Մասնագիտական տոնի առթիվ պետական պահպանության գլխավոր վարչության ոչ մի ծառայող այս պահի դրությամբ պարգևավճար չի ստացել
BLOGԱշոտ Ահարոնյանը ֆեյսբուքյան իր էջում գրում է.
Հայելի.ամ կայքը <տեղեկատվություն> է տարածել, թե իբր ոստիկանության պետական պահպանության գլխավոր վարչության ծառայության աշխատակիցներին պարտադրվել է ոստիկանության օրվա առթիվ ստացած պարգևավճարից 40 հազար դրամ <մուծվել շեֆերին>:
<Տեղեկատվությունը> բացարձակապես չի համապատասխանում իրականությանը. ոստիկանությունը մասնագիտական տոնի առթիվ պետական պահպանության գլխավոր վարչության ոչ մի ծառայող այս պահի դրությամբ պարգևավճար չի ստացել:
Սա՝ <Հայելու> ապատեղեկատվությամբ թյուրիմացության մեջ ընկած քաղաքացիների համար, իսկ ինչ վերաբերում է կայքին, ապա կոչ ենք անում ստույգ տեղեկությունների համար դիմել բուն սկզբնաղբյուրին՝ ոստիկանություն: Այս լրատվամիջոցն արդեն բավական տարիք ունի, սակայն <ոստիկանական թեմաների> վերաբերյալ որևէ հարցում այս ընթացքում նրանցից չենք ստացել, ի տարբերություն համանման կայքերի, որոնցից ամեն օր այդ բնույթի տասնյակ հարցումներ ենք ստանում: Կարելի է գոնե գործընկերներից օրինակ վերցնել: