Պատմությանը հայտնի ամենաաղմկոտ գողությունները. ցնցող փաստեր

Գողություն կատարելով՝ կարելի է ոչ միայն դառնալ ոստիկանության թիրախը, այլև ստանալ փառքի սեփական չափաբաժինը: Դրա համար բավական է ոչ միայն գողանալ մեծ գումար, այլև ցանկալի է՝ մի քանի միլիոն դոլար: Ու այդ ժամանակ այդ հանցագործության մասին կխոսեն ԶԼՄ-ները, իսկ գողերին կորոնեն ամբողջ աշխարհում: Շատերը անգամ երազում են նման գողության մասին, որը կապահովեր նրանց փողով մինչև կյանքի վերջը:

Բարեբախտաբար, դեպքերի մեծ մասի ժամանակ գործը երևակայությունից այն կողմ չի անցնում: Այս աղմկոտ հանցագործությունները, որը ներկայացնում է Past.am-ը, արդեն պատմության մաս են դարձել, սակայն ոչ միշտ է հնարավոր եղել խուսափել արդարադատությունից:

1. Հարրի Ուինսթոնի ոսկերչական տունը

Հարրի Ուինսթոնի ոսկերչական տունը ամենահայտնին է Հոլիվուդում: «Օսկարի» ժամանակ բազմաթիվ աստղեր կրում են այս ոսկերչական տնից վարձակալած զարդերը:

Հենց Հարրի Ուինսթոնի անվան հետ է կապվում ժամանակակից պատմության ամենահայտնի գողություններից մեկը: 2009թ. Փարիզի Ելիսեյան դաշտում գտնվող ոսկերչական բուտիկ մտավ 4 զինված տղամարդ, ընդ որում՝ նրանցից 3-ը կրում էին կանացի հագուստ, այդ թվում՝ կեղծամ: Հանցագործները մաքրազարդել էին ցուցափեղկերը, ստիպել անձնակազմին բացել պահոցը: Նրանք խանութից դուրս էին բերել բոլոր ոսկերչական զարդերը: Գողացված զարդերը գնահատվում էին 80 մլն եվրո:

2. Նույն տարվա հունիսին ֆրանսիական ոստիկանությունը ձերբակալել էր 25 կասկածյալի, որոնց մոտ հայտնաբերվել էր զարդերի կեսն ու վաճառքի հասույթը: Ձերբակալվածները 22-67 տարեկան տղամարդիկ ու կանայք էին: Ասում էին, որ նրանք աշխատում են կրիմինալ «Վարդագույն հովազ» կարտելի համար: Այդ կազմակերպությունը հիմնադրել են Հարավսլավիայի բնակիչները, այն տարածված է Եվրոպայում:

3. Ադամանդների գողություն Անտվերպենում

Ոչ բոլորը գիտեն, որ բոլոր չմշակված ադամանդների 80 տոկոսը բաժին է ընկնում հենց Անտվերպենին:

Քաղաքում բավական մեծ թվով գողություններ են տեղի ունեցել՝ կապված թանկարժեք քարերի հետ: Սակայն այս հանցագործությունը առանձնանում է մյուսներից ոչ միայն կատարման տեխնիկայով, այլև գողացված գումարի քանակությամբ:

Ավարն այնքան մեծ էր, որ գողերն այն դժվարությամբ էին կարողանում դուրս բերել: 160 չհրկիզվող պահարաններից 123-ը դատարկվել էր: Այս համարձակ գողությունը ծրագրել էր 30-ամյա ստաժով հանցագործ Լեոնարդո Նոտարբարտոլոն:

4. Գողությունը մի քանի տարի էր ծրագրվել: Դրան անմիջականորեն մասնակցել է 4 մարդ: Բանդիտները գողությունից դեռ 3 տարի առաջ գրասենյակ էին վարձակալել շենքում, որտեղ տեղակայված էր բորսան: Շնորհիվ կեղծ ընկերության՝ չարագործները ստացել էին մագնիսե բանալիներին: Լեոնարդոն կատարում էր ադամանդերի առևտրով զբաղվողի դերը՝ հանդես գալով այդ կարգավիճակով:

Գողը հանդիպում էր պոտենցյալ գնորդների հետ, կնքում գործարքներ, սակայն ոչ ոք չէր մտածում, որ նա կեղծ է իրականում: 2003 թվականի փետրվարի 15-ին չարագործները սոսնձել էին տեսախցիկների օբյեկտիվնեերը ու փոխել տեսախցիկների ժապավենները: Ոստիկանները այդպես էլ չկարողացան հասկանալ, թե ինչպես են բանդիտները կոտրել պաշտպանական համակարգերն ու կողերը: Գողերը մաքրազարդել էին գրեթե բոլոր չհրկիզվող պահարանները, սակայն չէին կարողացել ամբողջ զարդերը գողանալ՝ ամբողջ հատակը ծածկված էր ադամանդներով: Թանկարժեք զարդերը պատկանում էին 70 մասնավոր անձանց:

Հետաքննությանը միացել էին լավագույն խուզարկուները: Արդեն 1 օր անց Լեոնարդո Նոտարբարտոլոն կալանավորվեց: Հայտնաբերեցին նաև նրանց համախոհներին՝ մի կնոջ ու հոլանդացի ամուսնական զույգի: Ոստիկաններն այդպես էլ չկարողացան հայտնաբերել 100 մլն դոլարի ադամանդները: Նոտարբարտոլոն ներկայում երկար ժամանակով արևին կնայի ճաղերի հետևից:

5. «Կալիֆոռնիա Յունայթեդ» բանկի գողությունը

Այդ պատմությունը տեղի է ունեցել հեռավոր 1970-ականներին: Այսօրվա դրությամբ գողոնի արժեքը գնահատվում է 100 մլն դոլար: Այն տարիներին դա համարվում էր ռեկորդային գողություն: Գողերը Օհայոյից 7-ն էին, նրանց ղեկավարում էր Էմիլ Դինսիոն:

Բանդան ներխուժել էր «Կալիֆոռնիա Յունայթեդ» ցանցի բանկերից մեկը ու արագ մաքրազարդել էին բանկը: Դաշնային հետաքննությունների բյուրոն կալանավորեց հանցագործներին, որոնք նորից չկարողացան կանգ առնել ու նորից գործի դուրս եկան:

6. Մերձավոր արևելքի բրիտանական բանկ

Պաղեստինի ազատագրության բանակը 1970-ականներին իսկական պատերազմ էր վարում, որը քիչ գումարներ չէր պահանջում: Այդ տարիներին Լիբանանում իսկական քաոս էր: Նրանք թալանեցին մի շարք բանկեր, այդ թվում՝ Մերձավոր արևելքի բրիտանական բանկը: Ահաբեկիչները կարողացան դուրս բերել 25 մլն դոլար ոսկու, բաժնետոմսերի ու թանկարժեք քարերի տեսքով:

7. Գողություն «Շիփհոլ» օդանավակայանում

Ադամանդների այդ գողությունը ամենախոշորն է պատմության մեջ: Այդ ժամանակ գողերը կարողացան թալանել 118 մլն դոլարի թանկարժեք քարեր: 2005 թվականի փետրվարի 25-ին բանդիտները զենքի սպառնալիքով ստիպեցին թանկարժեք բեռը տեղափոխող վարորդին դուրս գալ բեռնատարից, նստեցին ադամանդներ տեղափոխող մեքենան ու հեռացան: Հետաքննության արդյունքում կալանավորվեց մի քանի մարդ, սակայն թանկարժեք բեռն այդպես էլ չհայտնաբերվեց: