ՏՏ ընկերությունների թիվը գերազանցեց ութ տասնյակը
BLOGՀայկ Համբարձումյանը Ֆեյսբուքյան իր էջում գրում է.
Մոտ երկու տարի առաջ գործադիր մարմնի կողմից որոշում կայացվեց պետական մակարդակով աջակցել տեղեկատվական տեխնոլոգիաների ոլորտում գործունեություն սկսող անձանց՝ տրամադրելով իրենց զգալի հարկային արտոնություններ:
«Ինչ ցանես, այն էլ կհնձես» արտահայտությունը շատ տեղին է այս դեպքում: Արտոնությունները խթանեցին ընկերությունների մուտքը այս ոլորտ: Եթե երկու տարի առաջ շուկայում ստեղծվել էր մեկուկես տասնյակ նման ընկերություն, ապա արդեն անցած տարի դրանց թիվը գերազանցեց ութ տասնյակը։ Ստեղծված ընկերությունների ավելի քան 90 տոկոսը ստացել է պետական աջակցություն:
Ընկերությունների բացմանը զուգընթաց տարեվերջյան զգալի աճի ցուցանիշները ևս մեկ անգամ հաստատեցին այն կարծիքը, որ այս ոլորտը կարող է դառնալ մեր տնտեսության «առագաստներից» մեկը: Պատահական չէ, որ որոշում կայացվեց ՏՏ նորաստեղծ ընկերություններին համար որպես լրացուցիչ արտոնություն սահմանել եկամտային հարկի 10 տոկոս դրույքաչափ, ինչը գրեթե 1,5 անգամ ցածր է նվազագույնից։
Խոսելով արտահանման մասին, պետք է արձանագրել, որ նախորդ տարի այդ ցուցանիշը հասել է 215 մլն դոլարի: Սպառման շրջանակներում ոչ միայն ԱՄՆ-ն և Կանադան են, այլ նաև ԱՊՀ պետությունները: