Թուլափայով պատվերը` սաթիկյան սինդրոմ
BLOGՍուրեն Մանուկյանը իր ֆեյսբուքյան էջում գրում է.
Գագիկ Ծառուկյանի` անցյալում մնացած քաղաքական գործունեության մերօրյա մեկնաբանությունները երբեմն հիվանդագին են այնքան, որ կարելի է արդեն բժշկական տերմինոլոգիայով ձևակերպել, ասենք` սաթիկյան սինդրոմ:
Անառողջ է որոշ վերլուծաբանների ու լրատվականների կողմից ձվի մեջ մազ փնտրելու մարմաջը, երբ մտացածին լուրերի ու կեղծ տեղեկատվության միջոցով փորձում են խեղաթյուրել իրականությունը և մարդկանց խոսքի ու գործի տարբերություններ հորինել: Ժամանակին Ծառուկյանը հայտարարեց՝ ես որոշում եմ կայացրել՝ այլևս չզբաղվել ակտիվ քաղաքականությամբ, ու այդ միտքը շարունակում է շատերին հանգիստ չտալ: Երևի պատվերները սկսեցին նվազել:
Այլոց պախարակելով՝ սեփական վարկանիշը բարձրացնելու փորձերը, ինչ խոսք, ծիծաղ են առաջացնում: Ու անհասկանալի է, ինչու" չեն հանգստանում որոշ շրջանակներ, երբ ի տարբերություն երբեմնի դաշնակից Տեր-Պետրոսյանի, ով չի բարեհաճում անգամ առանձնատնից դուրս գալ և ժողովրդի հետ շփվում է բացառապես հոդվածների միջոցով, և Հովհաննիսյանի, ով իր մարազմատիկ վարքագծով դարձել է ծաղր ու ծանակի առարկա, Ծառուկյանը շարունակում է լայն թափով բարեգործական ծրագրեր իրականացնել և օգտակար լինել իր ժողովրդին՝ անկախ նրանից, թե հերթական թուլափայով պատվեր կատարող չկայացած մարդիկ ինչեր կբարբաջեն իր հասցեին: