Աշխարհի 10 ամենաթունավոր կենդանիները

 

1. Արկղաձև մեդուզա

Ասիայի և Ավստրալիայի օվկիանոսներում հանդիպող այս մեդուզան համարվում է աշխարհի ամենաթունավոր կենդանին: Այն ունի շոշափուկներ, որոնցից արտադրվում է նեմատոքսիկ (թույնի տեսակ): Երբ այն անցնում է մաշկի տակ, առաջացնում է արյան ճնշման բարձրացում, սրտի կաթված և անգամ մահ:

Արևադարձային ջրերում հանդիպող արկղաձև մեդուզայի հարձակումից հետո առաջին օգնություն ցույց տալու համար 15-30 րոպե պետք է մարմնի վնասված հատվածը դնել քացախի մեջ: Եթե հարձակումը եղել է ոչ արևադարձային ջրերի արկղաձև մեդուզայի կողմից, վնասվածքը պետք է ցայել ծովի ջրով: Խուսափեք վնասված հատվածը տրորելուց կամ քորելուց: Պետք չէ օգտագործել սառույց կամ տաք ջուր:  

2.Կոբրա արքա

Կոբրա արքան աշխարհի ամենաթունավոր կենդանիներից է: Այն լինում է սև, կանաչ կամ շագանակագույն և սովորաբար հանդիպում է Չինաստանի և Հնդկաստանի ջունգլիներում: Երբ այն վախենում է, այն ծալապատիկ դիրք է ընդունում և թքում իր զոհի աչքերի մեջ: Նրա արտազատած նեյրոտոքսինը (թույնի տեսակ), ծակելով մաշկը, ցավ է պատճառում զոհին: Հենց որ այն մտնում է արյան մեջ, այն կարող է մահվան պատճառ դառնալ, եթե անմիջապես բժշկական օգնություն չտրամադրվի: Թույնն այնքան վտանգավոր է, որ 7 միլիլիտրը կարող է սպանել 20 մարդ և անգամ փիղ:  

3. Մարմարյա կոնաձև խխունջ

Մարմարյա կոնաձև խխունջի անմեղ տեսքին խաբնվել չարժե: Այս փոքր կենդանին կարող է շատ վտանգավոր լինել: Նրա արտազատած թույնը կարող է հարուցել ցավ, բորբոքում և փայտացում: Ծանր դեպքերում այս կենդանու խայթոցը կարող է տեսողական և շնչառական խնդիրներ առաջացնել: Մինչ օրս չի հայտնաբերվել հակաթույն: Այնպես որ, հարկ է զգուշանալ այս կենդանուց: Այն սովորաբար հանդիպում է աղի ջրերում:

4. Կապտավուն ութոտնուկ

Թեպետ այս կենդանին չափերով չի գերազանցում գոլֆի գնդակը, այն հայտնի է իբրև աշխարհի ամենաթունավոր կենդանիներից մեկը: Հանդիպում է Ավստրալիայի, Ճապոնիայի, Ֆիլիպինների և Ինդոնեզիայի ջրերում: Այն արտազատում է երկու տեսակի թույն: Նրա թույնը կարող է հասցնել հետևյալ վնասները` տեսողության մասնակի կորուստ, կուրություն, սրտխառնուք, շարժողական խնդիրներ և շնչառական արգելափակում: Այս կենդանու արտազատած թույնի դեմ ևս հակաթույն չկա, այնպես որ անմիջապես տրամադրվող առաջին բուժօգնությունը առանցքային է տուժածի կյանքը փրկելու համար:  

5. Մահագույժ կարիճ  

Հավատարիմ մնալով իր անվանը` այս կարիճը կարող է խեղանդամ դարձնել ցանկացած մարդու և դառնալ նրա վաղահաս մահվան պատճառ: Այն հայտնի է նաև իսրայելական դեղին կարիճ անվամբ ու հիմնականում հանդիպում է Հյուսիսային Աֆրիկայում և Միջին Արևելքում: Նրա խայթոցը բավականին ցավոտ է և սրտային կամ ալերգիկ մարդկանց մահվան հավանականությունը ավելի մեծ է: Անհապաղ բուժօգնություն է հարկավոր, որպեսզի կանխարգելվի շնչառական կանգը, ինչն էլ կարող է հանգեցնել մահվան:

6. Քարաձուկ

Սա ծովի հատակին բնակվող ամենաթունավոր արարածներից մեկն է: Այս կանաչավուն և շագանակագույն ձկան թույնը հարուցում է ցավ, նեյկրոզ և հյուսվածքների քայքայում: Հարձակումից հետո պետք է վնասված հատվածը թրջել տաք ջրով և անհապաղ դիմել մոտակա հիվանդանոց` հակաթույն ստանալու համար:

7. Բրազիլական թափառող սարդ

Հայտնի նաև իբրև բանանային սարդ` այն 2007 թվականին գրանցվել է Գինեսի գրքում որպես ամենաթունավոր սարդ: Հիմնականում հանդիպում է Հարավային Ամերիկայում` բանանների մեջ: Բրազիլական թափառող սարդի թույնի մեջ պարունակվում է մեծ քանակությամբ սերոտոնին, որը խայթոցը դարձնում է շատ ցավոտ: Այն նաև պարունակում է նեյրոտոքսիններ, որոնք առաջացնում են անդամալուծություն, շնչառական խնդիրներ և մահ: Բրազիլական թափառող սարդի թույնը համարվում է բնության Վիագրա, քանզի այն առաջացնում է պրիապիզմ կամ մի ժամ տևող պաթոլոգիական էրեկցիա: Փորձագետներն ուսումնասիրում են այս թույնը` հուսալով, որ այն կարող է կիրառվել էրեկցիոն խանգարումներ ունեցող հիվանդներին բուժելու նպատակով:  

8. Տափաստանային տայպան

Տափաստանային տայպանը համարվում է աշխարհի ամենաթունավոր օձերից մեկը: Այն հանդիպում է Ավստրալիայի տափաստանային շրջաններում: Համարվում է, որ նրա նեյրոտոքսինը 400 անգամ ավելի ուժեղ է, քան մյուս օձերի թույնը: Նրա թույնը կարող է սպանել մարդուն ընդամենը 45 րոպեի ընթացքում: Բարեբախտաբար, նման աղետ դեռևս չի գրանցվել, քանզի հակաթույնը հասանելի է: 

9. Թունավոր նետավոր գորտ

Այս գորտը սովորաբար հանդիպում է Հարավային Ամերիկայում և Կենտրոնական Ամերիկայում: Այն արտազատում է բատրախոտոկսին կոչվող թույն, որն արձակվում է ականջների հետևում գտնվող գեղձերի միջոցով: Թույնի այս տեսակը շատ վտանգավոր է և կարող է ընդհուպ մահացու լինել:

10.Ֆուգու ձուկ

Այս ձուկը հանդիպում է Մեքսիկայի, Ֆիլիպինների, Ճապոնիայի և Չինաստանի ջրերում: Այն համարվում է էկզոտիկ ուտեստ: Այս ուտեստի արժեքը կարող է հասնել մինչև 200 դոլար, սխալ պատրաստված լինելու դեպքում այն կարող է թունավորման և անգամ մահվան պատճառ դառնալ: Նրա մաշկի, լյարդի և մկանների մեջ թույն կա: Խայթոցից հետո հայտնվում են հետևյալ ախտանշանները` լեզվի և ամբողջ բերանի այրոց, սրտխառնուք, գլխացավ, ականջների խշշոց: Ծանր դեպքերում այս ձկան արտազատած տետրոդոքսինը կարող է մահվան պատճառ դառնալ: