Որտե՞ղ է այսօր Դ!եմ եմը
BLOGՏիգրան Արեգունին ֆեյսբուքյան իր էջում գրում է.
Երկար եմ մտածել այս մասին գրելու համար: Վերջապես որոշեցի գրել, քանի որ որպես կանոն արարծներիս համար ավելի քիչ եմ ափսոսում, քան թե չարածներիս համար...
Որտե՞ղ է այսօր Դ!եմ եմը:
Ես հպարտ եմ, որ եղել եմ այդ շարժման մասնիկը: Հպարտ եմ, որ նման մարդկանց հետ եմ առնչվել և առընչվում: Ու վերջերս ինձ շատերն են հարցնում, թե 2017-ին արդյոք նորից պայքարելո՞ւ ենք կուտակային կոչված օրենքի դեմ:
Իմ պատասխանը միանշանակ է՝ անձամբ ես չեմ մասնակցելու: Պատճառը վերևում հնչեցրած հարցիս պատասխանն է: Դեմ եմը ուժեղ շարժում էր, և ուժեղ պոտենցյալ ուներ, բայց որտե՞ղ էր այն շարժման մարումից մինչ օրս: Մեծամասամբ ոչ մի տեղ... Իսկ փոքր մասով, որոշները անցել են քաղաքական դաշտ, որոշները գործում են հասարակական դաշտում: Եվ վերջ: Այն մեծ ներուժը, որ կար Դեմ եմում քնած է: Ժամանակին մարդիկ մեզ մեղադրում էին, որ մենք փողի համար ենք դուրս եկել փողոց, մենք էլ նեղանում էինք... Ամեն առիթով ասում էինք, որ նաև փողի համար, բայց ոչ միայն: Բայց ժամանակը ցույց տվեց, որ այդ ՈՉ ՄԻԱՅՆԸ չաշխատեց... Ես իհարկե կողմ եմ, որ սեփական նյութական միջոցների համար արժե ու պետք է պայքարել, բայց ինչպես արդեն ասացի՝ ոչ միայն: Իսկ այդ ոչ միայնը աշխատեց Դեմ եմի փոքր մասի մոտ: Այդ փոքր մասում թեկուզ և հակադիր գաղափարներով և ուղղություններով գնացին մարդիկ, բայց նրանք գոնե ինչոր մի բան անում են և արժանի են հարգանքի: Իսկ մեծ մասը անցավ սպասման ռեժիմի...
Ամեն դեպքում դեռ մեկ տարի ունենք մինչև 2017-ը և այդ ընթացքում, շատ բաներ կարող են փոխվել...
Մեր երկիրը մենք ենք կառուցելու, ամեն մեկս անհատապես մեր տեղում և ընդհանրական ձևով հանադրվելով միմյանց հետ: