Հետաքրքրաշարժ փաստեր երազների մասին

Մենք բոլորս երազներ ենք տեսնում, նույնիսկ մայրական արգանդում եղած ժամանակ: Մեզանից շատերը երազում տեսել են, թե ինչպես են իրենք թռչում կամ լողում, բայց, ըստ երևույթին, հատուկ իմաստ չեն վերագրել դրան: Ի՞նչ գիտեք դու՛ք երազների մասին, որ ամեն գիշեր այցելում են ձեզ: Ահա մի քանի հետաքրքրաշարժ փաստ երազների մասին:

Մենք ամեն գիշեր երազ տեսնում ենք, բայց ի տարբերություն Աստվածաշնչյան պատմությունների, այսօր մենք չենք կարծում, որ դրանք կանխատեսում են ապագան, այլ դրանք ունեն կարևոր դեր ուղեղի, դրա զարգացման և օրվա ընթացքում ստացած ինֆորմացիայի մշակման հարցում: Պետք է ուղղակի փակել աչքերն ու նորից սուզվել կախարդական կարևոր մի աշխարհ:  Ահա 9 հետաքրքրաշարժ փաստ երազների մասին, որ խորհուրդ ենք տալիս կարդալ.

     1. Մարդիկ, ովքեր ապրում են առանց երազների

Պատերազմի ընթացքում Յուվելի՝ ռիկոշետով գլխին ստացած հարվածը, շփոթության մեջ գցեց ամբողջ աշխարհի բժիշկներին: Մինչև 1982 թվականը բոլորը գիտեին, որ մարդ չի կարող ապրել առանց քնի ու երազերի: Առնետների և կատուների վրա իրականացված հետազոտությունները, որի ընթացքում նրանց զրկում էին քնի երազ տեսնելու փուլից, այդ կենդանիների մահվան պատճառ դարձան մի քանի շաբաթվա ընթացքում: Այս հետազոտությունները վերացրին բոլոր կասկածները առ այն, որ երազը չափազանց կարևոր է կյանքի շարունակության համար: Բայց վնասվածք ստանալուց մինչև այսօր Յուվալը քնելիս երազ չի տեսնում: Պրոֆեսորները ստուգել են նրան և պարզվել է, որ ռիկոշետի հարվածը դիպչել է  ուղեղի «պոնս» կոչվող հատվածին, որը պատասխանատու է երազի փուլի համար:  Նրանք կարծում էին, որ առանց երազներ տեսնելու Յուվելը կարող է լուրջ խնդիրներ ունենալ հիշողության հետ կապված, բայց մինչև օրս նա հաջողակ իրավաբան է, նկարիչ և ապրում է լիարժեք ուրախ կյանքով նույնիսկ առանց երազներ տեսնելու:

     2. Երազներ, որ տեսնում ենք մայրական արգանդում եղած ժամանակ

Երազների կարևորությունը գալիս է դեռ մանկությունից. նորածինները օրվա 70%-ը անցկացնում են քնած և այդ ժամանակահատվածի 50%-ի ընթացքում երազ են տեսնում: Հաշվի առնելով այն փաստը, որ նրանց առաջին տարիներն անցնում են արագացված ուսուցման և զարգացման միջով, կարող ենք ասել, որ երազները մեծ նշանակություն ունեն  ուղեղի զարգացման համար:

     3. 90 րոպե երազում

Մենք մեր կյանքի մեկ երրորդ մասն անցկացնում ենք քնած: Ամեն գիշեր մոտ 5 երազ ենք տեսնում, որոնք ընդանուր առմամբ տևում են մեկ ու կես ժամ:

     4. Արթուն լինելը երազ տեսնելիս

Երազ տեսնլու պարադոքսալ հատվածը, որ կոչվում է նաև արագ քնի փուլ, բավականին տարօրինակ է: Մինչդեռ քնի շատ հատվածներում թվում է ՝ մարմինը հանգստանում է, թուլանում, ուղեղի գործառույթները նույնպես թուլանում են, բայց երազի ժամանակ ուղեղը գործում է գրեթե այնպես, ինչպես արթուն ժամանակ: Արագանում են զարկերակն ու շնչառությունը, իսկ մարմնի մկանները մնում են անշարժ:

     5. Քաոսային աշխարհ առանց զգացումների

Ի տարբերություն առօրյա մտածելակերպի, երազները տրամաբանությունից զուրկ են: Իրադարձությունները կարող են տեղի ունենալ որևէ վայրում, որևէ պահին և մեկ էլ հանկարծ հայտնվել լուսնի վրա ՝ տեսնելով մեկ ուրիշի դեմքը:

Ու՞մ է պետք այս քաոսը: Այս երևույթը հիմնականում պետք է մեր հիշողությունը վերակազմավորելու համար: Երազ տեսնելու ժամանակ ուղեղը «ամեն ինչ դնում է սեղանին» և դասավորում: Հետազոտությունները ցույց են տալիս, որ այն  մարդկանց մոտ, ովքեր զրկված են բնականոն քնից, ուղեղի գործառույթն ու հիշողությունն ավելի վատ են, քան նրանց մոտ, ովքեր քնում են ու երազ տեսնում:

     6. Ընկնել և լողալ

Դուք, հավանաբար, տեսել եք երազ, որտեղ թռչում կամ լողում եք: Հետազոտությունները պարզել են, որ այս երևույթը պատահում է բոլոր մշակույթների, ցեղերի և սեռի մարդկանց հետ: Սրանք ամենատարածված երազներից են, բայց, ըստ երևույթին, ոչ մի կարևոր կոնկրոտ սիմվոլիկա չունեն: Հավանաբար թռչելու կամ լողալու մասին երազները կախված են երազի փուլ անցնելու հոգեբանական փոփոխության հետ, երբ մարմնի լարված մկանները արթուն փուլից անցնում են քնի անշարժության (երազի) ու հանգստի փուլ:

     7. Քարտեզագրված ուղեղ

Նոր Մագնիսառեզոնանսային սկանավորման սարքի զարգացումը մեզ օգնեց ավելի լավ հասկանալու, թե ինչ է կատարվում մեր ուղեղի հետ, երբ երազ ենք տեսնում: Մենք կարող ենք վերահսկել արյան հոսքը ուղեղի տարբեր մասերում, և հենց դրա շնորհիվ էլ հետազոտողներին հաջողվել է պարզել, որ երազ տեսնելու ժամանակ գործում են ուղեղի հippocampus (որը պատասխանատու է հիշողության համար) և amygdale (որը պատասխանատու է էմոցիաների և ուղեղի ցողունային վերձիգի կամրջակի համար համար) հատվածները:

     8. Միախառնված ներկան և անցյալը

Չնայած նրան, որ մեզ հաջողվել է երազի ընթացքում քարտեզագրել ուղեղը, դեռ գոյություն ունեն շատ հարցեր այս բարդ մեխանիզմի վերաբերյալ:  Ակնհայտ է, որ երազները ինֆորմացիա են վերցնում հիշողություններից, որոնք հավաքվել են ժամանակի ընթացքում և դրանք իրար են կպցնում տարօրինակ հաջորդականությամբ:  Երազում տարրերը կարող են վերցվել հենց նույն օրվա, մեկ շաբաթ կամ նույնիսկ 10 օր առաջվա իրադարձություններից: Սա նշանակում է, որ եթե ինչ որ մեկին հանդիպեք Նյու Յորքում, հնարավոր է  10 օր հետո նրա մասին երազ տեսնեք, բայց ուրիշ ժամանակացույցով և ուրիշ վայրում:

     9. Ամենատարածված երազները

• Քննության ձախողում
• Մերկ հայտնվելը հասարակության մեջ
• Թռչել կամ վթարի ենթարկվել ինքնաթիռով
• Լողալ
• Անշարժացում կամ շարժումների արգելակում, օրինակ, երբ փորձում ես ինչ որ բանից կամ ինչ որ մեկից փախչել
• Առևանգվել մարդկանց, կենդանիների կամ այլ արարածների կողմից:
• Սեռական գործողություններ
• Բնական աղետներ
• Ատամների կորուստ
• Բռնություն ձեր կամ ուրիշների նկատմամբ
• Լքվածության կամ նվաստացվածության զգացում
• Ուշացում ավտոբուսից, գնացքից կամ ինքնաթիռից
• Ինչ որ շինության մեջ գաղտնի սենյակների հայտնաբերում
• Գումար կորցնել կամ գտնել
• Մարդիկ անցյալից կամ ներկայից
• Հղիություն և ծննդաբերություն
• Հանդիպում անծանոթ մարդկանց և իրավիճակների հետ