետք է լինի բավական ազատ և չսահմանափակի շարժումը: Հիշեք, որ այն ամբողջ օրը կրելու եք գրասենյակում։ Եվ, միևնույն ժամանակ, պետք է նաև աշխատել։

- Հագուստը պետք է զարդարի ձեր կազմվածքը և թաքցնի դրա ժամանակավոր փոփոխությունները: Հետևաբար, ամեն ամիս վերանայեք ձեր զգեստապահարանը յուրաքանչյուր նոր փոփոխության հետ միասին:

- Փորձեք հետևել գործնական հագուստին: Հիշեք, որ հղիության և աշխատանքի ժամանակ դուք պետք է շարունակեք նմանվել ընկերության աշխատակցի:

- Հրաժարվեք հին սովորական հագուստից։ Մտածեք, թե ինչպես էիք նախկինում նիհար և գրավիչ: Իսկ այժմ սովորական մինի կիսաշրջազգեստները, կանացի գեղեցիկ ներքնազգեստն ու դեկոլտեն ձեզ կարող են ծիծաղելի դարձնել

- Հագնվեք համեստ: Աշխատեք չընդգծել ձեր հղիությունը և ձեր աշխատանքը կատարեք նախկին ջանասիրությամբ։ Շատ ղեկավարներ չգիտեն, թե ինչպես վարվել հղիների հետ: Հետևաբար, միտումնավոր ընդգծված փորը կարող է միայն գրգռել նրանց:

- Հղիության վերջին ամիսներին կնոջ համար ավելի դժվար է սանրել մազերը և կարգի բերել հագուստը։ Մտածեք ձեր արտաքինի մասին, որպեսզի չլինեք անխնամ:

- Ստացեք կարճ սանրվածք: Խնդրեք ձեր սիրելիներին արդուկել ձեր բլուզը կամ ուղղել ժապավենը հետևի մասում: Եթե արդեն որոշել եք համատեղել հղիությունն ու աշխատանքը, ապա պետք է գրասենյակ մտնեք անթերի տեսքով։

- Չնայած հագուստի ամբողջ խստությանը, մի մոռացեք ձեզ պարգևել փոքրիկ ուրախություններ: Ձեր իրավիճակում դրանք պարզապես անհրաժեշտ են: Թույլ տվեք ձեզ մի փոքր ազատություն աշխատանքում, օրինակ՝ նոր գունավոր շարֆ, գեղեցիկ ականջօղեր կամ մեկ այլ բան, որը կարող է բարձրացնել ձեր տրամադրությունը: Փորձեք կատարել ձեր յուրաքանչյուր քմահաճույքը, քանի դեռ դա չի հակասում կորպորատիվ կանոններին։

Հղիությունը և աշխատանքը կարող են շատ լավ ուրախություն պատճառել, եթե դրանց համատեղմանը մոտենաք հատուկ ոգևորությամբ և որոշակի լավատեսությամբ: Աշխատեք հաճույք ստանալ և վայելեք ձեր երեխային սպասելը:

ԿԱՄՈ ԽԱՉԻԿՅԱՆ

Մանրամասները՝ «Փաստ» օրաթերթի այսօրվա համարում