Ինչու՞ «Օրանժը» հեռացավ Հայաստանից. ընկերության անկումը Եվրոպայում, Իսրայելում և այլուր

«Օրանժ» ապրանքանիշի վաճառքն ու ընկերության հեռանալը Հայաստանից բուռն քննարկումների առիթ հանդիսացավ: Քննարկվեց ցանկացած տարբերակ, բացի այն, որ վերջին տարիներին «Օրանժ»-ի համար այս կամ այն երկրից հեռանալը վատ բնավորություն է դարձել: Ընդ որում, խոսքը այնպիսի երկրների մասին է, ինչպիսիք են Շվեյցարիան, Իսրայելը և այլն:

Եվ այսպես, 2011 թվականին «Օրանժ»-ի բաժնետեր France Telecom-ը ազատվեց Շվեյցարիայում բջջային կապի օպերատորից: Ընկերությունը Orange Switzerland-ը վաճառել է 1,6 մլրդ եվրոյով: Որպես գնորդ է հանդես եկել Apax Partners-ը: Գործարքի գումարը կազմում էր 1,6 մլրդ եվրո: Գումարի մի մասը նախատեսված էր ուղղել բաժնետոմսերի հետգմանը: Orange Switzerland-ը հանդիսանում էր Շվեյցարիաում մեծությամբ երրորդ բջջային օպերատորը: Այն ուներ մոտ 12 հազար աշխատակից:
Ստորաբաժանումը վաճառվել էր բիզնեսվարման ռազմավարության վեանայման համատեքսում:

Այս տարի «Օրանժը», որոշել է հեռանալ նաև իսրայելական շուկայից: Այն բացատրվում է որպես տնտեսական պատճառներով «ամուսնալուծություն», սակայն հարցի էությունը դրանից չի փոխվում:  «Օրանժը» հեռանում է, որպեսզի դուր գա արաբներին, գրում է data24.co.il-ը, ովքեր դժգոհ են, որ ընկերությունը կապ ունi հրեաների հետ: 
Եվրոպացի իրավապաշտպաններին դա չի անհանգստացնում:
Նրանք դրանում ոչ մի ամոթալի բան չեն տեսնում:

«Օրանժ» ապրանքանիշի գոյությունը վերջին շրջանում այնքան է վտանգված, որ ընկերությունը ստիպված է վաճառել իր ակտիվները նաև Եվրոպայում: Այս տարվա սկզբին Գերմանական Deutsche Telekom-ն ու ֆրանսիական հեռահաղորդակցության օպերատոր «Օրանժը» Բրիտանական հեռահաղորդակցության BT խմբի հետ համաձայնություն են ձեռք բերել իրենց միասնական վենչուրային բաժնեմասը վաճառելու վերաբերյալ:

Գործարքից հետո Deutsche Telekom-ը կդառնա BT խմբի ամենախոշոր բաժնետերը՝ 12 % բաժնեմասով: Ընկերության ղեկավարությունը հույս ունի, որ միասնական հարթակն ավելի որակյալ ծառայություններ մատուցելու հնարավորություն կտա:

Եթե Եվրոպայում և Իսրայելում «Օրանժը» դուրս է մնում մրցակցությունից, հեռանում է կամ վաճառում է ակտիվները, ապա Հայաստանի նման երկրում ընկերության վնասով աշխատանքն ու վաճառքը դուրս չէ տրամաբանության սահմաններից: Ի վերջո, ընկերության վատ մենեջմենթի վերաբերյալ հարյուրավոր հրապարակումներ են եղել միջազգային մամուլում: Օրինակ 2008-2009 թվականներին պայթեց սկանդալ՝ Ֆրանսիայում ընկերության աշխատակիցների ինքնասպանության թվի կտրուկ աճի վերաբերյալ, որին 2013 թվականի սեպտեմբերին անդրադարձավ նաև BBC-ն:

2008 թվականից ի վեր՝ մինչև 2009 թվականը, ընկերության 23 աշխատակից է ինքնասպան եղել: Արհմիությունները դրանում մեղադրել են ընկերության որդեգրած կոշտ քաղաքականությունը: Անգամ ժամանակին Ֆրանսիայի աշխատանքի նախարար Քսավիեր Դարկոսն էր հանդիպել France Telecom-ի գործադիր տնօրեն Դիդիե Լոմբարդի հետ ու քննարկել ստեղծված իրավիճակը:

Այնպես որ, «Օրանժի» ճգնաժամի խորքային պատճառները դուրս են Հայաստանի սահմաններից և կապված են ընկերության անկման շարունակական տենդենցների հետ:

Անդրանիկ Բարսեղյան