ՏԻՄ ընտրությունների արդյունքները՝ փորձաքար
BLOGՆարեկ Սարգսյանը Ֆեյսբուքյա իր էջում գրում է.
Առաջիկայում սպասվող տեղական ինքնակառավարման մարմինների ընտրությունները (մի մասը ապրիլին են, մյուսները՝ աշնանը) լավ հնարավորություն են քաղաքական ուժերի համար խորհրդարանական ընտրություններից առաջ մարզերում իրենց դիրքերը ուժեղացնելու առումով:
ՏԻՄ ընտրությունների ընթացքը ցույց կտա, թե որ կուսակցությունն է իսկապես լուրջ մոտենում ընտրական գործընթացներին ու ինչ հավակնություններ կարող է ունենալ:
Նոր կուսակցությունների համար մի փոքր բարդ է, սակայն այն միաժամանակ նաև հնարավորություն է մարզերում արագ կուսակցական կառույցներ ձևավորելու ու տեղում կուսակցական ակտիվներ ստեղծելու առումով:
ՏԻՄ ընտրությունների ընթացքն ու դրան քաղաքական ուժերի մասնակցությունը 2017-ի խորհրդարանական ընտրություններից առաջ պարզորոշ ցույց կտա, թե մոտավոր հաշվարկով ով ինչ հավակնություններ ու իրական հնարավորություններ ունի 2017-ի խորհրդարանում: