Նոր բացահայտումներ աշխարհի ամենահայտնի՝ «Կորուսյաները» առեղծվածային սերիալից (լուսանկարներ)

Past.am-ն այս անգամ որոշեց գնալ աշխարհում ամենահայտնի ֆիլմերից մեկի՝  «Կորուսյալներ»-ի հետքերով և Ձեր ուշադրությանը ներկայացնել նոր՝ բացառիկ  մանրամասներ այս առեղծվածային հայտնի սերիալից:

Ֆիլմում պատմվում է Oceanic Airlines  ավիաընկերության 815 չվերթի՝ Ավստրալիայի Սիդնեյ քաղաքից ԱՄՆ-ի Լոս-Անջելես քաղաք ուղևորվող ինքնաթիռի վթարից հետո, Օվկիանիայում հանելուկներով և գաղտնիքներով լի կղզում հայտնված, և ողջ մնացած ուղևորների պատմությունը։

Սերիալը ստեղծվել է Ջ. Ջ. Աբրամսի, Դեյմոն Լինդելոֆի և Ջեֆի Լիբերի կողմից և հիմնականում նկարահանվել է Հավայների Օահու կղզում։ 

Փորձնական սերիան ցուցադրվել է ABC հեռուսաընկերության եթերում 2004թ․ սեպտեմբերի 22-ին և իր էկրանների առաջ է հավաքել շուրջ 19 մլն․ մարդ։ Այն բաղկացած է 6 եթերաշրջանից, որոնք ամբողջովին արդեն ցուցադրվել են։

Սերիալի գլխավոր պրոդյուսերներն են Աբրամսը, Լինդելոֆը, Քարլթոն Քյուզը, Բրայան Բարքը, Ջեք Բենդերը և ուրիշներ։ Մեծ դերասանական կազմի և Հավայներում նկարահանման բարձր գնի հետ կապված «Կորուսյալները» հեռուսասերիալն այսօր համարվում է համաշխարհային հեռուստատեսության պատմության մեջ ամենաթանկ սերիալներից մեկը։

Հեռուսադիտողների, ինչպես նաև քննադատների շրջանում հաջողություն ունեցող այս սերիալը միայն առաջին եթերաշրջանի ցուցադրման ժամանակ ԱՄՆ-ում իր շուրջն հավաքեց մոտ 16 մլն․ մարդ։ Այն բազմաթիվ մրցանակների դափնեկիր է։

2007 թվականի մայիսին հայտարարվեց, որ նախատեսվում է ևս երեք եթերաշրջանների նկարահանում, յուրաքանչյուր եթերաշրջանում՝ 16 սերիա, սակայն հետագայում մտադրությունն վերանայվեց։ Արդյունքում սերիալի վերջին սերիան ցուցադրվեց 2010թ․ մայիսի 23-ին։ Այդ ամբողջ ընթացքում ցուցադրվել է ընդամները 121 սերիա։ 

«Կորուսյալները» սերիալը մշակութային ֆենոմեն է դարձել։ Սերիալի սյուժեով ստեղծվել են գրական աշխատանքներ, կոմիքսներ։ 2006-ի ամռանը թողարկվել է The Lost Experience համակարգչային խաղը։ Չորրորդ եթերաշրջանի նախօրյակին համացանցում տեղի ունեցավ «Find 815» խաղը։ 2008թ․փետրվարի 26-ին թողարկվեց Lost: Via Domus խաղը։

Ստեղծման պատմությունը

«Կորուսյալները» հեռուստասերիալի ստեղծումը սկսվել է 2004թ․ հունվարից, երբ ABC ընկերության նախագահ Լոյդ Բրաունը ռեժիսոր Ջ. Ջ. Աբրամսին առաջարկեց սերիալ նկարահանել հեռու և անմարդաբնակ կղզում ինքնաթիռի վթարի մասին։ Չնայած իր անվստահությանը, շուտով Աբրամսին սկսեց դուր գալ սերիալի միտքը, և արդյունքում նա սկսեց Դեյմոն Լորենսի հետ սկսեց համատեղ աշխատել մի ունիկալ ոճի սերիալի և դրա հերոսների վրա։

Սերիալի ստեղծումն ժամանակի առումով խիստ սահմանափակված էր։ Սակայն ստեղծողների խումը բավականին ճկուն էր ու փորձառու։ Նրանք առանց տատանվելու փոխում կամ ստեղծում էին սերիալի նոր հերոսներ, որպեսզի դրանք հարմար լինեին այն դերասանների համար, որոնց նրանք ցանկանում էին տեսնել իրենց սերիալում։

Չնայած «Կորուսյալների» փորձնական սերիան քննադատվեց ամբողջ հեռուստատեսային պատմության մեջ ամենաթանկ փորձնական սերիան դառնալու համար, այնուամենայնիվ հետագայում սերիալն դարձավ 2004-ի հեռուստատեսային սեզոնի ամենամեծ առևտրային հաջողություն ունեցող նախագծերից մեկը։ Թերևս սերիալի ամենամեծ հաջողությունն «Լավագույն դրամա» անվանակարգում 2005-ի սեպտեմբերին նվաճված «Էմմին» էր։ Այդ ժամանակ «Էմմի» ստացավ նաև Աբրամսը՝ որպես փորձնական սերիայի լավագույն ռեժիսոր։