Մարդկանց մի խումբ կա, ովքեր շատ ֆանատիկորեն են մոտենում սիթքոմին ու նրանց դուր չի գալիս, որ Մարինկայի հերոսուհին գործող հերոսներից ինչ-որ մեկին նեղում է. Գրիգոր Դանիելյան

LIFE 4 April, 2016 13:13

«Ֆուլ հաուս» սիթքոմի համասցենարիստ եւ դերասան Գրիգոր Դանիելյանը Life.panorama.am-ին պատմել է եվրոպական շրջագայության եւ սիթքոմի առաջիկա պլանների մասին:

Ֆուլհաուսցիները եվրոպական շրջագայությունից վերադարձել են օրեր առաջ եւ արդեն անցել են աշխատանքի.

«Ի տարբերություն ԱՄՆ-ի եւ ՌԴ-ի, ֆուլհաուսցիները առաջին անգամ էին եվրոպայում հանդես գալիս: Պետք է նշեմ, որ կրկին բավականին ջերմ ընդունելության արժանացանք. Անկեղծ գտնվեմ, մեր սպասումները մի փոքր այլ էին, բայց ուրախ ենք, որ դահլիճները լեփ-լեցուն էին ու մեր հայրենակիցները իսկապես մեզ մեծ սիրով ընդունեցին,- նշեց Գրիգորը:

Հյուրախաղերի ընթացքում մահացավ Արմեն Պետրոսյանի՝ Մենչի հայրը, ու վերջինս ստիպված եղավ թողնել ամեն ինչ եւ վերադառնալ Երեւան, հետաքրքրվելով, թե ինչպե՞ս հաղթահարեցին Մենչի բացակայությունը, Գրիգոր Դանիելյանը պատմեց.

«Մեզ համար շատ ծանր էր Մենչի հետ կատարված այդ դժբախտությունը: Երբ որոշում կայացվեց, որ Արմենը ժամ առաջ պետք է մեկնի, մենք անորոշության մեջ էին, չգիտեինք, թե ինչ պետք է անենք, բայց Արմենը մեզ խնդրեց, որպեսզի մենք մեր հյուրախաղերը շարունակելով լինենք իր կողքին, որովհետեւ համերգներն արդեն դրված էին եւ չկայանալու դեպքում խնդիրենր էին լինելու: Արդյունքում փորձեցինք հմտորեն դուրս գալ այդ իրավիճակից, մեկ օրվա ընթացքում ամբողջությամբ փոխվեց ծրագիրը, քանի որ Արմենն էր վարում եւ նա էլ մասնկացություն ուներ. Կարողացանք այնպես անել, որ հանդիսատեսի մոտ հարցեր չառաջանան»:

Ի դեպ՝ դերասանը նկատեց, որ շրջագայության ընթացքում չեն հասցրել հանգստանալ.

«Նման դեպքերում ամեն օրը հաշված է. նախատեսված էր յոթ քաղաքում համերգներ, իսկ դա արդեն մեծածավալ աշխատանք է, չհաշված երկար ժամանակ էինք կորցնում նաեւ ճանապարհների վրա, այսինքն՝ 11 օրվա ընթացքում յոթ համերգ ունենալով ուղղակի անհնար էր հանգստանալ»,- ավելացրեց նա:

Խոսելով նոր եթերաշրջանից՝ Գրիգոր Դանիելյանը անդրադարձավ երկու նոր հերոսների խաղի նկատմամբ հեռուստադիտողների արձագանքնրին.

«Մարդիկ շատ են խոսում հատկապես Մարինկա Խաչատրյանի խաղի մասին. քանի որ Մարինկայի դերը իր մեջ բացասական երանգ ունի, շատերը դեմ են նրա դերին: Մարդկանց մի խումբ կա, ովքեր շատ ֆանատիկորեն են մոտենում սիթքոմին ու նրանց դուր չի գալիս, որ Մարինկայի հերոսուհին գործող հերոսներից ինչ-որ մեկին նեղում է: Այս առումով միայն մի բան կասեմ՝ ես համարում եմ, որ մեր նոր հերոսների կերպարները բավականին հաջողված են եւ այն, որ Մարինկայի կերպարը հեռուստադիտողի նեռվերի վրա ազդում է, դա շատ լավ է, նշանակում է մեր տված խնդիրը հաջողվել է: Կերպարների մեջ հակասողներ էլ պետք է լինեն, դա ֆիլմի օրենքներից մեկն է,- նշեց նա ու ավելացրեց,- ուրախ եմ, որ Մուշեղին շատ են սիրում ու ուզում են պաշպանել նրան, բայց հորդորում եմ, որ մոտեցումը փոխվի եւ նոր հերոսուհուն ընդունեն որպես կերպար, այլ ոչ թե իրականություն: Չեմ ցանկանա, որ Մարինկայի հերոսուհու բնավորության պատճառով անընդհատ ասեն, թե ինչու չեն հանում նրան, չէ որ սա ընդամենը ֆիլմ է, մեր նպատակն էլ ծիծաղեցնելն է, պետք է թեթեւ նայել ամեն ինչին»:

«Ֆուլ հաուսի» երեւանյան համերգները տեղի կունենան մայիսի 16-ին, 17-ին եւ 18-ին: Համասցենարիստի խոսքերով՝ սցենարային աշխատանքները դեռ շարունակվում են.

«Հիմա մեծ պատասխանատվությամբ աշխատում ենք երեւանյան համերգների սցենարի վրա: Մեր երկրում մի փոքր ավելի քննադատ է հանդիսատեսը, այդ իսկ պատճառով աշխատում ենք էլ ավելի կենտրոնացած: Կարող եմ ասել, որ այդ օրը հանդիսատեսը չի տեսնելու «Ֆուլ հաուս»-ի հերթական մի սերիա, այլ կտեսնի բոլորովին ուրիշ մի բան՝ ֆուլհաուսյան իրավիճակում: Մենք ունենալու ենք էստրադային ձեւաչափի շոու-ներկայացում, նմանատիպ ներկայացումներ ունեցել ենք օրինակ «7.5»-ի, «No Comment»-ի ժամանակ, կլինեն փոքրիկ երաժշտական ընդմիջումներ, որոնց շրջանակում հանդես կգան Միհրան Ծառուկյանն ու Գեւորգ Մարտիրոսյանը, բայց երաժշտական դադարները շատ կարճ են տեւելու»,-ավելացրեց Գրիգոր Դանիելյանը:

Անդրադառնալով լուրերին, թե արդյոք 5-րդ եթերաշրջան եւ գեղարվեստական ֆիլմ կլինի, դերասանը նկատեց.

«5-րդ եթերաշրջանի մասին դեռեւս քննարկումներ չկան, չգիտենք՝ ինչպես կլինի, ինչ վերաբերվում է գեղարվեստական ֆիլմին, այո, նման պլաններ ունենք, ըստ նախնական ծրագրերի այն պետք է նկարահանվեր ամռաը, բայց որակը բարձր պահելու նպատակով մի փոքր հետաձգել ենք: Հիմա ժակետներ նշել չեմ կարող, բայց հաստատ նոր ու հետաքրքիր անակնկալներ խոստանում ենք»: