Իրականում, հիանալի կյանքով ապրում են միայն ընտրյալները. 10 սուտ, որոնց մենք հավատում ենք

Սուտ 1. Զուգընկեր չունենալը միայնակ լինելն է

Եթե հիմա մենակ եք, ոչ մեկի հետ չեք հանդիպում, դեռ չի նշանակում, որ միայնակ եք: Անձնական հարաբերությունները դեռ երջանկության երաշխիք չեն: Զուգընկեր չունենալը ոչ այնքան միայնակության մասին է, որքան վատ հարաբերությունների ու չկայացած սիրավեպի: Երբ հասկանում եք, որ այդ մարդու հետ կյանքը ոչ մի լավ բանի չի բերի, ավելի լավ է հեռանալ: Փորձեք գտնել ինքներդ Ձեզ, հետ բերել ինքնավստահությունը: Ու եթե, հանկարծ, նորից հայտնվեք խորտակվող հարաբերություններում, պատրաստ կլինեք ճիշտ պահին լքել նավը:

Սուտ 2. Երջանկությունը այն է, երբ ունեք ամեն ինչ, ինչ ուզում եք

Եթե երջանիկ եք, դեռ չի նշանակում, որ ոչ մի բան էլ չեք ուզում: Պարզապես, շնորհակալ եք այն ամենի համար, ինչ ունեք ու համբերատար սպասում եք, թե ինչ կլինի հետո: Հաճախ այնքան ենք տարվում ինչ-որ մի մեծ բանի հասնելու մոլուցքով, որ մոռանում ենք փոքրիկ իրերն ու իրադարձությունները, որոնք մեր կյանքը հրաշալի են դարձնում: Գնահատեք այսօրը, հավատացեք` արժե: Հիշեք, որ հետո վերհիշելու եք այս լավ օրերը, որպես հին ու բարի օրեր:

Սուտ 3. Եթե ինչ-որ մեկը լավ չի զգում, Դուք դա կզգաք

Բոլորս էլ երբեմն վախենում ենք, դժբախտ ենք լինում ու վատ ենք զգում: Բայց ոմանք դա կարողանում են ավելի լավ թաքցնել, քան մյուսները: Դուք չգիտեք, թե ինչ է կատարվում ուրիշների հոգու դռներից այն կողմ, այնպես որ, մի մեղադրեք կամ որակավորեք մարդուն միայն արտաքին նշաններով: Դա ժամանակի ու ջանքերի անիմաստ վատնում է: Եթե կարողանում եք քննարկել ու քննադատել ուրիշներին, ուրեմն չափից շատ ազատ ժամանակ ունեք: Այն ծախսեք ավելի արժանապատիվ բաների համար:

Սուտ 4. Կյանքը պետք է կոնկրետ հունով գնա

Ոչ ոք ավելի շատ վնաս մեզ հասցնել չի կարող, քան հենց մենք` ինքներս: Եթե կարող ենք վնասել մեր հոգին, ուրեմն կարող ենք նաև այն բուժել: Դրա համար երբեմն, պարզապես, պետք է չամաչել սեփական մտքերից ու լինել ռեալիստ: Մենք միշտ ունենք ընտրության հնարավորություն: Հրաժարվեք ոչ ռեալիստական մտքերից ու կաղապարներից. կյանքը միայն մեկ` մեր գծած հունով չի կարող ընթանալ: Բայց ամեն ընթացք կարելի է փոխել, իսկ եթե հնարավոր չէ, պետք է փոխել մեր կարծիքն ու վերաբերմունքը երևույթների նկատմամբ:

Սուտ 5. Դուք պետք է նման լինեք ինչ-որ մեկին

Երբ դադարում եք համեմատվել ուրիշների հետ (կարևոր չէ` իրական, թե հորինված մարդու ենք ուզում նմանվել, հաճախ համեմատության սուբյեկտն ապրում է միայն մեր գլխում), սկսում եք ապրել հանգիստ, և այդ հանգստության մեջ լիակատար բացակայում են պատրանքները:

Սուտ 6. Իրականում, հիանալի կյանքով ապրում են միայն ընտրյալները

Եթե ամեն առավոտ, արթնանում եք մտքով, որ այսօր հիանալի օր է սպասվում, երեկոյան էլ քնում եք` հասկանալով, որ լավ օր էր, այդպես էլ կլինի: Տարիներ հետո` հիշեով անցյալը, կժպտաք ու կասեք. «Իմ կյանքն ուղղակի հիասքանչ էր»:

Սուտ 7. Մեզ պետք չեն վատ ժամանակներ

Երբեմն երջանիկ լինելու համար պետք է անցնել իսկական դժոխքի միջով: Երբեմն պետքական մարդկանց հանդիպելու համար պետք է ազատվել անպետքներից: Երբեմն ուժեղ լինելու համար պետք է զգալ թուլությունը: Երբեմն պետք է զգալ, թե ինչպես է հոգին կտոր-կտոր լինում, որպեսզի հետո այն ամբողջական դառնա: Երբեմն միակ ու ամենակարևոր մարդուն գտնելու համար պետք է անցնել ամբոխի միջով: Երբեմն մենք պետք է գրկաբաց ընդունենք և լավը, և վատը` իմանալով, որ և մեկը, և մյուսը մեզ անգնահատելի փորձ են տալու:

Սուտ 8. Ուժեղ լինել, նշանակում է չզգալ ցավը

Իրականում, ուժեղ մարդիկ նրանք են, ովքեր զգում են ցավը, ընդունում են այն, սովորում են ու հաղթահարում: Ուժեղ լինել` նշանակում է մի պահ դադար տալ, արցունք թափել, թափ տալ և վերադառնալ ռինգ` կռվելու այնպես, ինչպես երբեք չեք արել դա:

Սուտ 9. Երբեմն կարելի է ստել հանուն սիրո

«Ես քեզ սիրում եմ» ասելուց առաջ պետք է սերը զգալ: Շնորհակալ եղեք ինչ-որ բանի ու ինչ-որ մեկի համար: Ափսոսեք, ներողություն խնդրեք: Հավատացեք, երբ ձեր բառերն իրական են, թափանցում են ուրիշ մարդկանց հոգու ամենախորքերը:

Սուտ 10. Երազանքները ժամանակի իզուր վատնում են

Ամենամեծ պարգևները տեսնել հնարավոր չէ, կարելի է միայն սրտով զգալ: Երևակայությունը հորիզոնից այն կողմ տեսնելու ունակությունն է, պատկերացնելը այն, ինչը կարևոր է քեզ համար, բայց տեսանելի չէ ուրիշների համար: Մի օր ու ինչ-որ մի տեղ` անհավանական ինչ-որ բան սպասվում է Ձեզ, եթե Ձեր երազանքը դա ստանալու համար բավականացնի: