Օգոստոսի 10-ին կկայանա «Հանուն սոցիալական արդարության» կուսակցության հիմնադիր համագումարը
BLOGԱյսօր Սեւան Աղաջանյանը ֆեսբուքյան իր էջում գրել է.
«Հանուն սոցիալական արդարության» կուսակցության ձեւավորման գործընթացը սկսվել է: Շնորհավորում եմ բոլորիս կուսակցության ձեւավորման գործընթացը սկսելու համար։ Առաջին հերթին` միանշանակ դրական երևույթ եմ համարում նոր քաղաքական ուժի հայտնվելը Հայաստանի քաղաքական դաշտում, քանի որ նպատակ ունենք առողջացնել քաղաքական դաշտը: Մենք ոչ թե հերթական, այլ առանցքայի՛ն քաղաքական ուժ դառնալու հայտ ենք ներկայացնում։
Այս նոր ուժի հաղթանակը կլինի մեր հանրության հաղթանակը՝ ներքին ու արտաքին մարտահրավերներին արժանապատվորեն պատասխանելու միջոցով։ Մեկ անգամ եւս տեղեկացնում եմ, որ «Հանուն սոցիալական արդարության» կուսակցության (ՀԱՍԱԿ) հիմնադիր համագումարը կանցկացվի սույն թվականի օգոստոսի 10-ին՝ ժամը 12:00-ին, «Բեսթ Վեսթերն Կոնգրես» հյուրանոցի Բոլլ շքասրահում»: