6 մթերք, որոնք կօգնեն մաքրել օրգանիզմն աղերից

LIFE 24 June, 2016 22:41

Shabat.am-ը գրում է.

Այս մթերքներն իրավմամբ անվանում են հրաշագործ ու կախարդական, ընդ որում ոչ միայն ժողովրդական, այլ նաև ավանդական բժշկության մեջ։ Դրանց գործածության դեպքում արդյունքները պարզապես ապշեցուցիչ են։

Այս սննդամթերքների բուժիչ հատկությունների հիմնական գաղտնիքն ու առավելությունը օրգանիզմը առողջության համար վտանգավոր աղերից մաքրելու ունակությունն է։

Ձեզ ենք ներկայացնում սննդամթերքների մի շարք, որոնք կօգնեն ձեզ մաքրել օրգանիզմը թունավոր նյութերից, իսկ պարբերաբար բուժման դեպքում ամբողջությամբ կվերականգնեն նյութափոխանակության գործընթացները։

1. Կարտոֆիլը, օսլայի մեծ պարունակության շնորհիվ, հանդիսանում է թունավոր նյութերի եզակի կլանիչ, որն օգտագործվում է նաև թունավորումների ժամանակ։ «Կլանելով» վնասակար նյութերը, օսլան դուրս է բերում դրանք օրգանիզմից։ Կարտոֆիլի կլանիչ հատկությունները ուժեղացնելու համար անհրաժեշտ է եփել այն առանց կեղևազրկելու, որպեսզի հնարավորինս շատ օսլա պահպանվի։

2. Ճակնդեղն ակտիվացնում է մարսողության գործընթացը, սակայն նրա ամենաարժեքավոր առանձնակատկությունը օրգանիզմը ծանր մետաղներից բնական ուղիներով մաքրելու հատկությունն է։

3. Լամինարիան հարուստ է ալգինատներ կոչվող հատուկ միացություններով, որոնք չեզոքացնում են թունավոր նյութերը՝ զրկելով նրանց վնասակար հատկություններից, և նպաստում են օրգանիզմից դրանց դուրսբերմանը։

4. Դափնու տերևներն արդյունավետ կերպով մաքրում են օրգանիզմը ավելորդ աղերից։

Պատրաստման եղանակը. 5գ դափնու տերևների վրա լցնել 300գ եռացրած ջուր, եռացնել և փողնել թույլ կրակի վրա ևս 5 րոպե։ Այնուհետև լցնել թերմոսի կամ թեյնիկի մեջ, թողնել 3-4 ժամ թրմվի և քամել։

Օգտագործման եղանակը. թուրմն անհրաժեշտ է խմել փոքր կումերով` բաշխելով ամբողջ քանակությունը 12 ժամվան համապատասխան։ Բուժման կուրսի տևողությունն է 3 օր։

Ուշադրությո՛ւն։ Դափնու տերևների թուրմով իրականացվող բուժումը հակացուցված է լյարդի, ստամոքսի կամ միզուղիների համակարգի հիվանդությունների դեպքում։ Բացի այդ, այս միջոցն անհրաժեշտ է զգուշորեն ընդունել նաև սրտանոթային հիվանդությունների դեպքում։

5. Բրինձը հայտնի է իր բուժիչ հատկությունների բազմազանությամբ։ Այն մաքրում և օրգանիզմից դուրս է հանում թունավոր նյութերն ու աղերը, վերականգնում է նյութափոխանակությունը, սնուցում սննդային մանրաթելերով և օգտակար նյութերով։

Բրինձն օգտագործում են աղերի կուտակումների, նյութափոխանակության խանգարումների և թունավորումների ժամանակ։ Բրնձի օգնությամբ օրգանիզմի մաքրումն օգտակար, դյուրին և հասանելի գործընթաց է։

Պատրաստման եղանակը. 1 ճաշի գդալ բրինձն ամբողջ գիշեր թողնել սառը ջրի մեջ։ Առավոտյան եփել առանց աղ ավելացնելու և թողնել մի փոքր հովանա։

Օգտագործման եղանակը. ստացված զանգվածը (եփուկի հետ մեկտեղ) ընդունել սոված վիճակում՝ սնունդի առաջին ընդունումից 4 ժամ առաջ։ Ցանկության դեպքում այդ օրը կարելի է վերածել բեռնաթափման օրվա՝ հետագա սննդակարգի մեջ ներառելով 1 բաժակ եփած բրինձ, խնձորի հյութ և 1-2 խնձոր։ Բրնձով ամենօրյա առավոտյան մաքրումն իրականացվում է մեկ շաբաթ։

Այս գործողության մեխանիզմը հիմնված է բրնձի հատիկների կառուցվածքի և հատկանիշների հիման վրա։ Չոր վիճակում դրանք ունեն բյուրեղյա կառուցվածք, սական թրջվելիս բրնձի յուրաքանչյուր հատիկ ծածկվում է յուրահատուկ «պահոցներով», որոնց շնորհիվ էլ իրականացվում է աղերի «կլանումը»։

Ուշադրությո՛ւն։ Բրնձով դիետայի ընթացքում արգելվում է կծու, աղի և ճարպոտ սնունդ օգտագործելը, քանի որ դրանք նվազեցնում են բրնձի արդյունավետությունը։ Բացի այդ, բժիշկները խորհուրդ են տալիս այդ օրերին ընդունել կալիում և վիտամիններ պարունակող դեղահաբեր։

6. Եղևնու կամ սոճու կոները հարուստ են մի նյութով, որը ժողովրդական բժշկության մեջ անվանվում է կենսահյութ։ Այդ նյութն ունի աղային նստվածքների և հյուսվածքների միջև կապը քայքայելու, դրանք միմյանցից անջատելու և այդպիսով աղերը օրգանիզմից հեռացնելու յուրահատուկ հատկություն։ Դրա շնորհիվ հյուսվածքներն ու աղային նստվածքները միմյանց ամուր կապող նյութերը պարզապես լուծվում են։

Բուժման համար օգտագործում են կոնի եփուկը։

Պատրաստման եղանակը. կոնն ամբողջ գիշեր թողնել 200մլ ջրի մեջ։ Առավոտյան թուրմը 5 րոպե եռացնել, հանել կոնը և ավելացնել այնքան եռացրած ջուր, որ հեղուկը դառնա 200 մլ։

Օգտագործման եղանակը. ընդունել ամեն գիշեր ½ բաժակ (100 մլ)։ Բուժման կուրսի տևողությունն է 1 ամիս։

Հաճախ կարելի է համադրել 2 տարբեր եփուկներով բուժումներ՝ բրնձի և կոնի։ Այս դեպքում առավոտյան անհրաժեշտ է ընդունել բրնձի եփուկ, իսկ երեկոյան՝ կոնի։

Ուշադրությո՛ւն։ Քանի որ ավելորդ աղերի դուրսբերումը տեղի է ունենում բավական ինտենսիվորեն, օրգանիզմը դրանց հետ մեկտեղ կորցնում է նաև սրտի նորմալ աշխատանքի համար անհրաժեշտ կալիումի աղեր։ Անհրաժեշտ է նախօրոք մտածել այս տարրի պակասը լրացնելու մասին, ուստի այդ նպատակով կուրսի 10-րդ օրվանից խորհուրդ է տրվում ամեն օր՝ օրը 3 անգամ 1 թեյի գդալ մեղր ընդունել։ Բացի այդ, անհրաժեշտ է ուտել շատ կարտոֆիլ, խնձոր, ծիրանաչիր, կիտրոն և բոված ցորեն։ Բժշկի նշանակմամբ կարելի է նաև կալիումի քանակը վեականգնող դեղորայք ընդունել։

Այս մեթոդներն իրականացվում են բարցառապես բնական միջոցների գործածությամբ, այդ իսկ պատճառով գործում են բնական ճանապարհով և մեղմորեն։ Սակայն մինչ բուժման անցնելը անհրաժեշտ է այցելել բժիշկի և միասին ծրագել բուժումն ու քննարկել դրա բոլոր նրբությունները։