2015 թվականին ավանդներն աճել են 194 մլրդ դրամով
BLOGՀայկ Դերզյանը Ֆեյսբույան իր էջում գրում է.
ՀՀ Կենտրոնական բանկի հրապարակված տվյալների համաձայն նախորդ տարի բանկային համակարգի հաշվեկշռային ընդհանուր կապիտալը 2014 թվականի համեմատ աճել է 37,46 մլրդ. դրամով:
Եթե համեմատենք 2014-ի և 2015-ի ցուցանիշները, ապա կտեսնենք, որ նախորդ տարվա բանկային ընդանուր ակտիվները աճել են 39 մլրդ. դրամով, իսկ ընդհանուր պարտավորությունները 2 միլիարդով:
Բանկերի հանդեպ վստահության աճի մասին փաստում են ավանդների ավելացման ցուցանիշները: Նախորդ տարի դրանք կազմել են 1 տրլն. 951 մլրդ. դրամ: Աճը այստեղ կազմել է 194 մլրդ. դրամ:
Այս տարին շատ կարևոր է բանկերի համար: Ինչպես գիտենք, հաջորդ տարվա հունվարի մեկից, բանկերի ընդհանուր կապիտալի նվազագույն շեմը 5 մլրդ. դրամից պետք է բարձրացվի 30 մլրդ. դրամի: Այդ որոշուման արդյունքում ՀՀ-ում բանկերի թիվը կրճատվելու է: Գլոբալ առումով դա կարելի է դիտարկել որպես դրական միտում, քանի որ կապիտալի ավելացումը բարձրացնում է բանկային համակարգի դիմադրողականությունը: