Ճարպերը այրող 7 լավագույն մթերքները

LIFE 29 July, 2015 11:14

Փորձագետները նշել են այն մթերքները, որոնք լավագույնս արագացնում են մետաբոլիզմը՝ օգնելով մեր օրգանիզմին այրել ավելորդ ճարպերը:

1. Ամբողջական ձավարեղեն. Ամբողջական հատիկների մարսողության ժամանակ, ինչպիսիք են վարսակը կամ դարչնագույն բրինձը, օրգանիզմը այրում է երկու անգամ ավելի շատ կալորիաներ, քան մշակված հատիկների դեպքում, ինչպիսին է, օրինակ, սպիտակ բրինձը:

2. Սովորական միս. Սպիտակուցը ունի բարձր թերմոգեն էֆֆեկտ: Դրա յուրացման ժամանակ այրվում է ուտելիքի հետ օրգանիզմ մտնող կալորիաների 30 տոկոսը: Օրինակ, պետք է ծախսել մոտ 90 կալորիա հավի 300 կալորայի չափաքանակով մսի մարսողության համար:

3. Ոչ յուղոտ կաթնամթերք. Այս սննդամթերքը հարուստ է կալցիումով և D վիտամինով: Դա օգնում է պահպանել և ավելացնել մկանային զանգվածը, որը անհրաժեշտ է հուսալի նյութափոխանակության համար:

4. Կանաչ թեյ. Փորձարկման արդյունքում հաստատվել է, որ օրական կանաչ թեյի 4 բաժակը օգնել է մարդկանց ազատվել 2.5 կիլոգրամից 8 շաբաթվա ընթացքում: Այդ ամենը` շնորհիվ գալլատ էլիգալլոկատեխինի, որը պարունակում է կանաչ թեյը: Այն արագացնում է նյութափոխանակությունը: Ավելորդ քաշից ազատվելու համար անհրաժեշտ է պահել կանաչ թեյով տարա սառույցով կամ եփել թարմ կանաչ թեյ ու խմել օրական 4 բաժակ:

5. Ոսպ. Ըստ վիճակագրական տվյալների, երկաթի պակասությունը առկա է մարդկանց 20 տոկոսի մոտ: Ոսպը պարունակում է մեծ քանակությամբ երկաթ և այդ առումով անփոխարինելի սննդամթերք է: Եթե մարդուն չեն հերիքում սննդարար միջոցները, ապա դա բերում է մետաբոլիզմի դանդաղեցման, ինչն էլ առաջացնում է ավելորդ քաշ:

6. Կծու պղպեղ. Կապսաիցինը, որը պղպեղին հաղորդում է կծու համ, տաքացնում է մարմինը` ստիպելով այրել լրացուցիչ կալորիաներ: Այս տարրը կա հում, եփած, չորացրած կամ փոշիացրած պղպեղի մեջ, այդ պատճառով ավելացրեք այնքան, որքան կարող է դիմանալ ձեր օրգանիզմը: Դա կարագացնի նյութափոխանակությունը:

7. Կոճապղպեղ. Կոճապղպեղի ազդեցությունը օրգանիզմի վրա նման է պղպեղի ազդեցությանը, այն նույնպես տաքացնում է մարմինը՝ այրելով կալորիաները: Կոճապղպեղը կարելի է ավելացնել ինչպես մսեղենի և ձկնեղենի, այնպես էլ քաղցրավենիքի և հյութերի վրա: Օրինակ, կոճապղպեղով թեյը հիանալի միջոց է առողջության պահպանման և նյութափոխանակության կայունացման համար:

Օգտագործելով սննդամթերքի վերոնշյալ տեսակները` կարելի է կարգավորել նյութափոխանակությունը և խուսափել ավելորդ քաշից: Պետք է պարզապես հաշվի առնել նաև սեփական առողջությունը և այս մթերքների հետ կապված հակացուցումները: