Ի՞նչ չգիտենք մենք կարտոֆիլի մասին

Կարտոֆիլը՝ վարակված սնկային հիվանդություններով, վտանգավոր է մարդու համար,-տեղեկացնում է Past.am-ը: Գրեթե ամբողջ կարտոֆիլն է վարակված՝ ահա և արեք ձեր եզրակացությունները: Իսկ շատերը դժվար են հրաժարվում կարտոֆիլից: Կարտոֆիլը գրեթե էներգիա չի տալիս մարդուն:

Օսլան, որով հարուստ է այս բանջարեղենը, օրգանիզմում չի ենթարկվում թթվային մշակման: Այն ոչ մի մթերքի հետ համադրելի չէ: Կարտոֆիլի օգտագործելուց հետո կտրուկ նվազում է մտավոր պրոցեսը: Ինչպես կարտոֆիլը, այնպես էլ լապշան ու մյուս հացեղենները պարունակում են մեծ քանակությամբ թեթև յուրացվող ածխաջրեր ու օսլա: Նրանց չափից դուրս պարունակությունը խանգարում է օրգանիզմում նորմալ նյութափոխանակությանը:

Պարզ ածխաջրերը հարկավոր է փոխարինել բարդերով, որոնք գտնվում են ձավարեղեններում: Օսլան օրգանիզմի թիվ 1 մարդասպանն է:  Օրգանիզմը հենց այդպես չի կարող յուրացնել օսլան, դրա համար հարկավոր են մեծ քանակությամբ քիմիական ռեակցիաներ, որ բարդ օսլան վերածվի հասարակ շաքարի՝ գլյուկոզայի: Օրգանիզմը միայն դա է կարողանում յուրացնել: Օսլայի վերածումն օրգանիզմում հիմնականում ուղղված է շաքարի պահանջմունքի բավարարմանը: Առանց բավարար քանակությամբ վիտամինների ու միկրոտարրերի օսլան գրեթե չի յուրացվում: Օսլան գրեթե չի ներծծվում ոչ մի հայտնի լուծիչում: Տաք ջրի ազդեցությամբ օսլայում առաջանում է ամիլազի լուծույթ, որը ուժեղ հագեցած է ամիլոպեկտինով: Ստացված թանձր զանգվածը կրում է կլեյստեր անվանումը, որը առաջանում է ստամոքսա-աղիքային տրակտում:

Իսկ որքան մանր է աղացած ալյուրը, որից պատաստված է հացը, մակարոնները, այնքան ավելի լավ այդ կլեյստերը սոսնձում: Այն սոսնձում է, նստում է 12 մատնյա աղիքի, բարակ աղիքի վրա՝ նրանց նախ մասնակի, ապա ամբողջությամբ բացառելով սննդի մարսողությունից: Ահա թե որտեղ է թաքնված վիտամինների, միկրոէլեմենտների վատ յուրացումը: Յոդի անբավարար յուրացումը (օսլան այն գրեթե ոչ յուրացվելի է դադրձնում) հանգեցնում է բազմաթիվ հիվանդությունների՝ ընդհուպ ուռուցքային: Պատճառը մեկն է՝ օսլան պարուրում է հյուսվածքները: Հաստ աղիքում օսլայի այդ պարունակությունը կպչում է աղիքի պատերին՝ քարեր առաջացնելով:

Կարտոֆիլը օգտակար չէ մարդկանց, ովքեր տառապում են ենթաստամոքսային գեղձի ֆունկցիայի խախտմամբ ու ածխաջրերի նկատմամբ ցածր տոլերանտությամբ: Կարտոֆիլում երկար պահպանման դեպքում առաջանում է սոլանին թույնը: Շատերն են տեսել կարտոֆիլի վրայի կանաչ կետիկները: Նման կարտոֆիլը անթույլատրելի է օգտագործել: Սոլանինը ի վիճակի է ուժեղ թունավորում առաջացնել: Հղի կանանց համար այն կրկնակի վնասակար է, քանի որ նպասում է պտղի մոտ սրտի արատի առաջացմանը: Խորոված կատոֆիլը օրգանիզմին վնասելու ամենանենգ եղանակն է: Գլիկեմիկ ինդեքսը տապակած կարտոֆիլում հավասար է 95-ին, ինչը բարձր է, քան շաքարն ու մեղրը միասին վերցված: Այսինքն՝ գրեթե վայրկենապես տապակված կարտոֆիլը շաքարի պարունակությունը բարձրացնում է առավելագույնս շատ: Զգալով հագեցվածություն, ցածր կալորիականության պատճառով մարդը 1 ժամ անց կարող է քաղցի զգացում ունենալ:

Տապակած կարտոֆիլ ու կարտոֆիլ ֆրի

Ամենադաժան հարվածը՝ օրգանիզմին: Տապակվելու ընթացքում կարտոֆիլից դուրս է գալիս խոնավությունը, դրա տեղը գալիս է լրացնելու ճարպը: Կարտոֆիլի կալորիականությունը սկսում է բարձրանալ ու հաճախ անցնում է 400-ի սահմանագիծը (ածխաջրեր): Պետք է ուտել նոր դուրս եկած կարտոֆիլ, որը 2 ամսից ավելի չէ ու միայն եփված վիճակում: Ջեռոցում կարող եք եփել միայն երիտասարդ կարտոֆիլը: