Սիրիական բանակը «Հըզբոլլահի» հետ ազատագրել է Զաբադանիում գտնվող հրապարակներից մեկը
INTERNATIONAL NEWSՍիրիական բանակը լիբանանյան «Հըզբոլլահի» հետ համագործակցության արդյունքում օգոստոսի 24-ին վերահսկողություն է հաստատել Դամասկոսի մերձակայքում գտնվող Աջան հրապարակի վրա:
Ինչպես հաղորդում է սիրիական ՍԱՆԱ գործակալությունը, ռազմական գործողությունների արդյունքում տասնյակ ահաբեկիչներ են սպանվել:
40 ահաբեկիչներ են սպանվել Հալեպում և մերձակա գյուղերում: Սպանված զինյալները հիմանականում «Ջաբհա ան Նուսրա», «Ջաբհա աշ Շամիա», և «Հարաքա Ահրար աշ Շամ» խմբավորումների անդամներ են: Բախումներ են ընթացել ռազմաօդային ակադեմիայի մերակայքում:
Միևնույն ժամանակ Համայում սպանվել է «Ջեյշ ալ Ֆաթհ» խմբավորման ղեկավարը: Համայում ռազմական գործողություններին մասնակցել են նաև սիրիական օդային ուժերը, որոնք ռմբակոծել են ահաբեկչական խմբավորումների դիրքերը Զակում և Կաստուն գյուղերում:
Սիրիական բանակն ավելի քան չորս տարի անընդմեջ պայքար է մղում տասնյակ զինված խմբավորումների դեմ՝ փորձելով երկրում վերականգնել կայունությունն ու անվտանգությունը:
ՄԱԿ-ի տվյալներով` սիրիական հակամարտության ընթացքում զոհերի թիվը գերազանցել է 220 հազարը:



