Կայացել է «Հայաստան-Վրաստան տարածքային համագործակցության ծրագրի» համատեղ կառավարման կոմիտեի նիստը

 ՀՀ տարածքային կառավարման և զարգացման նախարարի առաջին տեղակալ Վաչե Տերտերյանն հունիսի 3-ին Դիլիջանում մասնակցել է  «Հայաստան-Վրաստան տարածքային համագործակցության ծրագրի»  համատեղ կառավարման կոմիտեի (ՀԿԿ) նիստին, որի ընթացքում քննարկել են ծրագրի իրականացման առաջին արդյունքներն ու նվաճումները: Նիստին մասնակցել են նաև Վրաստանի տարածաշրջանային զարգացման և ենթակառուցվածքների նախարար  Թենգիզ Շերգելաշվիլին,  ԵՄ Հայաստանի պատվիրակության ղեկավար Պյոտր Սվիտալսկին, ԵՄ Արևելյան գործընկերության տարածքային համագործակցության (ԱԳՏՀ)  աջակից  ծրագրի փորձագիտական խմբի ղեկավար Ալեքսեյ Սեկարևը, Աջակից ծրագրի ղեկավար մարմնի` GIZ-ի թիմի ղեկավար Էրկ Ռոելոֆսը: Այս մասին «Արմենպրես»-ին տեղեկացրին ՀՀ տարածքային կառավարման և զարգացման նախարարության հասարակայնության հետ կապերի բաժնից՝ հավելելով. «Հայաստան-Վրաստան տարածքային համագործակցության ծրագի րն իրականացվում է  2015 թվականից Եվրոպական միության ֆինանսավորմամբ,  և նպատակ ունի  խթանել միջսահմանային շփումը ՏԻՄ-երի,  համայնքների և քաղաքացիական հասարակությունների միջև, մասնավորապես, Հայաստանի Լոռու, Շիրակի, Տավուշի մարզերում և Վրաստանի Քվեմո-Քարթլի շրջանում՝ ընդհանուր սոցիալ-տնտեսական մարտահրավերները հաղթահարելուն ուղղված համատեղ լուծումներ մշակելու շրջանակներում:

«Հայաստան-Վրաստան միջսահմանային համատեղ նախագծերը կարևոր քայլ են տեղական մակարդակումտնտեսական և սոցիալական զարգացման և այդ հարցերում հասարակության ներգրավվածության բարձրացմանուղղությամբ», - ողջունելով նիստի մասնակիցներին՝ նշել է ՀՀ ՏԿԶՆ առաջին տեղակալ, Հայաստան-Վրաստանտարածքային համագործակցության ծր ագրի ՀԿԿ նախագահ Վաչե Տերտերյանը:

Վրաստանի տարածաշրջանային զարգացման և ենթակառուցվածքների նախարար Թենգիզ Շերգելաշվիլիիգնահատմամբ՝ դրամաշնորհային նախագծերի ամենակարևոր նվաճումներից մեկը փոխադարձ շփումն է և կազմակերպությունների միջև սերտ համագործակցությունը: «Ծրագրի մասնակիցները նպատակ ունեին ստեղծելխաղաղության, վստահության և համագործակցության ընկերական մթնոլորտ», - ասել է նախարարը:  

Ծրագրի շրջանակներում ստեղծվել են 10 միջսահմանային համագործակցության նախագծեր, որոնք ներառում են Հայաստանից և Վրաստանից 33 կազմակերպություն: Նախագծերը միտված են լուծելու տարածաշրջանային զարգացմանն ուղղված տարաբնույթ խնդիրներ, մասնավորապես՝ խթանել տնտեսական զարգացումը, գրավել ներդրողներ Վրաստանի Քվեմո-Քարթլի շրջան և Հայաստանի Տավուշի մարզ, նորարարական զբոսաշրջային ուղիներ մշակել, իրականացնել  Վրաստանի Սամցխե-Ջավախեթի և Հայաստանի Շիրակի մարզի բնական ռեսուրսների պահպանմանն ուղղված ծրագրեր: Հատուկ ուշադրություն է հատկացված երի տասարդների խնդիրներին, այդ թվում՝ քաղաքացիական հասարակության կրթությանը, երիտասարդների զբաղվածությանը, ինչպես նաև Գյումրիի ու Բոլնիսիի դեռահասների միջև հաղորդակցության խթանմանը:

«Հայաստան-Վրաստան տարածաշրջանային համագործակցության ծրագիրը խթանում է հարևան համայնքներիընկերական հարաբերությունները և համագործակցությունը գյուղատնտեսության, զբոսաշրջության, բիզնեսի,շրջակա միջավայրի պահպանման, կրթության, մշակույթի ու սպորտի ոլորտներում», - նշել է ԵՄ ԱԳՏՀ աջակիցծրագրի փորձագիտական < b>խմբի ղեկավար Ալեքսեյ Սեկարևը:

Աջակից ծրագրի ղեկավար մարմնի` GIZ-ի թիմի ղեկավարը Էրկ Ռոելոֆսը նիստի ընթացքում կարևորել է, որ ծրագրային առաջնահերթությունների, մասնակից կազմակերպությունների և մնացած բոլոր հարցերի շուրջ որոշումներն ընդունվել են միասնականորեն հայ և վրացի գործընկերների կողմից: «Այսօր մենք այստեղ ենք` քաղելու համագործակցությանառաջին պտուղներն ու ականատես լինելու մասնակիցների առաջին հաջողություններին,- շեշտել է նա: