Խնդիր ենք դրել մեր առաջ, որ 2029 թվականին ունենանք ԵՄ-ի հետ վիզաների ազատականացում. Փաշինյան
POLITICSԹեմաներ կան, որոնք կա՛մ նոր ենք սկսում բացահայտել, ակտիվ քննարկման փուլ մտնել, կա՛մ այդ թեմաները դեռևս իրենց հանրային քննարկումների կամ մանրամասների բացահայտման գագաթնակետին չեն հասել, Կառավարության նիստի ժամանակ ասել է Նիկոլ Փաշինյանը:
«Ես մասնավորապես կուզեմ խոսել Եվրոպական միության հետ վիզաների ազատականացման մասին: Խնդիր ենք դրել մեր առաջ, որ 2029 թվականին մենք ունենանք վիզաների ազատականացում:
Ընդհանրապես լինում է այդպես, որ երբ խնդիր ենք առաջադրում և ժամկետ սահմանում, ժամանակի հետ այդ խնդրի իրականացումը թվում է պակաս իրատեսական: Ես պետք է ասեմ, որ ԵՄ-ի հետ վիզաների ազատականացման թեման այն թեմաներից է, որ ժամանակի հետ, 2029-ին այդ արդյունքն ունենալն ավելի իրատեսական է՝ մանավանդ մեր քաղաքական հարաբերությունների համատեսքստում։
Այս առումով կենսաչափական անձնագրերի համակարգի ներդրումը շատ էական է և սահմանների կառավարման համակարգում պետք է առաջիկայում բարեփոխումներ իրականացնենք, բայց այս թեմայի հետ, ձեռք ձեռքի պետք է քայլի թվայնացման գործընթացը»-նշել է Նիկոլ Փաշինյանը:



