Հոգեբանական թեստ. ինչպիսի՞ զույգ եք դուք

Այս թեստը նրանց համար է, ովքեր զույգ ունեն: Այն կօգնի գլուխ հանել զգացմունքներից կամ կարգավորել դրանք, եթե դրանցում բարդություններ են առաջացել:

Այլ տղաների հետ համեմատած գեղեցի՞կ է նա.

ա) կարծում եմ` շատ

բ) գրավիչ է, սակայն դա ինձ համար այնքան էլ էական չէ

գ) երբեմն սքանչելի է թվում, երբեն էլ` ոչ այնքան

դ) լավ է նայվում, բայց ավելի գեղեցիկ տղաներ էլ կան:

 

Ինչպե՞ս է գլուխ հանում խնդիրներից.

ա) նրան ամեն ինչ հաջողվում է

բ) նա դառը ճակատագիր ունի

գ) միշտ մի ելք գտնում է իրավիճակից

դ) հաճախ ինքն է ամեն ինչ բարդացնում:

 

Ինչպիսի՞ն է իր ընկերական շրջապատում.

ա) միշտ ուշադրության կենտրոնում է

բ) շատ լսում է, քիչ խոսում

գ) հաճախ վիճում է. սիրում է ձայնը բարձրացնել

դ) նրան բոլորը լավ են վերաբերվում:

 

Երբ միասին եք լինում, ուրիշ տղաներ քեզ սիրահետո՞ւմ են.

ա) ոչ, թույլ չի տա

բ) ոչ, ես էությամբ հավատարիմ եմ

գ) ավելի շուտ ես եմ զգոն լինում, որ աղջիկները չփորձեն խաղ անել

դ) այո´, ոչինչ չես կարող անել:

 

Կցանկանայի՞ր, որ նա ավելի համարձակ լիներ.

ա) նա արդեն իսկ շատ համարձակ է

բ) դա ինձ ընդհանրապես չի հուզում

գ) ոչ, ես ընդհանրապես դա չեմ ուզում

դ) այո, երբեմն չէր խանգարի:

 

Ձեզանից ո՞վ է հաճախ խորհրդակցում մյուսի հետ.

ա) իհարկե, խորհրդակցում եմ նրա հետ

բ) մեր մեջ առանձնապես տարբերություն չկա

գ) նա շատ է խորհուրդ հարցնում, չնայած ամեն մեկս մեր կարծիքն ունենք

դ) հաճախ ինքս եմ ասում իմ կարծիքը:

 

Ըստ քեզ` ձեզանից ո՞վ է ուժեղ կողմը.

ա) բնականաբար նա

բ) մենք փոխլրացնում ենք միմյանց

գ) տարբեր

դ) կարծում եմ` ես:

 

Եթե անհրաժեշտ է որոշում կայացնել, ո՞ւմ խոսքն է վերջինը.

ա) այնպես է ստացվում, որ միշտ նրա հետ համաձայնվում եմ

բ) դժվար է ասել. երբեմն երկար ժամանակ չենք կարողանում որոշում կայացնել

գ) սովորաբար վիճում ենք, իսկ հետո` նայած հանգամանքներին

դ) որոշումներ ընդունելը միշտ ինձանից է կախված:

 

Լինո՞ւմ են դեպքեր, երբ քննադատում եք մեկմեկու.

ա) ոչ, սովորաբար ընդունում եմ նրա առաջարկածը

բ) երկուսս էլ չենք սիրում քննադատել

գ) անկեղծ ասած, քննադատությունները նյարդերիս վրա ազդում են

դ) եթե չասեմ` ինձ ինչը դուր չի գալիս, ոչինչ էլ չի փոխվի:

 

Վիճաբանության ժամանակ ի՞նչ մեղադրանքներ ես լսում քո հասցեին.

ա) որ երեխայի պես եմ ինձ պահում

բ) միշտ ամեն ինչ լավ գիտեմ

գ) անհանդուրժող եմ, սիրում եմ վիճել

դ) չափից դուրս համառ եմ:

 

Ողջ ազատ ժամանակը միասի՞ն եք անցկացնում.

ա) ցանկանում եմ անընդհատ նրա հետ լինել, բայց նրան իր համար էլ է ժամանակ հարկավոր

բ) ընդհանուր առմամբ այո, բայց մեկ-մեկ ձանձրանում եմ

գ) ոչ, ես մի շարք գործեր ունեմ

դ) միշտ միասին ենք:

 

Նա քեզ հետ ագրեսի՞վ է.

ա) երբեմն պոռթկում է, բայց հոգու խորքում ինձ սիրում է

բ) ոչ, երբեք

գ) այո, ինչը բավականին տհաճ է

դ) ոչ:

 

Արդյունքների գնահատում

 

Ո՞ր տառերով են բաշխվել քո պատասխանները: Նայիր` որն է ավելի հաճախ համընկել պատասխանին և փնտրիր քեզ համապատասխան տարբերակը:

Եթե պատասխանները խառն են բաշխվել, ապա ձեր հարաբերությունները դեռ չեն կայացել: Հնարավոր է` յուրաքանչյուրդ գնում եք ձեր ուղով:

Եթե գերակշռում է Ա տարբերակը

Ընկերդ վառ անհատականություն է: Ձեզ ջերմ զգացմունքներ են կապում` ներառյալ վստահությունը, սրտակից լինելը: Պաշտում ես նրան, ինչը ջերմացնում է նրա սիրտը: Այո, տղամարդու հաջողությունների մեջ մեծ է սիրած կնոջ ներդրումը: Հաճախ ինքդ ես նրա գործերը կազմակերպում այնպես, որ ողջ փայլով ներկայանա: Նա «աստղ» է, դու էլ իր կողքին շողում ես նրա փառքի շողերի ներքո:

Որպեսզի ձեր կապը չվերածվի միակողմանի ճանապարհի, դրանցում պետք է իր տեղն ունենա կարծիք փոխանակելը: Շոյում ես նրա ինքնասիրությունը, ինչն էլ արգելակում է և´ նրա, և´ քո զարգացումը: Որքան հնարավոր է` հատման եզրեր շատ փնտրիր:

Եթե գերակշռում է Բ տարբերակը

Շատ մտերիմ եք` միշտ միասին, ամեն հարցում միասնական: Կատարելության մեջ կցանկանայիր ոչ մի րոպե չբաժանվել սիրելիիցդ, և այդ կատարելությունը մոտ է: Մշտապես հոգ եք տանում իրար մասին: Արդյոք դա չէ՞ պատճառը, որ օրերը դառնում են միապաղաղ` լի առօրյա վազվզոցով: Չեն բավականացնում վառ իրադարձություններն ու անհատական ձեռքբերումները: Հավանաբար քեզ ու ընկերոջդ միավորում է հարազատ մարդուն կորցնելու մտավախությունը: Իսկ դա արդեն կախվածություն է. հրաժարվելով ինքնուրույնությունից` մեկդ մյուսի համար վերածվում եք դայակի, ինչն էլ չի ավելացնում ձեր ուժն ու ինքնավստահությունը:

Որպեսզի ձեր միությունը ձեզնից չխլի սեփական դիմագիծը, հնարավոր չէ՞ արդյոք մի փոքր ազատություն տալ իրար: Մարդկանց օգտակար է սեփական ուժերի վրա հույս դնելը և հաճախ իրենց մասին մտածելը:

Եթե գերակշռում է Գ տարբերակը

Դու կա՛մ թաքցնում ես խնդիրներդ, կա՛մ էլ այնպես ես ներկայացնում շրջապատիդ, որ մարդիկ ապշում են, թե ինչպես եք միմյանց հանդուրժում: Խանդում եք, վիճում, իրարից նեղանում, կռվում, հաշտվում… Երկուսդ էլ ուրախ եք, երբ հաջողվում է զուգընկերոջ հանդեպ առավելության հասնել: Թույլ չտալու համար նրան հաղթել՝ չես սատարում ընկերոջդ անգամ այն դեպքում, երբ նա ճիշտ է: Երկուսդ էլ ինքնավստահ, եսասեր եք, չեք վստահում միմյանց: Գուցե ձեզ միավորողն ուժեղ կապվածությունն է կամ սե՞րը:

Նմանատիպ հարաբերությունները կարող են երկար ձգվել. դրանք նյարդայնացնում են, աշխուժացնում, ինչից չես ձանձրանա: Սակայն ներաշխարհդ առավել ներդաշնակ կդառնա, եթե հաջորդ անգամ նրանից խորհուրդ հարցնես` փորձելով հասկացնել, որ քեզ հարկավոր է նրա հոգատարությունը:

Եթե գերակշռում է Դ տարբերակը

Ընկերոջդ թույլտվությամբ ղեկը քո ձեռքն ես պահում: Սիրային հարցերում դու առավել ճկուն ես. մի փոքր ջերմություն, և նա հալչում է մոմի պես: Ահա և ստացվում է, որ ամեն հարցում գլխավորը դու ես: Քեզ դուր է գալիս ղեկավարել, մինչդեռ ստիպված ես պատասխան տալ նաև հետևանքների համար: Իսկ դա տհաճ է. քննադատում ես նրա թուլությունը, իր մասին հոգ տանել չկարողանալը: Ցանկանո՞ւմ ես նրան վերադաստիարակել: Բայց եթե նա փոխի բնավորությունը, կարո՞ղ ես արդյոք առաջվա պես կամքդ թելադրել:

Չափազանց իշխող ես: Հնարավոր է` հավասար հարաբերությունները քեզ համար չեն: Փորձիր գոնե տոնդ փոխել` հրամայողը «մամայական» դարձնել: Այդ դեպքում միայն ձեր կապն ավելի հանգիստ և սրտամոտ կդառնա: