Իրանը ԵՏՄ-ին կապող հայակական օղակը. քննարկում են գործարարները
BLOGՄարինա Ներսեսյանը ֆեյսբուքյան իր էջում գրում է.
BBA ընկերությունը Հայաստանի գործարարների և արդյունաբերողների միության հետ ապրիլի 22-ին համատեղ կազմակերպելու է թվով երկրորդ «Ինվեստ Արմենիա» բիզնես-ֆորումը, որը անկացվելու է «Թումո» ստեղծարար տեխնոլոգիաների կենտրոնում: Հիմնական թեման լինելու է Հայաստան-Իրան-ԵՏՄ համագործակցության ծրագրերն ու հեռանկարները և ըստ նախնական համաձայնություն, բիզնես-ֆորումին մասնակցելու են գործարար աշխարհի ներկայացուցիչներ Իրանից, Ռուսաստանից և Ղազախստանից:
Քննարկվող երկրորդ թեման վերաբերելու է 2017, 2018 թվականների համար տնտեսական կանխատեսումներին, իսկ երրորդ քննարկվելիք հարցը դա միջազգային խոշոր ցանցերում Հայաստանի արտադրանքի վաճառքի հնարավորություններն են:
Բիզնես-ֆորումի ընթացքում կցուցադրվեն նաև հաջողված ընկերությունների պատմություններ, ինչպես նաև կներկայացվեն վերջին տարիներին խոշոր ներդրումներ կատարած ընկերությունների ցանկը: Հիշյալ ֆորումը հանդիսանում է մի հարթակ, որտեղ գործարար աշխարհի ներկայացուցիչները կարող են հայտնել իրենց տեսակետները, լսել նոր առաջարկություններ, կանխատեսումներ անել և ընդհանուր քննարկման սեղանի շուրջ տարբեր հարցերի լուծումներ գտնել: