9 մոդելներ, որոնց դժվար է անվանել թոշակառուներ

LIFE 20 July, 2017 16:36

Շատերը ծերությունը համարում են պատիժ կամ անբուժելի հիվանդություն, սակայն շատ իզուր: Մեր այսօրվա ֆոտոշարքի հերոսուհիները ծերանում են՝ պահպանելով իրենց շքեղությունը: Նրանք 70-ն անց մոդելներ են և չեն թաքցնում իրենց տարիքը և չեն հետևում ոչ մի կարծրատիպերի:

Եթե դուք ահանգսանում եք ծերանալու մասին, ապա խորհուրդ ենք տալիս դիտել այս 9 մոդելների լուսանկարները, որոնք ձեզ կստիպեն մոռանալ ծերության մասին:

Լորեն Հաթոն, 72 տարեկան

Իր կարիերայի ընթացքում Լորենը 26 անգամ լուսանկարվել է Vogue-ի համար և չի պատրաստվում դրանով կանգ առնել: Միայն 2013 թվականին նա լուսանկարվել է MUSE, The Edit և Harper’s Bazaar ամսագրերի համար: 61 տարեկանում նա նույնիսկ մերկ ֆոտոշարք է ներկայացրել՝ ասելով, որ կանայք պետք է հպարտանան իրենց մարմնով:

Ժակլին Մերդոկ, 86 տարեկան

Երիտասարդ ժամանակ Ժակլինը պարուհի է եղել և երազել է հայտնվել ամսագրերի շապիկներին: Եվ նրա երազանքը կատարվել է:

Դաֆնա Սելֆ, 86 տարեկան

Իր կարիերան Դաֆնան սկսել է 20 տարեկանից, սակայն հետո թողել է աշխատանքը և դարձել բազմազավակ մայր: Երբ նրա երեխաները մեծացան, Դաֆնան հասկացավ, որ կարոտում է պոդիումը և ցանկանում է շարունակել իր՝ մոդելի կարիերան: Հիմա նա ավելի պահանջված է , քան երիտասարդ ժամանակ:

Բադդի Ուինքլ, 86 տարեկան

Բադդին սիրում է իր մարմինը: DimePiece L.A բրենդը նույնպես հավանել է Բադիի մարմինը և նրան դարձրել իրենց բրենդի դեմքը: Բադդին Ինսթագրամի էջ ունի և 2 միլիոն հետևորդ:

Չինա Մաչադո, 86 տարեկան

Ուբեր Ժիվանշիի մուսա Չինան դեռ շարունակում է իր մոդելի կարիերան, սակայն երբեմն բողոքում է, որ շաբաթը մի քանի անգամ ստիպված է լինում թռչել Նյու Յորք՝ նկարահանումների: Իր հարցազրույցներից մեկի ժամանակ Չինան ասել է, որ չի հետևում ոչ մի դիետայի, օղի է խմում, իսկ կոսմետիկ միջոցներից օգտագործում է միայն օճառ և Pond’s կրեմ:

Վալերի Պեն, 75 տարեկան

Վալերին 60-ականների մոդել էր, և 65 տարեկանում կրկին վերադարձավ իր մոդելային կարերիային: Նա համագործակցում է ամենահայտնի մոդելային գործակալությունների հետ:

Կառմեն Դել Օրեֆիչե, 85 տարեկան

Այս էլեգանտ կինը գրանցվել է Գինեսի գրքում՝ որպես ամենաերկար կարիերա ունեցած պոդիումի մոդելը: Հետաքրքիր է, որ 15 տարեկանում իր առաջին ֆոտոշարքն ունենալուց հետո Կառմենին ասել էին, որ նա բացարձակապես ֆոտոգենիկ չէ և չպետք է շարունակի իր՝ մոդելի կարիերան: Սակայն, պարզվում է, որ մասնագետները նույնպես կարող են սխալվել:

Գիտտե Լի, 81 տարեկան

Գիտտեն հայտնի մոդել էր 70-ականներին, սակայն հետո նա ամուսանացավ: 50 տարի անց երջանիկ ամուսնության մեջ լինելուց հետո Գիտտեն կրկին պոդիում բարձրացավ: Գիտտեն հասցրել է վերջին մի քանի տարիներին լինել ամենահայտնի բրենդերի դեմքը:

Ջոյս Կարպատի, 82 տարեկան

Ջոյսը, ով անցյալում օպերային երգչուհի և Cosmopolitan-ի գեղարվեստական ղեկավարն է եղել, հիմա լուսանկարվում է Dazed, Another Magazine և Guardian ամսագրերի համար: 2013 թվականին նա նաև լուսանկարվել է Karen Walker-ի համար: Ջոյսը համարում է, որ երկարակեցության և երիտասարդ երևալու գաղտնիքը էլեգանտ լինելն է:

Նյութը հրապարակման պատրաստեց Past.am-ը։