Կանաչ թեյ. Նիհարելու հրաշագործ միջո՞ց , թե՞ օրգանիզմի թշնամի

Blognews.am-ը գրում է.

Կանաչ թեյի օգտակարության մասին հայտնի է դեռ վաղ ժամանակներից: Հարյուրավոր տարիներ այն որպես բալասան է օգտագործվել ամենատարբեր հիվանդությունների  դեմ: Ժամանակակից բուսաբուժությունն ու գիտությունը ևս հավաստում են կանաչ թեյի հրաշագործ հատկությունների մասին: Ի՞նչ է իրենից ներկայացնում կանաչ թեյը և արդյո՞ք այն կարող է վնասել մեր օրգանիզմը՝ BlogNews-ն այսօր կփորձի պատասխանել բոլոր հետաքրքրող հարցերին:

Կանաչ թեյի այդչափ օգտակարության գաղտնիքը կայանում է նրա մեջ պարունակվող քիմիական տարրերի մեջ: Թեյի բաղադրության մեջ մտնում է , ուշադրություն, շուրջ  500 տարր՝ ներառյալ կալցի, ֆոսֆոր, մագնեզիում, ֆտոր և այլն, 450 տեսակի օրգանական միացություններ՝ ներառյալ սպիտակուցներ, ճարպեր և գրեթե վիտամինային բոլոր խմբերը: Կանաչ թեյն իր հրաշագործի փառքի համար պարտական է իր մեջ պարունակվող ալկոլոիդներին, ածխաջրերին ու պոլիֆենոլներին: Այս պահից ավելի մանրամասն.

Ալկոլոիդներ. Կանաչ թեյի գլխավոր և հիմանական ալկոլոիդը կոֆեինն է, որի շնորհիվ թեյն ըմպելուց հետո մենք մեզ ավելի թարմ, առույգ  ու սթափ ենք զգում: Կանաչ թեյի մեջ կոֆեինը զուգակցված է և կրում է «թեին» անունը: Այն խթանում է ֆիզիկական և մտավոր ակտիվությունը, բայց և միաժամանակ ունի ավելի բարերար ազդեցություն, քան մաքուր տեսքով կոֆեինը:

Ածխաջրեր.կանաչ թեյը պարունակում է 4-7 % միկրո և մակրո էլեմենտներ, որոնք անհրաժեշտ են օրգանիզմի բոլոր օրգան  համակարգերի նորմալ կենսագործունեության համար:

Պոլիֆենոլներ.Առայսօր գիտնականները դեռ ուսումնասիրում են պոլիֆենոլների հնարավորությունները, սակայն մի բան պարզ է հստակ՝ պոլիֆենոլները բարերար  ազդեցություն ունեն մեր օրգանիզմի համար և հրաշալի կանխարգելիչներ են սրտանոթային և ուռուցքային տարբեր հիվանդությունների դեպքում:

Կանաչ թեյը իջեցնում է արյան ճնշումը, ուստի այն ցուցված է հիպերտոնիկներին: Իսկ ահա ստամոքսի հիվանդությունների դեպքում կանաչ թեյը խստիվ արգելվում է:

Կանաչ թեյի օգտակարությունը պայմանավորված է նաև այն պատրաստելու ձևից  և ճիշտ օգտագործումից: Կանաչ թեյը չի կարելի ըմպել քաղցաց վիճակում՝ անգամ եթե դուք այն ըմպում եք նիհարելու նպատակով, այլապես դուք շատ կարճ ժամանակահատվածում ստամոքսի խոց կարող եք վաստակել, որովհետև կանաչ թեյի հզոր բաղադրությունը կվնասի ձեր դատարկ ստամոքսի լորձաթաղանթը: Իսկ ահա ուտելուց հետո օգտագործվածկանաչ թեյը հրաշալի կերպով կարագացնի ձեր նյութափոխանակությունը ու դուք ավելորդ քաշի խնդիր չեք ունենա: կանաչ թեյի արդյունավետության  օրվա լավագույն ժամանակահատվածը 12-19 հատվածում ընկած ժամերն են: Կանաչ թեյն ու ալկոհոլը երբեք մի զուգակցեք և երբեք մի ընդունեք դեղորայքի հետ զուգահեռ, որովհետև այդկեպ թեյը թույլ չի տա, որ դեղն ազդի ձեր օրգանիզմի վրա:

Եվ չնայած իր այսչափ օգտակարությանը՝ կանաչ թեյը հակացուցվում է հետևյալ դեպքերում.

Եթե մարդը տառապում է նյարդային խանգարումներով: Բանը նրանումն է, որ կոֆեինը ակտիվացնում է օրգանիզմը, իսկ վերոհիշյալ մարդկանց մոտ դա կարող է անքնության և նույնիսկ  բռնկումների պատճառ դառնալ: Այդ իսկ պատճառով նման խնդիրներ ունեցող մարդիկ պետք է խուսափեն կանաչ թեյից՝ առավել ևս երեկոյան ժամերին: Կանաչ թեյը հակացուցված է նաև անքնությամբ, հաճախասրտությամբ և գերակտիվությամբ տառապող մարդկանց:

Կանանց համար կանաչ թեյ օգտագործելու սահմանափակումները հետևյալն են: Չի կարելի այն օգտագործել ցիկլի, հղիության, ծննդաբերությունից առաջ և հատկապես կրծքով կերակրելու ժամանակ:

Թեյը պատրաստում ենք հետևյալ կերպ: լցնում ենք թեյի թերթիկները թեյնիկի մեջ ապա ավելացնում եռման ջուրն ու փաթաթելով սրբիչով և տեղավորելով երեխաների համար անհասանելի մի անկյունում՝ թողնում ենք որ այն թրմվի:

Եվ ամենակարևորը, կանաչ թեյը պետք է ըմպել թրմելուց 10 րոպե հետո մեկ ժամվա ընթացքում: Սա այն օպտիմալ ժամանակահատվածն է, երբ թեյը պարունակում է իր օգտակար նյութերի ողջ  ներկապնակը: Հաճելի թեյախմություն  ձեզ և առողջ եղեք: