Դեպի ՀՀ տրանսֆերտային հոսքերը կազմել են 46,8 մլն դոլար
BLOGՏիգրանուհի Դավթյանը ֆեյսբուքյան իր էջում գրում է.
Օրերս կենտրոնական դրամատունը հրապարակել է ընթացիկ տարվա հունվարին բանկային համակարգի միջոցով Հայաստան կատարված ոչ առևտրային փոխանցումների վիճակագրությունը։ Վերջինիս համաձայն բանկային համակարգի միջոցով ֆիզիկական անձանցից ստացված ոչ առևտրային փոխանցումները հունվարին կազմել են ընդամենը 46,8 մլն դոլար։
Այս անգամ ևս, տրանսֆերտային հոսքերի կրճատումը տեղի է ունեցել հիմնականում ռուսական շուկայից։ Մասնավորապես հունվարին դրանք պակասել են գրեթե 7,4 մլն դոլարով։ 2014թ. համեմատ ռուսական շուկայից Հայաստան փոխանցված գումարները կրճատվել են 2,7 անգամ՝ 80,7 մլն դոլարից հասնելով 29,8 միլիոնի։
ՌԴ շուկայից ուղարկվող տրանսֆերտների կրճատումը պատահական չէ, քանի որ ռուբլու դիրքերը ներկայումս շատ ավելի թույլ են, քան անցած տարվա ընթացքում։ Դոլարի գինը ռուսական շուկայում ներկայումս առնվազն 10 ռուբլով բարձր է, քան նախորդ տարվա վերջին։ Դա նշանակում է, որ ռուբլին երկու ամսում հասցրել է էժանանալ ևս 15 տոկոսով։ Մի բան, ինչը նշանակում է, որ այդքանով ավելացել է ճնշումը Հայաստան ուղարկվող տրանսֆերտների հոսքերի վրա։