Հաշմանդամ չճանաչված զինվորները կբուժվեն անվճար
BLOGՆարեկ Սարգսյանը Ֆեյսբուքյան իր էջում գրում է.
Ինչպես գիտենք, այն զինվորները, ովքեր զինծառայության ընթացքում ճանաչվել են հաշմանդամ, օրենքով սահմանված կարգով ստանում են երաշխավորված անվճար և արտոնյալ պայմաններով բժշկական օգնության:
Գործադիր մարմնի նոր որոշմամբ, օգնություն կստանան նաև նրանք, ովքեր ծառայության ընթացքում ստացած խեղման, վնասվածքի, հիվանդության պատճառով զորացրվել են սակայն բժշկասոցիալական փորձաքննության արդյունքում հաշմանդամ չեն ճանաչվել:
Նախագծով առաջարկվում է, որպեսզի այդ անձինք ընդգրկվեն պետության կողմից երաշխավորված անվճար և արտոնյալ պայմաններով բժշկական օգնություն և սպասարկում ստանալու իրավունք ունեցող անձանց ցանկի մեջ: Այդ մարդկանց թիվը տարեկան կտրվածքով կազմում է 70-ից 90 հոգի:
Սա շատ կարևոր և օրակարգային որոշում էր: Այն ոչ միայն արդարացիորեն կլուծի վիրավորված բայց հաշմանդամության կարգ չստացած զինվորների խնդիրները, այլ նաև լրացուցիչ վստահություն կհաղորդի հանրությանը՝ զինվորին նկատմամբ պաշտպանության հարցում: