10 փաստ, որ հետաքրքիր է իմանալ

LIFE 28 July, 2015 20:50

Blognews.am-ը գրում է.

1 «Rays Sausage» ընկերությունը երշիկների արտադրության հոսքագիծը բարելավելու համար ծախսեց 20 հազար դոլար, քանի որ ընկերությանն անընդհատ բողոքներ էին գալիս արտադրանքի սարսափելի հոտի պատճառով։ Ի վերջո պարզվեց, որ սարսափելի հոտի պատճառը գործարանի հարևանությամբ ապրող սերիական մարդասպան Էնթոնի Սոուէլի զոհերի նեխած մարմիններն էին։

2 1912 թ-ին, երբ Հունաստանը պայքար էր մղում Օսմանյան կայսրության դեմ իր անկախության համար, թուրքական մի զորախումբ հայտնվեց շրջափակման մեջ հին Պարթենոնում։ Երբ թուրքերի մոտ ավարտվեցին փամփուշտները, նրանք սկսեցին ավիրել սյուները, որպեսզի միջի կապարի ձողերը հալեցնեն և փամփուշտներ ստանան։ Երբ հույները տեսան դա, շրջափակված հակառակորդին փամփուշտներ ուղարկեցին՝ երկտողով. «Ահա ձեզ զինամթերք, հանգիստ թողեք սյուները»։

3 Ձեռքբերովի անօգնականություն - սինդրոմ է, որը կարող է առաջանալ այն մարդկանց մոտ, ովքեր կործանիչ պարտության են մատնվել, անհաջողությունների շղթա են ունեցել կամ կորցրել են վերահսկողությունը իրավիճակի նկատմամբ։ Եթե նման սինդրոմով տառապողին ելք առաջարկես այդ իրավիճակից, նա չի օգտվի դրանից, կմնա իր համոզմունքին, որ ոչինչ հնարավոր չէ փոխել։

4 Ամերիկացի տիեզերագնացների պատրաստության կարևորագույն կետերից մեկը ռուսերեն լեզվի իմացությունն է։ Նրանք անհրաժեշտության դեպքում պետք է կարողանան կառավարել ՄՏԿ-ը՝ ռուսերեն լեզվող գրված ուղեցույցի միջոցով։

5 «Պոլտրգեյսթ» (1982) ֆիլմի նկարահանումների համար կազմակերպիչներն օգտագործել էին իրական կմախքներ, որովհետև դրանք ավելի էժան էին, քան պլաստմասից պատրաստվածները:

6 85-ամյա խորվատ Ֆրանե Սելակը ողջ մնաց երկաթուղային աղետից հետո, որը 17 մարդու կյանք խլեց, ապա ավիավթարից հետո, որից մահացավ 19 ուղևոր։ Դրանից հետո ավտոբուսը, որով նա գնում էր, ընկավ գետը. մահացավ չորս չորս հոգի, բայց Ֆրանեն ողջ մնաց։ Այս ամենին գումարենք այն, որ Սելակը ողջ մնաց երկու սարսափելի ավտովթարներից հետո, նրան խփեց ավտոբուսը, և նա քիչ էր մնում ընկներ բեռնատարի տակ։ Դյուցազներգության կուլմինացիան այն եղավ, երբ Ֆրանեն լոտո գնեց և հաղթեց։

7 «Մոխրոտիկ» հեքիաթի վիետնամական տարբերակի վերջում (Տամ-Կամ) գլխավոր հերոսուհին անդամահատում է չար քրոջը, դասավորում մարմնի մասերը կաթսայի մեջ, եփում է և ուղարկում խորթ մորը, որպեսզի նա ուտի այն։ Վերջինս մեծ ախորժակով ուտում է կերակուրը, մինչև որ կաթսայի հատակին չի տեսնում աղջկա գլուխը, որից հետո մահանում է շոկից։

8 Չուկոտկայի նահանգապետը լինելու ընթացքում (2000-2008 թ) Ռոման Աբրամովիչը տարածաշրջանի զարգացման համար 1,3 միլիարդ դոլար ծախսեց իր «գրպանից»։

9 Տիեզերքից վերադառնալուց նույնիսկ մի քանի ամիս անց շատ տիեզերագնացներ երբեմն բաց են թողնում իրերը՝ ենթագիտակցորեն սպասելով, որ դրանք գետնին չեն ընկնի, այլ կշարունակեն մնալ օդում, ինչպես անկշռության մեջ։

10 1140 թ-ին Գերմանիայի թագավոր Կոնրադ 3-ն առաջարկեց իր կողմից պաշարված ամրոցի բնակիչներին բաց թողնել բոլոր կանանց՝ խոստանալով, որ կխնայի նրանց կյանքը։ Նա նաև հայտարարեց, որ յուրաքանչյուր կին կարող է իր հետ վերցնել իր համար ամենաթանկ բաները, այնքան, ինչքան կարող է հետը տանել։ Թագավորն ապշեց, երբ ամրոցի դռները բացվեցին։ Կանայք իրենց նուրբ ուսերին դրած դուրս էին հանում իրենց վիրավոր ամուսիններին։ Կոնրադը պահեց իր խոստումը և թույլ տվեց նրանց հեռանալ։