Լավ հնարավորություն հայ ոսկերիչների համար
BLOGՏնտեսական անկյունն ֆեյսբուքյան իր էջում գրում է․
Մարտի 20-23-ը հայկական ոսկերչական 7 ընկերություններ Ղազախստանի Ալմաթի քաղաքում կմասնակցեն «ԱՌՈՒ» 26-րդ ոսկերչական աﬔնամյա ցուցահանդեսին:
Ցուցահանդեսների և ցուցադրական նմանատիպ միջոցառումների կարևորությունը տեղական արտադրողի համար անչափ կարևոր է: Թե երկրում և թե երկրից դուրս նման արարողությունները նպաստում են նոր համագործակցությունների ձևավորմանն ու նոր շուկաների ավելացմանը:
Սպասվում է, որ այդ միջոցառումը կունենա շուրջ 20 000 այցելու, այդ թվում՝ խոշոր գնորդներ և դեստրիբյուտորական կազմակերոպությունների ներկայացուցիչներ:
Կենտրոնական Ասիայում միակ մասնագիտացված ցուցահանդեսի արդյունավետությունը անգնահատելի է: Փաստերը խոսում են այն մասին, որ նման միջոցառումներից հետո մասնակից կազմակերպությունները ավելացնում են իրենց արտադրանքի ծավալները և հաստատվում նոր կապեր արտերկրում:
Բացի Հայաստանից և Ղազախստանից, ցուցահանդեսին կմասնակցեն շուրջ 80 ընկերություններ ՌԴ-ից, Ուկրաինայից, Բելգիայից, Հնդկաստանից, Իտալիայից, Թուրքիայից և ԱՄԷ-ից:
Սպասենք մեր ընկերությունների հաջող մասնակցությանը: Մի քանի հայկական ընկերության հաջող մասնակցությունը չի կարող դրականորեն չազդել շուկայի հեղինակության բարձրացման վրա, ինչից վստահաբար կարող են շահել և մնացած ոսկերիչները։