Հայտնի առաջնորդների սիրելի ավտոմեքենաները` լուսանկարներով

BaltNews-ը ի մի է բերել հայտնի առաջնորդների 10 ամենասիրելի մեքենաները` ֆոտոշարքով:
 

Հետաքրքրական ցուցակում տեղ են գտել` Բրիտանիայի թագուհի Էլիզաբեթ Երկրորդը, որը, ի դեպ, վարորդական իրավունք չունի: Երկար ժամանակ նա Land Rover Defender 90 է վարել, սակայն լուսանկարներ ունի նաև ժամանակակից Range Rover-ով:

 

ԱՄՆ-ի նախկին նախագահ Ռոնալդ Ռեյգանը, որի Jeep CJ-8 Scrambler-ը եզակի է համարվում ԱՄՆ-ի մյուս առաջնորդների մեքենաների թվում:
 

Ադոլֆ Հիտլերը դեռ իր «Իմ պայքարը» գրքում գրում է, թե ինչպես է Mercedes-Benz-ի դիլերին խնդրել իրեն Mercedes-Benz 11/40-ի գնման համար վարկ տրամադրել, որը նրա երազանքների ավտոմոբիլն էր: Հիտլերի խնդրանքը մերժվել էր, սակայն շուտով նա իրեն կարող էր ուզածի չափ Mercedes-ներ թույլ տալ...
 

 

ԱՄՆ-ի նախագահ Ջորջ Բուշ կրտսերը նախընտրում է մեծ պիկապները, որոնցով երթևեկում է հիմնականում իր ռանչոյի տարածքում: Նա նաև Ford-ի երկրպագու է: Նրա ամենավառ մեքենան թերևս 2009-ի F-150 King Ranch 4×4 SuperCrew-ն է: 

 

Ֆրանսիայի նախկին նախագահ Շառլ դը Գոլը սիրում էր հայրենական Citroen-ը, որի առաջին  DS-ը հենց նա է վարել և որի կյանքը այդ մեքենան փրկել է մահափորձի ժամանակ:

 

Կալիֆորնիայի նախկին նահանգապետ Առնոլդ Շվարցենեգերը 1992-ին գնել էր իր առաջին Hummer H1-ը: 2,9 տոննա քաշով ու 2 մ լայնքով մեքենան շատ էր համապատասխանում նրա իմիջին: Նա տասնյակ այլ մեքնեաներ է ունեցել, սակայն նրա ավտոտնակում 7 տարբեր Hummer  կա` ընդհանուր 800 հազար դոլար արժեքով:
 

 

Ցուցակը թերի կլիներ առանց Ռուսաստանի նախագահ Պուտինի «Նիվա»-ի` «Ջունգլիի» կոմպլեկտացիայով:

 

Լիբիայի հանգուցյլ առաջնորդ Մուամար Կադաֆիին ապստամբները հայտնաբերել էին Fiat 500 էլեկտրոմոբիլում: Արժեքը` 130 հազար դոլար, լիցքավորվում է 10 րոպեում: Կադաֆին այդ մեքենան պատվիրել էր 2009-ին:

Թուրքմենստանի նախագահ Ղուրբանգուլի Բերդիմուհամեդովը 2012-ին մասնակցել էր ավտոարշավի` Bugatti Veyron սուպերքարով, որը ներկված էր ազգային դրոշի գույներով: Բերդիմուհամեդովը հաղթել էր:
 

Հարավային Աֆրիկայի Հանրապետության հանգուցյալ առաջնորդ Նելսոն Մանդելան մարդու իրավունքների համար իր տասնամյակների պայքարով ոգեշնչել էր Daimler Chrysler-ին` հատուկ Mercedes հավաքել նրա համար:

Այդ մեքենան` վառ կարմիր  500SE-ն, Մանդելայի անվանատառերով էր: