Մասնավորեցումից ստացված գումարը կծառայի համայնքին
BLOGՏիգրանուհի Դավթյանը ֆեյսբուքյան իր էջում գրում է.
Դիլիջան քաղաքի բժշկական կենտրոնի պետական սեփականություն համարվող գույքի օտարումից քաղաքային համայնքի ֆոնդային բյուջե մուտքագրվել է 3 և կես միլիոն դրամ:
Դիլիջանի համայնքի ավագանին որոշել է գումարը հատկացնել քաղաքի թիվ 6 մանկապարտեզի նորոգման և բարեկարգման ծրագրին: Հաստատված կարգի համաձայն կառավարությունը պետք է հավանություն տա պետական գույքի մասնավորեցումից ստացված գումարի տնօրինման ծրագրին: Որոշման նախագիծը ներկայացված է կառավարության փետրվարի 25-ի նիստին և, ամենայն հավանականությամբ, կընդունվի դրական որոշում, ինչի արդյունքում Դիլիջան համայնքը կունենա հիմնանորոգված մանկապարտեզ, կմեծանա երեխաների հաճախելիությունը, կբացվեն նոր խմբեր, ավելի լավ պայմաններ կստեղծվեն մանուկների նախադպրոցական պահվածքի համար:
Նմանատիպ ծրագրերին կառավարությունը հաճախակի է անդրադառնում, և դրական է, որ մասնավորեցումից ստացվող միջոցները ուղղվում են հենց տվյալ համայնքների սոցիալական խնդիրների լուծմանը: