Հանրային լողափերը կազմ ու պատրաստ են դիմավորում հանգստյան սեզոնը

Սեւանա լճի ափին գործող հանրային երեք լողափերում 2016 թվականի հուլիսի 1-ից  կմեկնարկի  հանգստյան շրջանը, որին  նախապատրաստվելու նպատակով դրանք սպասարկող «Աեւան Ազգային պարկ»-ի կողմից   վերջին օրերին  ընթանում են մաքրման եւ կահավորման  աշխատանքներ:«Արմենպրես»-ի տեղեկացմամբ՝ այդ աշատանքների ընթացքին եւ հանգստյան սեզոնին նախապատրաստվելու  ընթացքին ծանոթանալու նպատակով   հունիսի 29-ին հանրային լողափեր այցելեցին ՀՀ բնապահպանության նախարար Արամայիս Գրիգորյանը եւ Գեղարքունիքի մարզպետ Ռաֆիկ Գրիգորյանը:  Այցի ընթացքում «Սեւան  Ազգային պարկ»-ի  տնօրենի տեղակալ Վահե Գուլանյանը ներկայացրեց, որ  հանրային լողափերում  կատարվել եւ կատարվում են անհրաժեշտ նախապատրաստական աշխատանքներ:  Աղբից մաքրվել  եւ  բարեկարգվել են տարածքները, միացվել կամ վերականգնվել է ջրամատակարարումը եւ էլեկտրասնո ւցումը, վերանորոգվել են խաղահրապարակները, սանհանգույցները, շվաքարանները, իսկ  մինչեւ հուլիսի 1-ը կվերականգնվեն  նաեւ լողափերի ավազային շերտերը: «Իրականացված աշխատանքները հույս են ներշնչում , որ  սահմանված ժամկետում ծառայությունների մատուցմամբ բոլոր երեք լողափերը հավուր պատշաճի պատրաստ կլինեն ընդունելու հանգստացողներին»,-հավաստեց Վահե Գուլանյանը:   Գեղարքունիքի մարզպետարանի եւ Արտակարգ իրավիճակների նախարարության մարզային ստորաբաժանումների համագործակցությամբ հանրային լողափերում ստեղծվել են անվճար բժշկական եւ փրկարար ծառայության կետեր, իսկ ՀՀ ոստիկանության տարածքային ստորաբաժանումների կողմից  հանգստի շրջանում կիրականացվի շուրջօրյա հերթապահություն: ՀՀ բնապահպանության նախարարի կարծիքով` լողափերում կան որոշակի  խնդիրներ, որոնց ուղղությամբ անհրաժեշտ է շտապ քայլեր ձեռնարկել:   «Իհարկե,  կան որոշակի թերություններ, որոնց ուղղությամբ արդեն հանձնարարություն տրված է: Սրանք շատ թեթեւ աշխատանքներ են, որոնք մինչեւ  հուլիսի 1-ը մենք կկարողանանք կարգավորել եւ  հանգստացողներին մատուցել   բավարար ծառայություն»,- նշեց բնապա հպանության նախարարը: Պետական կառույցների ղեկավարների կողմից  խոսվեց նաեւ      չորրորդ հանրային լողափի կառուցման մասին, որը  կառուցվելու է Ծովագյուղի՝ լճին ափամերձ տարածքում: Ըստ նախարարի եւ մարզպետի հավաստման՝ նոր լողափն   ունենալու է  առանձնահատուկ պայմաններ եւ գործելու է շուրջտարյա, վճարովի հիմունքներով: « 2015 թվականի հոկտեմբերի 23-ին ՀՀ նախագահի մոտ տեղի ունեցած խորհրդակցության ընթացքում տրված 10 հանձնարարականներից մեկն էլ հանրային լողափերի ընդարձակման վերաբերյալ  հանձնարարականն էր: Այս ուղղությամբ ենք քննարկում կազմակերպեցինք մարզի ափամերձ համայնքների ղեկավարների մասնակցությամբ,  եւ առաջինը  մեր առաջարկին դրականորեն արձահգանքեց   Ծովագյուղ համայնքը, ում կիողմից կատարված ֆինանսավորումը կազմել է  17 մլն. դրամ:  Առաջիկայում կհայտարարվի մրցույթ,  եւ  կսկսվեն շինարարական աշխատանքները»,-նշեց մարզպետ Ռաֆիկ Գրիգորյանը:

Խոսրով Խլղաթյան