Խաղողի օղու պետտուրքը նվազեց 300 անգամ
BLOGՎլադ Կարախանյանը ֆեյսբուքյան իր էջում գրում է.
Ներքին արտադրանքի ծավալների աճի հետ մեկտեղ պետք է ապահովել դրա սպառումը: Մասնավորապես գյուղատնտեսական արտադրանքի, որի պրոդուկտի պահպանելիության ժամկետը կարճ է, սպառման ապահովումը ունի կենսական նշանակություն:
Գյուղատնտեսական արտադրանքի լճացումից խուսափելու և առկա ծավալները հնարավորինս արդյունավետ օգտագործելու համար մեծ օգտակարություն ունի ապրանքների վերամշակումը: Դրա համար կան բազմաթիվ տարբերակներ, որոնց թվին է պատկանում նաև օղու թորումը:
Վերը նշվածի խթանման համար օրերս ՀՀ կառավարությունը որոշում է կայացրել, որի համաձայն խաղողի օղու արտադրության համար պահանջվող պետական տուրքը գործող 15 մլն դրամի փոխարեն սահմանվեց 50 հազար դրամ։ Այլ կերպ ասած, նվազեցվեց 300 անգամ։ Այս որոշումը լուրջ գործոն է ծավալների ավելացման, գինու արտադրության ժամանակ թափոն համարվող մնացորդների վերամշակման և լրացուցիչ եկամուտների ներգրավման համար: