Ադրբեջանն ուր, մարդկային քաղաքակրթությունն ուր
BLOGՄովսես Դեմիրճյանը Ֆեյսբուքյան իր էջում գրում է.
Ադրբեջանի իշխանություններն այս 25 տարվա ընթացքում այդպես էլ չհասկացան, որ զենքով իրենց նպատակին չեն հասնելու, որ քաղաքակիրթ աշխարհը նախընտրում է բանակցել, քննարկել, պայմանավորվել, ոչ թե կրակել, և բանակցել՝ հենց կրակելու փոխարեն, չկրակելու համար:
Քաղաքակիրթ աշխարհը և քաղաքակիրթ մարդիկ կրակում են փաստերով ու փաստարկներով միայն:
Ափսոս, որ ադրբեջանցիներից շատերն իրենց երկրի իշխանության պես հեռու են քաղաքակրթությունից, իսկ ովքեր հեռու չեն՝ իշխանության վրա ազդելու լծակ չունեն:
Էդ ադրբեջանցիներին պետք է հասկացնել, որ երբ իրենց երկրի նախագահը մեկնելիս իրավիճակը սրելու ներքին հրահանգ է տալիս, ապա դա անում է նաև այն բանի համար, որ իրավիճակի կայունացումը համընկնի Ադրբեջան իր վերադառնալու հետ, իսկ ադրբեջանցիներին ասեն, որ նախագահն եկավ և ամեն ինչ հանդարտվեց:
Ադրբեջանի հասարակությունը ավելի շուտ փակ հասարակություն է, իսկ փակ համակարգերը քանդվում են ներսից՝ ինֆորմացիայի մեծ հոսքի ազդեցությանը չդիմանալով: