«4+4+4» կամ ինչպես աշխատել 40.000$ կարճ ժամանակում
BLOGՎլադ Կարախանյանը Ֆեյսբուքյան իր էջում գրում է.
Մարտի 18-ին ԱԺ-ում ԸՕ-ի շուրջ քննարկումների ժամանակ Լևոն Զուրաբյանը հարցնում է.
«Իմ ընկերը, որը մեր կողմից վստահված անձ էր տեղամասերից մեկում, դրեց այնտեղ տեսախցիկ, որը ընտրության ողջ ընթացքը փոխանցում էր վեբ կայքին: Դա նրա վրա նստեց 20 դոլար, Ոչ-ն այդտեղ հաղթանակ գրանցեց: Հաշվարկը ցույց է տալիս, որ անհրաժեշտ է 40000 դոլար այս խնդիրը լուծելու համար: Խոսքս վերաբերում է նրան, որ փաստորեն փոքր ֆինանսական միջոցներով հնարավոր է այս հարցը ևս լուծել:
Պարոն Հարությունյան և պարոն Սահակյան, արդյոք դուք հասկանո՞ւմ եք, որ սա այն դեպքն է, որ դուք կարող եք ընդունել ընդդիմության առաջարկները հանուն ժողովրդի և հասարակության վստահության վերականգնման, դուք կարող եք ընդունել առաջարկներ, որոնց հետ դուք համաձայն չեք, սակայն դա պահանջում է հասարակությունը»:
Ի պատասխան հարցին` Դավիթ Հարությունյանը.
«Տեսանկարահանման վերաբերյալ. մենք պատրաստ ենք ձեր ընկերոջը տրամադրել 40000 դոլար, թող կազմակերպի այդ գործընթացը»:
Լևոն Զուրաբյանը լրացուցիչ գումարներ հայթայթելու մեծ շնորհ ունի, իսկ մենք զարմանում էինք, որ ՀԱԿ-ը ԲՀԿ-ից էր «գրանտներ» ստանում: Այսպես եթե շարունակվի, հաջորդ անգամ նա ԱԺ-ի ամբիոնից կխնդրի փոխհատուցել իր ընկերներից մեկի երեխայի ուսման վարձը կամ իր ծննդյան հանդեսը «Կալբասնոցում» անցկացնելու գումարը: