Նաիրա Զոհրաբյանը ոչ միայն ԱԺ ամենապատասխանատու քվեարկություններից է հանկարծակի բացակայում, այլև իր մասնակցությամբ հրապարակային դատական նիստերից
BLOGԳևորգ Պետրոսյանը ֆեյսբուքյան իր էջում գրում է.
ՆԱԻՐԱ ԶՈՀՐԱԲՅԱՆԸ ՉԿԱՐ...
Այսօր Նաիրա Զոհրաբյանն ակամայից ինձ հիացրեց: Նա գուցե իր կյանքում առաջին անգամ չհայտնվեց այնտեղ, որտեղ ասելիք չուներ: Գար, որ ինչ? աներ, Դատարանն էլ հո այն վայրը չէ, որտեղ պճնանքի առարկաները խոսեն իրենց տերերի փոխարեն... Ինչպես? պետք է հիմնավորեր իր ապօրինությունը: Փաստաբան էլ չկար... Դե իրավաբանության այբուբենին տիրապետող ցանկացած ոք կհասկանա, որ այնտեղ ասելիք չկա... Օրն այսպես տխուր էլ անցավ` առանց Զոհրաբյանի, առանց նրա փայլի... Փաստորեն, Նաիրա Զոհրաբյանը ոչ միայն ԱԺ ամենապատասխանատու քվեարկություններից է հանկարծակի բացակայում, այլև իր մասնակցությամբ հրապարակային դատական նիստերից:
Նիստը հետաձգվեց, քանի որ դատարանը չուներ Նաիրա Զոհրաբյանի պատշաճ ծանուցված լինելու փաստը հաստատող ապացույց: Մեր քաղաքի խոսուն դեմքերից միայն Նժդեհի արձանը չգիտեր այսօրվա նիստի օրվա ու ժամի մասին, մեկ էլ, փաստորեն, Նաիրա Զոհրաբյանը...
Ինչ արած. մնում է սպասել ու տեսնել, թե որքան է արդարադատությունից խորշելու օրինականության երդվյալ ջատագով, իրավակարգի ինքնամոռաց պաշտպան, օրինահնազանդության կենդանի ռահվիրա, կոնստիտուցիոնալիզմի անխոնջ պահապան և, ամենակարևորը, Հայաստանի թիվ 1 ընդդիմադիր գործչուհի Նաիրա Զոհրաբյանը...