Երկրորդ լեդիները. քաղաքական գործիչների ամենահայտնի սիրուհիները

Քաղաքական գործիչներին ևս հասու են մարդկային թուլությունները,-հայտնում է Past.am-ը: Այլ հարց է, որ նրանց դավաճանությունը թանկ կարող է նստել ոչ միայն սեփական ընտանիքի վրա, այլև ամբողջ պետության: Չնայած, միշտ էլ կգտնվեն համարձակ կանայք, ովքեր պատրաստ են ռիսկի դիմել քաղաքականության գագաթը նվաճած անձանց հետ հանդիպելու համար:

1. Մոնիկա Լևինսկի ու Բիլ Քլինթոն

Սպիտակ տան 22-ամյա ստաժոր Մոնիկա Լևինսկու սիրային կապը տևեց երկու տարի: Արդյունքը՝ Քլինթոնը հազիվ խուսափեց իր քաղաքական կարիերայի կրախից, իսկ Լևինսկու կյանքը՝ ընթացավ ոչ այն հունով, որով պետք էր: «Օր չի եղել, որ ես չմտածեմ այդ սարսափելի սխալի մասին: Ես այնքան եմ զղջում այն բանի համար, ինչ տեղի է ունեցել»,- ավելի ուշ խոստովանել է Մոնիկան: Նրանց սիրային կապի մասին հայտնի դառնալուց հետո նա վերածվեց ծաղրի առարկայի: Հանգիստ կյանքի մասին խոսք անգամ չէր կարող գնալ: Մեկ այլ կին այդ սկանդալի ֆոնին կարող էր գումար վաստակել: Նրան մինչև 10 մլն դոլար էին խոստանում մանրամասները բացահայտելու համար, սակայն Մոնիկան այդ քայլին չգնաց: Նա մեկնեց Եվրոպա սովորելու, ստացավ հոգեբանի դիպլոմ, սակայն վերադառնալուց հետո չէր կարողանում աշխատանք գտնել՝ ամենուր մերժում էին:

Նա 17 տարի լռություն էր պահում ու ամիսներ առաջ խոսեց, երբ զբաղեցրեց Bystander Revolution հիմնադրամի խորհրդականի պաշտոնը, որը օգնում է վիրտուալ ծաղրուծանակի ենթարկված զոհերին, խաբված անձանց: «Ինչ-որ ժամանակ ես էի վերածվել թիրախի՝ հրապարակային ստորացումների համար, ու դիմացա: Ես գիտեմ, թե դա ինչ է»,- ասել է Լևինսկին:

2. Մերիլին Մոնրո և Ջոն Քենեդի

6-ամյա սիրավեպը սենատորի, իսկ հետո նաև ԱՄՆ նախագահ Ջոն Քենեդու հետ, որը սկսվել էր որպես սեքս-ինտրիգ, Մոնրոյի համար վերածեց բասկոտբոլիստ Ջո Դի Մաջիոյից ամուսնալուծությամբ, կորցված տարիներով ու պատրանքների հօդս ցնդելով: Վստահ, որ Քենեդին իր հանդեպ լուրջ է տրամադրված, Մերիլինը իրենց կապի մասին պատմեց Ժակլին Քենեդուն:

Իսկական առաջին տիկինը արձագանքեց արժանապատվորեն: Երբ Մոնրոյին պարզ դարձավ, որ ինքը հարկավոր չէ Քենեդուն, սկսեց զանգել, նյարդայնանալ, զզվացնել: Դաշնային հետաքննությունների բյուրոյի ղեկավար Հուվերը առաջարկեց ԱՄՆ նախագահին, որ դերասանուհու հետ սկսի հանդիպել եղբայրը՝ Ռոբերտը: Պատմությունը սկսեց կրկնվել: Մոնրոն սկսեց հիմա էլ փչացնել վերջինիս կյանքը:

Դրանից հետո նա մահացավ ••• Ասում են՝ ինքնասպան եղավ:

3. Սիլվիա Կրիստել ու Վալերի Ժիսկար դ’Էստեն

«Էմանուելա» էրոտիկ ֆիլմի աստղի հարաբերությունները Ֆրանսիայի ամուսնացած նախագահի հետ աժիոտաժ չէին առաջացնում: Բոլորը այդ զույգին ընդունում էր այնպես, կարծես այդպես էլ պետք է լինի: Բանն այն է, որ նրանք ծանոթացել էին մինչ դ’Էստենի նախագահ դառնալը: Կրիստելը չէր թաքցնում իրենց կապը: Նա հայտնվում էր դիվանագիտական ընդունելություններին ու անգամ ուղեկցում էր նախագահին ուղևորությունների ժամանակ:

Այնուհետև Ժիսկարի ադմինիստրացիայում հայտնվեց հատուկ մարդ, որը նրան ծանոթացնում էր գեղեցիկ դերասանուհիների հետ: Սիլվիային ժամանակ չէր մնում, ու արդյունքում՝ այդ բազմամյա կապը ընդհատվեց:

4. Ֆրանսուա Միտերան ու Անն Պենժո

Օրինապահ, ընտանիքասեր Միտերանը, ինչպես հայտնի դարձավ նրա մահից հետո, սարսափելի կնամոլ էր: Ազատ երեկոյի ստանդարտ սցենարը ներառում էր այց 3 կնոջ, որպես օրենք՝ ամեն անգամ նոր: Ընդ որում՝ Միտերանը ուներ երկու ընտանիք՝ պաշտոնական՝ կինն ու երկու որդիները ու զուգահեռ ընտանիք՝ սիրուհին՝ Անն Պենժոն ու իրենց ընդհանուր դուստրը: Նա իր երկրորդ ընտանիքը ավելի շատ էր սիրում ու հաճախ էր նրանց հետ ժամանակ անցկացնում, քան օրինական կնոջ: Հետաքրքիր է, որ նրա երկու ընտանիքն էլ ապրում էր Ելիսեյան պալատում:

5. Ֆրանսուա Օլանդ և Ժյուլի Գայե

Ֆրանսիայի գործող նախագահը իր սիրավեպը դերասանուհու հետ լավ թաքցնում էր, մինչև պատահաբար չբռնվեց: Լրագրողները նրան բռնացրին 2014թ. հունվարին, երբ Օլանդը իր մոտոռոլլերը կայանում էր Գայեի տան մոտ: Պարզվեց, որ նրանք արդեն 3 տարի միասին էին:

Զույգը սկսեց նորից հանդիպել, երբ Վալերի Տրիերվեյլերը հեռացավ Օլանդից: Վերջինս գիրք գրեց Ֆրանսիայի նախագահի ու իր մասին՝ «Շնորհակալություն պահի համար» մեմուարները, որը դարձավ բեսթսելլեր ու կնոջը հարստացրեց 2 մլն եվրոյով: