Մեքսիկական հեռուստասերիալների ՀԱՅ աստղը

Հայկական արմատներով մեքսիկացի դերասան Մաուրիսիո Օչմանը հայտնի է հեռուստադիտողներին իր գեղեցիկ աչքերով և հմայիչ ժպիտով:

Մաուրիսիո Օչմանը ծնվել է 1977 թվականի նոյեմբերի 16-ին հայ-հրեական ընտանիքում` մեքսիկական Սելայա քաղաքում: Դերասանի հայրը հայ էր, ուներ իր սեփական բիզնեսը և սիրում էր գեղանկարչություն, իսկ նրա մայրը հրեա էր, աշխատում էր որպես ուսուցչուհի: Վաղ տարիքից Մաուրիսիոն ներգրավված էր փոքր ներկայացումներում:

19 տարեկանում նա մեկնում է ԱՄՆ և ընդունվում թատերական ինստիտուտ: Այնտեղ սովորում է երեք տարի: Իր արտաքին գրավչության, դերասանական տաղանդի և խարիզմայի շնորհիվ դերասանը ստանում է առաջարկ նկարահանվելու «Հաղորդագրություն շշի մեջ» ֆիլմում: Ֆիլմում նկարահանվում էին նաև հայտնի դերասաններ Քևին Քոսթները և Ռոբին Ռայթը: Այդ ֆիլմը սկիզբ դրեց նրա դերասանական գործունեությանը:

«Այդ ֆիլմում ես կարողացա ներկայանալ յուրովի: Քևին Քոսթների և Ռոբին Ռայթի հետ աշխատելն ինձ թույլ տվեց սովորել այն, ինչ ես իմ երիտասարդ տարիներին երբեք չէի կարող սովորել Մեքսիկայում»,- խոստովանում է դերասանը:

Ֆիլմում հաջողությամբ նկարահանվելուց հետո նրան սկսում են մի շարք առաջարկներ անել մի շարք հեռուստաընկերություններ՝ առաջարկելով նկարահանվել տարբեր ֆիլմերում ու սերիալներում:

Սակայն նրա աստղային ժամը եկավ այն ժամանակ, երբ նկարահանվեց «Կլոն» հեռուստասերիալում, ում հետ համատեղ նկարահանվում էր Սանդրա Էչևերիեն:

«Խաղալ այն նույն Լուկասի, Դիեգո Ֆերրարի և Օսվալդո Դանիելի դերերը, բավականին բարդ էր, քանի որ այդ կերպարները արդեն ծանոթ էին հանդիսատեսին: Տարբեր կերպարներ կերտելն անհամեմատ բարդ գործընթաց է, բացի դրանից, անընդհատ մի տեղից մյուս տեղ տեղափոխվելը բարդություններ էր առաջացնում ողջ նկարահանող խմբի համար»,- պատմում է դերասանը:

Չնայած բարդություններին ու տարաձայնություններին` հերթական «Կլոն» հեռուստասերիալը ունեցավ բավական մեծ հաջողություն: Այն թարգմանվեց տարբեր լեզուներով, ցուցադրվեց 10-ից ավելի երկրներում: Հաջողությունը անհավանական էր:

«Նկարահանել մի սերիալ, որն արդեն ծանոթ է հեռուստադիտողներին, բավական բարդ էր, սակայն մենք կարողացանք դուրս գալ այդ ծանր առաջադրանքից: Որպեսզի չկրկնվեինք, ստիպված եղանք կատարել որոշ փոփոխություններ սցենարում: Ես շատ ուրախ եմ, որ կարողացանք պատվով դուրս գալ այդ ծանր բայց, միևնույն ժամանակ, հաճելի գործընթացից»,- հարցազրույցներից մեկի ժամանակ անկեղծացել է դերասանը:

Ինչ վերաբերվում է անձնական կյանքին, Մաուրիսոն ներկայում դաստիարակում է իր առաջին ամուսնությունից ծնված աղջկան: Հիմա դերասանը հանդիպում է դերասանուհի Այսլին Դերբեզի հետ, ում հետ նկարահանվել է «A la mala» ֆիլմում:

Պատրաստեց Past.am-ը: