Ինչպե՞ս է անվանակոչելու իր երկրորդ դստերը Մերի Ներսիսյանը

Blognews.am-ը գրում է.

Մերի Ներսիսյանը Հանրային հեռուստաընկերության  «Մայրիկների ակումբ» ծրագրի հաղորդավարն է: Հեռուստատեսային գործունեությունը սկսել է շուրջ տաս տարի առաջ, բազմաթիվ հաղորդումներ է վարել` տարբեր ֆորմատների և ժանրերի. «Հպարտ եմ մի բանի համար` երբեք չեմ ընդունել առաջարկներ ու վարել կամ հեղինակել հաղորդումներ, որոնք դեմ են եղել իմ մարդկային սկզբունքներին, իմ տեսակին, մտածելակերպին, հաղորդումներ որոնք չեմ սիրել: Իմ կարիերայի ընթացքում ինչ արել եմ, արել եմ մեծ նվիրումով և սիրով»,-BlogNews.am-ի հետ  զրույցն այսպես սկսվեց Մերիի հետ: 

Ինչպես հաղորդավարուհին է նշում, «Առաջին ալիք»-ով հեռարձակվող «Մայրիկների ակումբ» հաղորդումը իր սիրելի անկյունն է, ուր աշխատում է աննկարագարելի հաճույքով, որտեղից ստանում է անսահման շատ էներգետիկա. «Մենք ունենք մայրիկների մի մեծ ուրախ, լավատես ու մտերմիկ ակումբ, որտեղ ներգրավված են ամբողջ աշխարհում բնակվող հայ մայրիկները: Գիտեք մեր օրերում շատերը հեռուստատեսային բարձունքը չափում են ճանաչելիության մակարդակով: Ինձ համար բարձունք գոյություն չունի: Ես հաջողություններս չափում եմ ինձ համար կարևոր հեռուստադիտողների որոշակի լսարանի արձագանքով եւ իհարկե իմ ներքին բավարավածությամբ»: 

Մերին հեռուստադիտողի վրա թողնում է գրագետ, կանացի, խելացի և կայացած կնոջ տպավորություն: Ասում է, որ «Մայրիկների ակումբի» Մերին նույն Մերին է նաևէկրաններից այն կողմ. «Ես երբեք չեմ խաղում, չեմ մշակում հեռուստատեսային կերպարներ:  Հեռուստադիտողին երբեք չես կարող խաբել մշակածդ կերպարով: Ես սովորական մի մայրիկ եմ, ով երջանիկ է, որ ծնվել է կին, ով վայելում է իր մամայական կարգավիճակը, ով սիրող ու սիրված կին է, ով երբեք չի խուսափում կենցաղային հոգսերից, ով շատ է սիրում խոհանոցում փորձարկումներ անել»: 

Հաղորդավարուհին շատ լավ կարողանում է նաև պլանավորել իրենց ընտանեկան հագիստը. «Փոքրուց ծնողներս սովորեցրել են մեզ ու կարծես մշակույթ ձեւավորել, որ հանգիստը պետք է անպակաս լինի մեր կյանքից: Եթե ցանկանում ես լավ աշխատել, պետք է նաեւ կարողանաս հանգստանալ: Մենք փորձում ենք օգտագործել մեր շաբաթ-կիրակիները: Տաք եղանակներին հաճախ ենք քաղաքից դուրս գնում՝ պիկնիկի, քաղաքում էլ մեր աղջկա հետ միասին սիրում ենք գնալ թատրոններ, կինոթատրոններ, պարզապես զբոսնել»:

Մերին և Գոռը բացի ամուսիններ լինելուց, շատ լավ հեռուստատեսային դուետ են. նրանք իրենց հաղորդումներն միշտ միասին են անում: Մերին նշում է, որ գործնական համերաշխությունը կա նաև ընտանիքում. «Ընտանիքում, եթե չկա համերաշխություն, ապա տարբեր հիմնասյուններ աստիճանաբար փլուզվում են: Մենք համերաշխ ընտանիք ենք, այլ կերպ չեմ էլ պատկերացնում ընտանիք կոչվածը: Եթե ընտանքիում համերաշխ չլինեինք, աշխատավայրում պարզապես չէինք կարող աշխատել, ստեղծագործել»:

Ժամանակին Գոռը և Մերին միասին հողարդում էին վարում, իսկ այն հարցին  հնարավոր է արդյո՞ք կրկին նախագծով հանդես գան` Մերին պատասխանեց. «Այո, երկար տարիներ միասին առավոտյան ծրագիր ենք վարել: Գոռից ահռելի շատ բան եմ սովորել, եթե նա սկզբում չլիներ իմ գործընկերը, ես հաստատ չէի ունենա այն հմպտությոնները, որոնք ունեմ այսօր: Օբյեկտիվորեն կարող եմ ասել, որ Գոռն ինձ համար հայկական հեռուստադաշտում եզակի ու պրոֆեսիոնալ հադորդավար է, նրա եթերային խոսքն ու էթիկան մինչ օրս ինձ համար չափանիշ է: Շատ եմ ցավում, որ հիմա Գոռը կադրում չի աշխատում, քանի որ հայկական հեռուտաեթերում այսօր գրագետ խոսքի, մարդկային որակների, էթիկայի մեծ բաց կա: Բայց վստահ եմ` գալու է մի օր, երբ նորից կաշխատենք միասին»:

Ինչպես Մերին է նշում`Գոռն իր լավագույն ընկերն է, հարազատը, ամուսինը, երեխայի հայրը, գործընկերը, համախոհը.  «Դե պատկերացրեք, թե ինչքան թեմաներ ունենք միասին քննարկելու: Մենք լուրջ թեմաների քննարկումներից հեշտությամբ անցնում ենք թեթեւ թեմաներին, կարող ենք ժամերով քննարկել մեր առաջիկա ընտանեկան կարևոր անելիքները, հետո անցնենք Էվայի հագուստներին: Ամեն հարց ու որոշում կայացնում եմ միայն ամուսնուս հետ քննարկելուց հետո: Նրա կարծիքն ու որոշումն ինձ համար հիմա առաջնային են ու անչափ կարևոր: Երբեմն անգամ վախենում եմ, որ առանց Գոռի այլևս չեմ կարող լուրջ որոշումներ ընդունել, բայց երևի հենց դա է երկու հոգով մեկ մարդու պես ապրելը»:

Այս գեղեցիկ և ներդաշնակ զույգի ընտանիքում երկրորդ համալրումն է սպասվում. Մերին կրկին դուստը կպարգևի Գոռին: Հաղորդավարուհին նշում է, որ հիմա առավել քան երջանիկ կին է, քանի որ ամեն բան ունի` ամուր և սիրող ընտանիք, հրաշք դուստը և ևս մեկ գեղեցկուհի, ով դեռ ապրում է իր ներսում, սիրելի աշխատանք, առողջ հարազատներ և լավ ընկերներ. «Ես ու ամուսինս երկրորդ հղիությանս իսկապես շատ ու անհամբեր էինք սպաում, ուստի նրա համար անակնկալ ու շատ զարմանալի չէր լուրը: Ես, ինչպես, առաջին անգամ վախեցած ու ահաբեկված նրան հայտնեցի այդ մասին: Չնայած որոշել էի, որ եթե իմանամ այդ մասին, կսպասեմ, հաջորդ օրը անակնկալ ընթրիքի կհրավիրեմ ու յուրահատուկ ձևով կհայտնեմ: Բայց պահի երջանկությունն այնքան մեծ էր, որ անգամ մեկ րոպե սպասել չկարողացա»:

 Հաղորդավարուհու խոսոքով ավագ դուստրը`Էվան, անհամբեր օրերն է հաշվում, թե երբ է լույս աշխարհ գալու քույրիկը.  «Նա լուրը լսելուն պես ուրախությունից չգիտեր ինչ աներ: Հիմա ամեն օր հարցնում է  նրա որպիսության մասին, անհամբեր ծնունդին է սպասում, ամեն օր արտասանում, երգում ու խոսում է նրա հետ: Հարցեր է տալիս ու սպասում պատասխանների, իսկ քույրիկը պատասխանում է հարվածների միջոցով ու միասին երկխոսության մեջ են մտնում հաճախ»:

Զույգն արդեն կողմնորշվել է բալիկի անվան ընտրության հարցում. «Աղջկաս անունը մտածել էինք նախքան հղիության մասին իմանալը: Մենք երազում էինք ևս մեկ աղջկա մասին ու պլանավորել էինք արդեն նրա անունը: Գիտեինք հաստատ, որ տղա ունենաինք անունը Ռոբ էինք դնելու, Գոռի հայրիկի անունով, իսկ աղջկա դեպքում Սառա: Էվայի կարծիքն ենք նաեւ հաշվի առել. նա էլ շատ է սիրում այդ անունը: Կարծում եմ` երկու երեխայով չենք սահմանափակվի, Աստծո կամոք նվազագույնը երեք երեխա ենք ունենալու: Որոշ պայմանների առկայության դեպքում միգուցե չորս-հինգ»: