Ստեփանակերտում կանաչապատման և սանիտարական մաքրման աշխատանքներ կիրականացվեն
BLOGՎրեժ Հովսեփյանը Ֆեյսբուքյան իր էջում գրում է.
Երեկ Ստեփանակերտի քաղաքապետ, Լեռնային Ղարաբաղի Հանրապետության հռչակման 25-րդ տարեդարձի միջոցառումների կազմակերպման և համակարգման քաղաքային հանձնաժողովի նախագահ Սուրեն Գրիգորյանի նախագահությամբ տեղի է ունեցավ հանձնաժողովի հերթական նիստը:
Ստեփանակերտի փոխքաղաքապետ Սուրեն Թամրազյանը նշել է, որ նիստի ընթացքում բուռն քննարկումների արդյունքում ընդգծվել են Լեռնային Ղարաբաղի Հանրապետության հռչակման 25-րդ տարեդարձի հոբելյանի կապակցությամբ Ստեփանակերտում բարեկարգման, կանաչապատման և սանիտարական մաքրության կազմակերպման շաբաթօրյակների անցկացման անհրաժեշտությունը, ինչը հնարավորություն կընձեռնի տոնական պատշաճ տեսքի բերել մայրաքաղաքը:
Իրականացվելիք ծրագրի շրջանակում կնորոգվեն հրապարակներն ու փողոցները, մայթերը, զբոսայգիները, գեղարվեստորեն կձևավորվեն կանաչ տարածքները, կկատարվի ծառերի և թփերի ծաղիկների առատ տունկ, կհիմնանորոգվեն մանկական խաղահրապարակները:
Փոխքաղաքապետի խոսքով՝ նիստին ներկայացվել են մշակութային, կրթական և մարզական միջոցառումների այն լայն շրջանակը, որի համաձայն քաղաքում ծրագրվում են համերգներ, սպորտային մրցումներ, ինտելեկտուալ խաղեր, այցելություններ և այլն:
«Նիստի ընթացքում հնչած առաջարկությունների շարքում մասնավորապես առանձնացրել ենք ԼՂՀ հռչակման 25-րդ տարեդարձի վերաբերյալ համապատասխան տարբերանշանի (լոգոյի), հուշամեդալի և խորհրդանշական կրծքանշանների, ԼՂՀ հռչակման 25-ամյակի առթիվ հոբելյանական գիրք-ալբոմի, թեմատիկ տեսաֆիլմերի պատրաստումը»,-ընդգծել է Ս. Թամրազյանը:
Նիստի վերջում հանձնաժողովի փոխնախագահներին հանձնարարվել է ամփոփել քննարկումների արդյունքները և արված առաջարկությունները ներկայացնել պետական հանձնաժողովի` մարտի սկզբներին կայանալիք նիստին: