Կանանց կառուցվածքի տիպերը. Որ տեսակին է պատկանում քոնը (Ֆոտո)

LIFE 1 July, 2016 0:42

Ճիշտ հագուստ, սպորտային համապատասխան վարժություններ եւ սննդակարգ ընտրելու համար անհրաժեշտ է իմանալ, թե Ձեր կառուցվածքը որ տիպին է պատկանում: Կնոջ կառուցվածքը նրա գենետիկայի և կենսակերպի արդյունքն է և եթե գենետիկան փոխել հնարավոր չէ, ապա կենսակերպը (սնունդ, ակտիվություն, սպորտ) փոխելու դեպքում հնարավոր է արտաքինում դրական լուրջ փոփոխությունների հասնել։ Wnews.am-ը կքննարկի կնոջ կառուցվածքի հիմնական տեսակները, իսկ Դուք որոշեք, թե որ տիպին է պատկանում Ձեր կառուցվածքը: Գոյություն ունի կառուցվածքի 5 հիմնական տեսակ.

Տանձաձև, կամ A-աձև. կանանց 15 տոկոսն ունի այսպիսի կառուցվածք: Տանձաձև կառուցվածք ունեցող կանանց կոնքերն ավելի լայն են, քան ուսերը, նրանք ունեն համեմատաբար փոքր կուրծք և ընդգծված, բարակ իրան: Մարմնի ներքևի հատվածը՝ ազդրերն ու կոնքերը ավելի ծավալուն են: Եթե այս կանայք գիրանում են, նրանց կառուցվաքի անհամաչափությունն ավելի է ընդգծվում, միանգամից գիրանում են ազրերը, կոնքերն ու հետույքը, իսկ դեմքն ու ուսերը մնում են նույնը: Նիհարելու դեպքում, այս կառուցվածքը բավական գեղեցկանում է՝ գրեթե վերականգնելով համաչափությունը ուսերի և կոնքերի միջև: Այս կանայք սովորաբար ունենում են կարճ ոտքեր և երկար ձեռքեր: Այսպիսի կանանց դեպքում շատ կարևոր է ձիգ, ուղիղ կեցվածքը, քանի որ կախ ուսերի դեպքում կառուցվածքի թերություններն ավելի են ընդգծվում: Հետաքրքիր է, որ տղամարդկանց մեծ մասն այսպիսի կառուցվածքը համարում է չափազանց կանացի, նրանց դուր է գալիս իրանի և ազդրերի ընդգծված տարբերությունը: Տանձաձև կառուցվածք ունեցող ամենահայտնի կինը Ջենիֆեր Լոպեսն է:

Ուղղանկյունաձև կառուցվաք ունեցող կանանց կոնքերն ու ուսերը հավասար լայնության են, իրանը գրեթե հավասար է ուսերի և կոնքերի չափին: Այսպիսի կանայք ունեն գիրանալու հակում և հիմնականում ավելորդ կիլոգրամներն ավելանում են իրանի հատվածում: Այդ պատճառով էլ այս կանայք մարզասրահում պետք է հատուկ ուշադրություն դարձնեն իրանին և հետևեն իրենց սննդակարգին: Հենց այսպիսի կառուցվածք ունեցող կանայք ավելի հեշտ կարող են շտկել իրենց մարմի թերությունները, քան մյուսները, քանի որ գլխավոր խնդիրն այստեղ իրան «ստեղծելն» է, իսկ իրանի մկաններն ավելի հեշտ են մարզվում և ստանում Ձեր ցանկացածք տեսքը, այնպես որ ուղղանկյունաձև կառուցվածք ունեցող կանայք կարող են մարզումների և ճիշտ սննդակարգի միջոցով իրենց մարմինը հասցնել կատարելության: Ամենահայտնի կինը Ուղղանկյունաձև կառուցվածքով Կամերոն Դիազն է:

Եռանկյունաձև կամ V-աձև

Սա սպորտային կառուցվածքն է՝ լայն ուսեր և նեղ կոնքեր: Այսպիսի կառուցվածք ունեցող կանայք սովորաբար ունեն երկար գեղեցիկ ոտքեր: Այս կանայք հակված չեն գիրության, բայց եթե այնուամենայնիվ գիրանում են, ավելորդ կիլոգրամները հավաքվում են մարմնի վերևի հատվածում՝ գիրանում են ձեռքերը, կուրծքը, փորը: Իրանը կարող է ընդգծված լինել, կարող է ոչ: Այս կանանց այնքան էլ խորհուրդ չի տրվում նիհարել, քանի որ առաջինը նիհարում են ազդրերն ու կոնքերը, իսկ մի քիչ կլորությունն այդ հատվածում V-աձև կառուցվածք ունեցող կանանց չի խանգարի: Հագուստներն ընտրելիս նրանք ընտրությունը գրեթե միշտ կարճ զգեստների և կիսաշրջազգեստների վրա են կանգնեցնում՝ ընդգծելով իրենց գեղեցիկ ոտքերը : Ամենահայտնի կինը V-աձև կառուցվածքով Անջելինա Ջոլին է:

O-աձև կառուցվածք. Ընդհանրապես, սա ամենապարադոքսալ կառուցվածքի տեսակն է. այս կանայք ունեն գեղեցիկ ոտքեր և կանացի ազդրեր, մեծ կուրծք և նուրբ ուսեր, բայց իրանի լիարժեք բացակայություն: Օրգանիզմի ամբողջ ավելորդ կիլոգրամները հավաքվում են փորի հատվածում՝ նմանեցնելով այս կառուցվածքը շրջանի։ Հաճախ այս կանանց որովայնն ու կուրծքը նույն չափի են: Նրանք հակված են գիրության և պետք է հատուկ ուշադրություն դարձնեն սննդակարգին: Այս կառուցվաքի կանայք պետք է զգուշությամբ ընտրեն հագուստ, ի դեպ O-աձև կառուցվածք ունեցող ամենահայտնի կինը Ալլա Պուգաչովան է:

Ավազե ժամացույց Այս կանանց բախտը բերել է, նրանց կառուցվածքը համարվում է իդեալական: Դուք ավազե ժամացույց կառուցվածք ունեք, եթե ձեր ուսերն ու կոնքերը համաչափ են, իրանը բարակ է, հաճախ՝ չափազանց բարակ, կուրծքը մեծ է: Այս կանայք յուրաքանչյուր տարիքում էլ կանացի տեսք են ունենում, քանի որ անգամ գիրանալու դեպում նրանց օրգանիզմի ավելորդ կիլոգրամները հավաքվում են կրծքի և ազդրերի հատվածում, իրանը գրեթե երբեք չի գիրանում: Ավազե ժամացույց տեսակի կառուցված ունեցող ամենահայտնի կինը՝ Մոնիկա Բելուչչին է:

Թե յուրաքանչյուր կառուցվածքին ինչպիսի հագուստ է համապատասախանում, Wnews.am-ը կներկայացնի իր հաջորդ հոդվածներում: Հիմա Ձեր խնդիրն է պարզել, թե որ տիպին է պատկանում Ձեր կառուցվածքը: