Հետաքրքիր փաստեր գեղեցկության մասին

Ցավոք, այսօր գեղեցկության չափանիշները շատ են փոխվել: Դրա հիմնական մեղավորն, անշուշտ, ԶԼՄ-ներն են, որոնք կարող են գրեթե ամեն ինչ գրավիչ ձևով ներկայացնել հանրությանը: Գրավչության մոդելը ստեղծվում է այսպես կոչված «աստղերի» կողմից, ովքեր փորձում են ձեռք բերել բոլոր պահանջվող կարծրատիպային չափանիշները:  Բայց ի՞նչն է իրականում ինչ-որ մեկին գեղեցկացնում:

Իդեալական գեղեցկություն իրականում գոյություն ունի:

Ձեր կյանքում կարող եք անցնել միլիոնավոր մարդկանց կողքով, բայց տպավորվել միայն մի քանի դեմքերով: Հիանում եք որոշ մարդկանց տեսնելով, մի քանիսի մասին մոռանում եք անմիջապես գլուխը թեքելուց հետո, բայց գոյություն ունի գեղեցկության մի մակարդակ, որը դժվար թե անուշադրության մատնեք: Եվ դուք հարց եք տալիս ինքներդ ձեզ, թե ինչ սխալ եք գործել, որ նա դեռ ձեր կյանքում չէ:

Իդեալական դեմքը, ըստ էության, կախված է երկու կարևոր համամարդկային չափանիշներից. աչքերի և բերանի միջև ընկած ուղղահայաց հատվածը և աչքերի միջև ընկած կողային հատվածը պետք է հավասար լինեն: Ըստ Տորոնտոյի համալսարանի հետազոտողների` իգական սեռի ներկայացուցչի աչքի բիբերի միջև հեռավորությունը պետք է լինի ամբողջ երեսի 46 տոկոսը, իսկ աչքերի և բերանի հեռավորությունը պետք է լինի դեմքի մազագծի և կզակի միջև եղած հեռավորության 36 տոկոսը:    

Դուք ձախ կողմից ավելի գրավիչ եք

Պատրաստվո՞ւմ եք մեկնել մյուս տարվա Կաննի կինոփառատոնին:Չափազանց շատ լրագրողներ կլինեն և եթե ուզում եք իմանալ, թե նկարներում իդեալական տեսք ունենալու համար ինչ դիրքով պետք է կանգնել, հիշեք` ձեր մարմի ձախ կողմն ավելի գրավիչ տեսք ունի: Հետազոտողները խնդրել էին ուսանողներին գնահատել 10 իգական եւ 10 արական սեռի ներկայացուցիչների դիմանկարներ: Այն դիմանկարները, որոնք դեմքի ձախ կողմն էին ներկայացնում, մասնակիցներին ավելի շատ դուր եկան:

Այո՛, նա գրավիչ տեսք ունենալու համար անում է ավելին, քան դու

Երբևէ մտածե՞լ եք, թե ինչու է գեղեցիկ շիկահեր շվեդուհու տարեկան աշխատավարձն ավելի բարձր, քան ձերը: Մի պարզ պատճառով, որ նա գրավիչ է: Գեղեցիկ մարդկանցով շրջապատված լինելը շքեղություն է, որի համար տնօրենը պետք է վճարի: Բարետես մարդիկ մի ժամում վաստակում են 5 տոկոս ավելի շատ, քան ոչ այնքան գրավիչ իրենց գործընկերները: Սբ. Լուիս Դաշնային Բանկի կողմից 2005 թվականին իրականացրած հետազոտության համաձայն` բարձրահասակ բարեկազմ կանայք, որ բարետես են, որպես կանոն ավելի բարձր աշխատավարձ են վաստակում, քան նրանց ոչ այնքան բարետես գործընկերները:

Այդպես է մասամբ այն պատճառով, որ որոշ ֆիզիկական հատկանիշներ ազդում են այլոց պատկերացումների վրա, այսպիսով` պատճառ հանդիսանալով, որ գործընկերները զգան իրենց ինքնավստահությունն ու հաղորդակցության պարզ ոճը, որը խթանում է աշխատանքային արտադրողականությունը գրասենյակում:  

Գեղեցիկ մարդիկ ավելի երջանիկ են լինում

Գեղեցկության շնորհիվ ունեցած սոցիալական և ֆինանսական հաջողությունները մարդուն ինքնավստահություն են ներշնչում, որն էլ իր հերթին, բնականաբար, նրան դարձնում է ավելի երջանիկ: Իհարկե, չենք կարող հետևություն անել, որ միայն գեղեցիկ մարդիկ են երջանիկ, բայց նրանք հնարավոր է պարզապես ավելի շատ պատճառ ունենան երջանիկ լինելու համար: Ըստ Տեխասի համալսարանի տնտեսագետների` գեղեցկության հարաբերակցությունը երջանկության հետ մասամբ կապված է, այսպես կոչված, «տնտեսական օգուտների» հետ: Ավելի գրավիչ մարդիկ սովորաբար ավելի շատ գումար են վաստակում և ունենում են ավելի գրավիչ և շատ վաստակող ամուսիններ, քան նրանց ավելի քիչ գրավիչ գործընկերները:

Չափազանց գեղեցիկ լինելու վատ կողմը

Անչափ գրավիչ անձինք սովորաբար առաջացնում են նախանձի զգացողություն ենթագիտակցական մակարդակում: Մենք բոլորս էլ գիտենք, թե ինչքան հեշտ է գործից շեղվել գեղեցիկ կանանց շրջապատում աշխատելու ընթացքում. ավելի շատ ժամանակ ենք ծախսում նրանց, քան համակարգչի էկրանին նայելու վրա: Բայց գրավիչ լինելը կարող է լինել և լավ, և վատ նվեր: Գեղեցկության պատճառով մարդ կարող է զրկվել աշխատանքային և կրթաթոշակային հնարավորություններից:

Հոգեբան Մարիա Ագֆեն պարզել է, որ կրթաթոշակի համար դիմած բարետես շրջանավարտները ավելի քիչ հավանության են արժանացել գնահատող նույն սեռի ներկայացուցիչների կողմից: Հավանաբար նախանձի զգացողությունը չի թողնում արդար նկատառումներ անել, իսկ գեղեցկությունը կարող է մեզ այն սխալ համոզմանը բերել, որ տվյալ մարդիկ ունեն հիմար բարդույթներ: Ամեն դեպքում, մենք քննադատում ենք գեղեցիկն նույնքան, որքան հիանում ենք դրա գենետիկական կողմով:

Գրավիչ տղամարդիկ և կանայք ունեն ավելի բարձր IQ ցուցանիշ

Ուսումնասիրելով ակադեմիական ինտելեկտը և ֆիզիկական տեսքը ավելի քան 17.000 մարդկանց մոտ` մանկությունից մինչ վաղ հասունություն, Լոնդոնի տնտեսագիտական համալսարանի հետազոտողները պարզել են, որ Բրիտանիայում բարետես կանայք և տղամարդիկ ունեն միջինից մոտավոր 11.4-ով և 13.6-ով բարձր IQ մակարդակ:

Ջեյմս Դինի նման տխուր դեմք ընդունեք

Կանայք գտնում են, որ տղամարդիկ ավելի քիչ գրավիչ են, երբ ժպտում են, հակառակը կարելի է ասել կանանց մասին տղամարդկանց կարծիքի վերաբերյալ: Ինչպես գիտենք, բոլորն էլ սիրում ենք ժպտալ, Բրիտանական Կոլումբիա համալսարանի հետազոտողները գտնում են, որ կանայք տղամարդկանց ավելի քիչ գրավիչ են համարում, երբ նրանք ժպտում են, որովհետև երջանկությունը չի ասոցացվում առնականության հետ:  

Թվերի ուժը

Շրջապատի՛ր քեզ այլ կանանցով, որովհետև կանանց ավելի շատ գրավում են այն տղամարդիկ, ովքեր ցանկալի են այլ կանանց համար:  Գուցե սա մեծացնում է կնոջ` տղամարդու նկատմամբ ունեցած հետաքրքրությունը: Շոտլանդիայի Աբերդեն համալսարանի բրիտանացի հոգեբան Բենեդիկտ Ջոնսը մի փորձարկում է իրականացրել և պարզել, որ կանայք տարվում են այն տղամարդկանցով, ովքեր ցանկալի են կանանց շրջապատում: Սա հիմք է տալիս ենթադրելու, որ կանայք ցանկանում են, որ իրենց շրջապատի կանայք ևս հաստատեն իրենց ընտրությունը:

Երեխայի տեսքով մեծահասակ կանայք

Նոր Մեքսիկայի համալսարանի պրոֆեսոր Վիկտոր Ջոնստոունի հետազոտության համաձայն` գրավիչ կնոջը հատուկ հատկանիշներ առանձնացնելիս տղամարդիկ ընտրում են չափանիշներ, որոնք հատուկ են երիտասարդ աղջիկներին. ավելի քիչ հեռավորություն աչքերի և կզակի միջեւ և հաստ շրթունքներ:   

Սերը կուրացնում է

Տղամարդիկ անդադար փորձում են գրավել գեղեցիկ կանանց: Մենք ավելի հակված ենք փորձել ճանաչել գրավիչ մարդկանց անհատական հատկանիշները, քան ավելի քիչ գրավիչ մարդկանց հատկանիշները: Գիտնականները կարծում են, որ քանի որ մենք ավելի մեծ ուշադրություն դարձնում ենք գրավիչ մարդկանց, գուցե հետաքրքրասիրությունից, ռոմանտիկական հետաքրքրությունից կամ նրա հետ ընկերություն անելու ցանկությունից դրդված, մենք, այսպիսով, ավելի լավ ենք ըմբռնում նրանց անհատականությունը: