Ամենահարուստ աղջիկները` ըստ Forbes-ի. լուսանկարներ

PHOTO 3 June, 2016 16:51

Wnews.am-ը գրում է.

Forbes հեղինակավոր ամսագիրը հրապարակել է ԱՄՆ-ի ամենահարուստ գործարարների ցանկը, որը գլխավորում է 69-ամյա Դայանա Հենդրիքսը՝ ABC Supply շինարական ընկերության ղեկավարը։ Նրա ունեցվածքը գնահատվում է 4,9 մլրդ դոլար։ Վարկանիշային ցանկում 60 կին է, նրանցից 17-ի ունեցվածքը գերազանցում է միլիարդ դոլարը։ Ցուցակը եզրափակում է երիտասարդ երգչուհի Թեյլոր Սվիֆթը. 26-ամյա երգչուհու ունեցվածքը գնահատվում է 250 մլն դոլար։

Wnews.am-ը ներկայացնում է ԱՄՆ-ի ամենահարուստ երիտասարդ կանանց, ովքեր տեղ են գտել Forbes-ի վարկանիշային ցուցակում։

1-TASS_12667449

Թեյլոր Սվիֆթը վերջին տարիներին ԱՄՆ-ի ամենահայտնի փոփ իկոնաներից է։ Նրա վերջին ձայնասկավառակը՝ 1989-ը, որը թողարկվել է 2014 թվականին, դարձել է իսկական բեսցելեր՝ վաճառվելով 3,6 մլն տպաքանակով։ Իսկ Wildest Dreams սինգլը գրավել է ամբողջ աշխարհը։ Նա մեկ համերգի դիմաց ստանում է 4 մլն դոլար։

2-RTR3REXD

Սոֆիա Ամորուզո. 32-ամյա Սոֆիայի ունեցվածքը գնահատվում է 280 մլն դոլար։
2006-ին բժիշկները Սոֆիայի մոտ ճողվածք հայտնաբերեցին, որն անհապաղ հեռացման կարիք ուներ, սակայն նա բժշկական ապահովագրություն չուներ, այդ պատճառով էլ աշխատանքի ընդունվեց տեղի քոլեջում, որտեղ մուտքի մոտ ստուգում էր ուսանողների հավատարմագրերը։ Ազատ ժամանակ նա առաջ էր տանում Ebay-ի իր էջը, որտեղ վաճառում էր ասեղնագործ իրեր։ Պարզվեց, որ այդպիսով կարելի է գումարներ վաստակել։ Երկու տարի անց Սոֆաին բացեց իր սեփական կայքը՝ Nasty Gal, որտեղից հենց առաջին օրը գնորդները ձեռք բերեցին բոլոր վաճառվող իրերը։ Nasty Gal-ն օրեցօր աճում է։ Ամուրոզոն ԱՄն-ի հաջողակ բիզնես-կանանց ցուցակում զբաղեցնում է 53-րդ հորիզոնականը։

3-TASS_15661075

Բեյոնսե. 34-ամյա երգչուհու կարողությունը գնահատվում է 265 մլն դոլար։

2014-ին Բեյոնսեն ամուսնացավ ռեփեր եւ պրոդյուսեր Jay-Z-ի հետ եւ On The Run-ի շրջանակներում ունեցավ 19 համերգ։ Համերգային շոուներով նա վաստակեց 100 մլն դոլար։ Բեյոնսեն ունի նաեւ գովազդային պայմանագրեր Pepsi եւ L’Oréal ընկերությունների հետ, ինչպես նաեւ սեփական բիզնես նախագծեր, որոնց թվում են հագուստի եւ սեփական կոսմետիկայի արտադրությունը։ Նրա նոր Lemonade ալբոմը հայտնի է ամբողջ աշխարհում։

4-TASS_14725165

Ջեսիկա Ալբա. 35-ամյա հայտնի դերասանուհու ունեցվածքը գնահատվում է 340 մլն դոլար։ Դերասանուհին իր բիզնես գործունեությունը սկսել է բնական բաղադրիչներով պատրաստված տակդիրների արտադրությամբ։ Այսօր նրա The Honest Company-ն աճում է արագ տեմպերով, իսկ Ալբան շարքային համակրելի դերասանուհուց վերածվել է իսկական բիզնես լեդիի։

5-TASS_5459786

Մարիսսա Մայեր. 41-ամյա Մարիսայի ունեցվածքը գնահատվում է 430 մլն դոլար։ Նա գործունեություն է ծավալում IT ոլորտում։ Չնայած Մայերի անձնական կարողության մեծ մասը Google-ում 13-տարվա աշխատանքի արդյունք է, նա դարձել է ԱՄՆ-ի ամենաբարձր վարձատրվող թոփ մենեջերներից մեկը հենց որպես Yahoo-ի գլխավոր տնօրեն, երբ նրա աշխատավարձը բարձրացել է 69% եւ հասնում է 42 մլն դոլարի։