Լիլիթ Կարապետյան. «Տարիների ընթացքում շատ եմ կոփվել»

Blognews.am-ը գրում է.

Երգչուհի Լիլիթ Կարապետյան վերջին շրջանում բավական ակտիվ է: Նրա երեք տեսահոլովակները բավականին որակով և համարձակ են: Երգչուհին ռադիոհաղորդավար Անկա Սարիբեկյանին պատել է իր վերադարձի և սպասվելիք նորությունների մասին:

-Վերադարձից հետո  ի՞նչ աշխատանքներ կատարվեցին ու ու՞մ հետ համագործակցեցիք

- Վերադարձից հետո կատարել եմ բավականին մեծ աշխատանք, արդեն ունեմ երեք տեսահոլովակ`  «Ժամանակին», «Թող ապրեմ» և «Քեզ հետ»: Ու կարծում եմ՝ այդ լռությունը մի քանի տարիների քիչ թե շատ կարողացել եմ լրացնել այս երկու տարվա մեջ: Իuկ ամռանը նույնպես մեծ, գլոբալ գործ ունեմ անելու: Երգը կապված է լինելու մեր զինվորների հետ:

-Ի՞նչ է սպասվում 

- «Դե տղերք, պինդ եղեք» արտահայտությունը ես համարում եմ իմը, քանի որ ես առաջինն էի մեր ասպարեզում, ով արեց այս արտահայտությունը: Նոր երգում  հավանաբար կլինի այս խոսքը, բայց լիովին նոր երգ է լինելու մեր զինվորների մասին, այն մարդկանց մասին, ովքեր իրենց տաքուկ անկյունները թողել և գնացել են սահման ու այս օրվա դրությամբ պահպանում են մեր անդորրը:

 -Ու՞մ եք վստահելու նոր երգի երաժշտությունն ու խոսքերը գրելը.

- Վերջին մի քանի երգերի ընթացքում կարծես թե թիմը շատ քիչ փոփոխությունների է ենթարկվել: Երաժշտությունը կրկին գրելու է դուետրո ստուդիայի Էդգար Ալեքսանյանը, խոսքերի մասին դեռ ոչինչ չեմ կարող ասել, գործիքավորումն էլ կանի Էդգարը: Տեսահոլովակն էլ ժամանակը կգա տեսնենք, թե ում կվստահենք:

-Ճի՞շտ է, որ դուք ունեք հովանավոր, ով ձեզ գումար է տրամադրում, որի արդյունքում դուք կարողանում եք նկարահանումներ կատարել նաև արտասահմանում

- Ինչ հաճելի բամբասանք էր, Աստված տար: Շատ կուզեի և Աստված տար, որ բոլոր բամբասանքներն այդքան հաճելի լինեին: Բայց նման բան չկա: Եթե լիներ ես ամեն ամիս տեսահոլովակ կնկարահանեի:

-Տեսահոլովակի գաղափարը ու՞մն էր և ինչպե՞ս որոշեցիք նկարահանումները անցկացնել Ռուսաստանում

- Տեսահոլովակի՝ Մոսկվայում նկարելու միտքը ծագեց այն ժամանակ, երբ ես արդեն որոշել էր արդեն նկարահանել: Գնացի, նայեցի մի քանի հյուրանոցների  համարները, մարզասրահը, ռեստորանը, ընդունարանը և այլն:  Փորձցի հասկանալ, որ հյուրանոցը ում է պատկանում: Տնօրենի հետ պետք է հանդիպեի, համաձայնության գայի և այլն...
Մի քանի օր առաջ էլ մեկնել էինք Մոսկվա՝ «Տաշիր շոու»-ի նկարահանմանը: Այդ ժամանակ մնում էինք մի հյուրանոցում: Իմ լավ ընկերոջ՝ ռեժիսոր  Տարոն Պողոսյանի հետ միասին որոշեցինք, որ տեսահոլովակը նկարահանում ենք հենց այդտեղ:Այդպես որոշեցինք, տարոնը գտավ մասնագետներին, ովքեր ռուս էին: Միայն դիմահարդարն ու վարսահարդարն էին հայ: Շնորհակալություն եմ ուզում հայտնել նաև պարողներին, ովքեր Ռուսաստանում մեծ ճանաչում ունեն: Շնորհակալություն նաև տեսահոլովակի  հերոսին՝  Արտակ Սարգսյանին:

-Ո՞րն է այս ամենի շարժիչ ուժը:

- Այս ամենի շարժիչ ուժը տղաս է՝ Կարենը: Ես կարծում եմ՝ ցանկացած արտիստ պիտի մտածի, որ ինքը կողքից ինչ-որ մի գործ էլ ունենա: Այսինքն հույսը միայն երգի վրա չդնի: Ես նույնպես հասկացա, որ պետք է մի քանի տարի, որպեսզի ես լավ ուժերով աշխատեմ, կայունանամ, ունենամ նոր երգեր, տեսահոլովակներ, որակյալ գործեր և մըածեմ ինչ-որ մի բան իմ որդու ապագայի համար:

-Ինչպե՞ս եք վերաբերվում զազրախոսություններին

- Տարիների ընթացքում կարողացել եմ սովորել, կոփվել, բայց մի բան ասեմ  պետք է մարդիկ սիրեն իրար...

-Ձեր ողջույնները, բարեմաղթանքները ձեր հանդիսատեսին

- Իմ հանդիսատեսին պարզապես կարող եմ կարճ մի խոսք ուղղել. Իրենց սիրո պատճառով շարունակում եմ երգել, իրենց սերը ինձ ուժ է տալիս, նրանք են նաև իմ շարժիչ ուժը, նրանց սերն է ինձ թև ու թիկունք: Հուսով եմ՝ լավ երգեր կներկայացնեմ հենց ձեզ... Իսկ քեզ ցանկանում եմ ասեմ, որ պարզապես ապշած եմ: Ուրախ եմ, որ այսօր այստեղ եմ: Ես շատ կուզեի, որ բոլոր հաղորդավարնեը աշխատեին իրենց խոսքի վրա ու հասնեին քեզ, բրավո քո խոսքի, գրագետ ու սահուն մտքի համար...  Քեզ շատ սիրում եմ և շնորհակալ եմ հրավերի համար: