Անասելի կարոտել եմ ամուսնուս. Արևիկ Ալավերդյան

Life.panorama.am- ը գրում է.

Գրեթե մեկ տարվա բացակայությունից հետո երգչուհի Արևիկ Ալավերդյանը կրկին Երևանում է, կամ ինչպես ինքն է ասում՝ կրկին տանն է: Life.panorama.am-ի հետ զրույցում փարիզաբնակ երգչուհին պատմել է, որ Երևանում անցկացրած օրերը կայծակնային արագությամբ են թռչում, իսկ զարմուհիների հետ հանդիպումը Արևիկի համար պարզապես աներևակայելի է եղել.

«Արդեն մեկ շաբաթից ավելի է, ինչ տանն  եմ, բայց ժամանակն այնպես է թռչում, որ տպավորություն է, թե երեկ եմ եկել: Մոտ մեկ տարի չէի եկել Հայաստան ու շատ էի կարոտել բոլորին ու ամեն ինչին»,- պատմեց Արևիկն ու նկատեց, որ այս անգամվա այցին յուրահատուկ էր սպասում, քանի որ պետք է ծանոթանար քրոջ և եղբոր երեխաների հետ.

«Այս անգամ էլ ավելի անհամբեր էի սպասում Երևան այցիս, քանի որ առաջին անգամ պետք է տեսնեի քրոջս 8 ամսական աղջկան և եղբորս 4 տարեկան դստերը, ով բոլորովին վերջերս է ԱՄՆ-ից եկել Հայաստան, և տատիկ-պապիկի հետ անձամբ էր եկել օդանավակայան՝ հորաքրոջը դիմավորելու: Պետք է ասեմ, որ նրանց հետ հանդիպումն ու ծանոթությունն ուղղակի աննկարագրելի էր: Անուշիկի աղջիկը, երբ առաջին անգամ տեսավ ինձ, սկսեց ժպտալ, նա առհասարակ շատ ժպտերեսիկն է, մարդամոտ, իսկական հրաշք մարդուկ է»,- նկատեց երգչուհին:

Արևիկ Ալավերդյանը Երևանում մեկ ու կես ամիս կանցկացնի, որի ընթացքում ոչ միայն կվայելի հանգիստն, այլև ֆոտոշարքեր կիրականցնի.

«Տեղի լուսանկարիչների հետ մի քանի ֆոտոշարք պետք է իրականացնեմ, բայց անկեղծ ասած դեռևս ժամանակս չեմ կարողանում բաշխել աշխատանքի համար, քանի որ ողջ օրս անցկացնում եմ երեխաների հետ՝ տարբեր մանկական ժամանցայի կենրտոններ հաճախելով: Այս ըհնթացքում հասցրել եմ արդեն տեսնել ընկերուհիներիս ու լավ ժամանակ անցկացնել նաև իրենց հետ: Հուսամ՝ այս մեկ ու կես ամիսը շատ լավ կանցնի, կլիցքաթափվեմ ու կմեկնեմ Փարիզ, բայց այնտեղ երկար չեմ մնա, քանի որ ես ու ամուսինս նախատեսում ենք արդեն միասին կրկին վերադառնալ Հայաստան»:

Ի դեպ՝ Արևիկը նկատեց նաև, որ որքան էլ սիրում է Երևանն ու մեծ կարոտով է վերադարձել հարազատ երկիր, միևնույն է՝ ամուսնու նկատմամաբ կարոտը ևս մեծ է ու դժվարանում է նրանից երկար ժամանակով հեռու գտնվել.

«Ամուսնուս հետ շատ կապված ենք, Փարիզում միասին շատ ժամանակ ենք անցկացնում, հիմա անասելի կարոտել ենք իրար, միաժամանակ հեռավորությանը երկուսս էլ սովոր ենք, քանի որ մինչ ամուսնանալը մեր հարաբերությունները զարգանում էին մեծ մասամբ հենց հեռավորության վրա: Ժամանակն արագ է անցնում, այդ իսկ պատճառով, կարծում եմ, երկուսիս համար էլ բաժանումը երկար չի տևի»: