ՊԱՏՄՈՒԹՅԱՆ ԱՅՍ ՕՐԸ (27 հոկտեմբերի). Համաշխարհային «սև շաբաթը», ԲԱՄ-ի գործարկումը. «Փաստ»

«Փաստ» օրաթերթը գրում է.

ՏՈՆԵՐ ԵՎ ՀԻՇԱՐԺԱՆ ՕՐԵՐ

Աուդիովիզուալ ժառանգության համաշխարհային օր, Ալժիր՝ Ծառ տնկելու օր, Թուրքմենստան՝ Անկախության օր:

ՀԱՅ-ՀԱՅԱՍՏԱՆ

1881 – ծնվել է լեզվաբան Խաչատուր Կանայանը։

 1914 – ծնվել է հայազգի ռուսաստանցի գրող Գեորգի Խոլոպովը։

1938– վախճանվել է տնտեսագետ, հրապարակախոս, պետական գործիչ Արտաշես Խալաթովը:

1969- վախճանվել է հայ արձակագիր, գրաքննադատ և լրագրող Կորյուն Ազրոյանը։

1975- վախճանվել է աղեղնավոր երաժշտական գործիքների հայ վարպետ Շահեն Երիցյանը։

1995- Հայաստանը դիվանագիտական հարաբերություններ է հաստատել Ուզբեկստանի հետ։

 1999 – Հայաստանի Ազգային ժողովում տեղի է ունեցել հոկտեմբերի 27-ի ահաբեկչական գործողությունը. ահաբեկչական խմբի գործողությունների արդյունքում զոհվել են Հայաստանի ԱԺ նախագահ Կարեն Դեմիրճյանը, վարչապետ Վազգեն Սարգսյանը, 6 այլ պետական գործիչներ ու ԱԺ պատգամավորներ, ևս 8 մարդ վիրավորվել է։

2005 – Հայաստանյան ընդդիմադիր 17 կուսակցություններ և Մտավորականների ֆորումը տարածել են հայտարարություն, որով մերժել են սահմանադրական փոփոխությունների հանրաքվեի գործընթացը:

2006 – Ախալ քալաքի Ազատության հրապարակում տեղի է ունեցել բողոքի ցույց` ի պաշտպանություն սահմանի ապօրինի հատման մեղադրանքով Երևանում ձերբակալված «Միասնական Ջավախք» ժողովրդավարական դաշինքի նախագահության անդամ Վահագն Չախալ յանի:

2009 – հոկտեմբերի 27-ի զոհերի հիշատակը հավերժացնելու համար Ազգային ժողովի շենքի բակում տեղադրվել է Երվանդ Քոչարի «Բիբլիական Դավիթը» քանդակը։

2013 – Կոմպոզիտորների միության համագումարում Կոմիտասի անվան կոնսերվատորիայի պրոֆեսոր Արամ Սաթյանը, ստանալով 2 քվե ավելի, քան միությունը 1993 թվականից ղեկավարող կոմպոզիտոր Ռոբերտ Ամիրխանյանը, դարձել է Կոմպոզիտորների միության նախագահ:

2020 – Ղարաբաղյան երկրորդ պատերազմի ժամանակ ԼՂՀ իշխանությունները մարտադաշտում ծանր վիրավորում ստացած Ջալալ Հարությունյանի փոխարեն պաշտպանության նախարար են նշանակել Միքայել Արզումանյանին: Ադրբեջանական բանակը խոշոր հարձակում է սկսել Լաչինի ուղղությամբ:

ԱՇԽԱՐՀ

1439 – վախճանվել է Ավստրիայի հերցոգ, Չեխիայի, Հունգարիայի և Գերմանիայի թագավոր Ալբերտ 2-րդը։

1505 – վախճանվել է Մոսկվայի մեծ իշխան Իվան 3-րդը։

1553 – Ժնևում բողոքականների կողմից այրվել է մտածող, կրոնագետ, բնախույզ և բժիշկ Միգել Սերվետը։

1605 – վախճանվել է մողուլների ղեկավար Աքբար Մեծը։

 1644 – Անգլիայի քաղաքացիական պատերազմի ժամանակ տեղի է ունեցել Նյուբորնի երկրորդ ճակատամարտը։

1645 – ինֆանտ Թեոդուզ դե Բրագանսան ընդունել է Բրազիլիայի թագաժառանգի տիտղոսը, որը հատուկ նրա համար նախատեսել էր թագավոր Ժուան 4-րդը. փաստացի նա Բրազիլիայի պատմության մեջ դարձել է այդ տիտղոսի առաջին կրողը։

1728– ծնվել է անգլիացի նշանավոր ծովագնաց Ջեյմս Կուկը, որը նախաձեռնել է շուրջերկրյա երեք ճանապարհորդություն:

1759 –ծնվել է շվեյցարացի գիտնական-մեխանիկ Յակոբ 2-րդ Բեռնուլին։

1782 – ծնվել է իտալացի հռչակավոր ջութակահար, կիթառահար և կոմպոզիտոր Նիկոլո Պագանինին:

1811 – ծնվել է ամերիկացի գյուտարար և գործարար, «Զինգեր» ընկերության հիմնադիր Այզեկ Զինգերը։

1873 – ամերիկացի Ջոզեֆ Գլիդդենը արտոնագրել է փշալարը։

1901 – Փարիզում կողոպտիչները խանութը թալանելուց հետո աշխարհում առաջին անգամ թաքնվել են՝ օգտագործելով ավտոմեքենա։

1904 – բացվել է Նյու Յորքի մետրոպոլիտենը:

 1938 – ամերիկյան «DuPont» ընկերությունը հայտարարել է նեյլոնի հայտնաբերման մասին:

1855 – ծնվել է ռուս կենսաբան, սելեկցիոներ, ակադեմիկոս Իվան Միչուրինը։

1858 – ծնվել է ամերիկացի քաղաքական գործիչ Թեոդոր Ռուզվելտը։

1959 – «Պրավդա» թերթում առաջին անգամ տպագրվել է Լուսնի հակառակ կողմի լուսանկարը, որը ստացվել է «Լուսին 3» լուսնագնացից։

1961 – Մավրիտանիան և Մոնղոլիան դարձել են ՄԱԿ-ի անդամ։

1962 – Կարիբյան ճգնաժամի ժամանակ ԱՄՆ-ի U-2 հետախույզ ինքնաթիռը խփվել է Կուբայի վրա խորհրդային հրթիռով, օդաչու Ռուդոլֆ Անդերսենը զոհվել է. այդ օրը ընդունված է անվանել «սև շաբաթ», քանի որ ամբողջ աշխարհը խիստ մոտ է եղել համաշխարհային միջուկային պատերազմին։

1971 – Կոնգոյի Դեմոկրատական Հանրապետության անունը դարձել է Զաիր։

1982 – Չինաստանը հայտարարել է, որ երկրի բնակչությունը դարձել է մեկ միլիարդ։

1984 – գործարկվել է Բայկալ-Ամուրյան երկաթուղային մայրուղին՝ ԲԱՄ-ը:

 1991– Թուրքմենստանը հայտարարել է իր անկախությունը ԽՍՀՄ-ից:

2017 – Կատալոնիան հայտարարել է իր անկախությունը Իսպանիայից։

2019-Սիրիայի հյուսիս-արևմուտքում ամերիկացի զինվորականները հատուկ գործողությամբ ոչնչացրել են «Իսլամական պետություն» ահաբեկչական խմբավորման պարագլուխ Աբու Բաքր ալ Բաղդադիին։

Մանրամասները՝ «Փաստ» օրաթերթի այսօրվա համարում