Մարտի 1-ից գյուղվարկերը սուբսիդավորվում են
BLOGՆարեկ Սարգսըանը ֆեյսբուքյան իր էջում գրում է.
Գաղտնիք չէ, որ սկսած 2011 թվականից ՀՀ-ում գործում է «Գյուղատնտեսության ոլորտին տրամադրվող վարկերի տոկոսադրույքների սուբսիդավորում» ծրագիրը: 2011-2014 թվականներին սուբսիդավորվել է որոնց նշված վարկերի 4, իսկ առավել անբարենպաստ 225 համայնքների համար՝ 6 տոկոսային կետը, սակայն սկսած 2015 թվականից հանրապետության բոլոր համայնքների համար սուբսիդավորվել է տրամադրված վարկերի 6 տոկոսային կետը: Ընդհանուր առմամբ 2015 թվականին 1-ին և 2-րդ փուլերով տրամադրվել է շուրջ 15.2 մլրդ դրամի վարկային միջոցներ, իսկ տրամադրված վարկերի քանակը կազմել է շուրջ 21.5 հազար միավոր:
Վերը նշված ծրագիրը իր ուրույն տեղն է ունեցել վերջին տարիներում գյուղատնտեսության ոլորտում արձանագրված դրական աճի գործում:
Այս տարի նույնպես շարունակվելու է սուբսիդավորմամաբ մատչելի տոկոսադրույքներով վարկերի տրամադրումը: Կառավարության որոշման համաձայն սուբսիդավորմամբ վարկերի տրամադրման գործընթացը մեկնարկել է մարտի 1-ից սկսած: